Palonga 11:12 - Tataroha Diana

¹² Na Liꞌoa Maaꞌi e unue hunieu uri ne ke suꞌuri meꞌu, taꞌe ne ke lae mola peꞌire. Oto e oono aasikaelu ie kire hakusieu oto huni lae wau i Sisaria, na melu lai hule wau i nume a mwane nge e hai uusungeꞌi hunieu.

Palonga 11:12 ပူးပေါင်းရင်းမြစ်များ

Matiu 1:20

Maholo a Josep ko loꞌo-loꞌongaꞌi ue urine, ensel a God ko si waꞌaraa hunie aani maꞌahu-polenga na ko teꞌuri, “Josep, iini o hute mai aana komu a Deved Inemauri, suꞌuri meꞌu huni toꞌo aana a Meri. Kele mwela nge ko hiꞌe-hiꞌe aana ngeena, e lodo aana Liꞌoa Maaꞌi.

Tataroha Diana I Sulie A Jisas Kraes Nge A Jon E Uusue 16:13

Taꞌe a Liꞌoa kei haataꞌinie walaimolinge a God huniꞌomu. Maholo kei lae mai ngeena, nge ke si naꞌomiu oto i lalo aana ahutana walaimolinge uure mwaanie a God. E saꞌa ere ike mola tohune, taꞌe kei ere i sulie nga taa e rongoa, na kei unue huniꞌomu mo ola kei haro oa taane ue aana nga maholo.

Palonga 1:15

Oto aana mo dingena, aana ngaeta maholo ola mala tangalai iinoni peꞌie nga ro aawala aana mo iini kire hiiwalaimoli kire mani loko. Oto a Pita e uure i lengi ko si teꞌuri,

Palonga 10:23

Oto a Pita e si unue kire ke lae kaꞌu mei nume, na kire ko maꞌahu oto aana hai rodona. E dangi hoꞌowa a Pita e dau aakau mango, kiraelu ko si meni lae, na ngaeta mo eesine i lalo aana Kraes i Jopa ko hekusire noꞌone.

Palonga 10:45

Mo Jiu nge kire hiiwalaimoli oto na kire lae mai peꞌie a Pita, kire ko tohungei pangataꞌi aana a God e niie noꞌone Liꞌoa Maaꞌi hunie kira Konilias maꞌalana ikire mo Aapoloa Aaopa.

Palonga 11:13

Na a mwaena ko haꞌarongoꞌemeelu oto uri e leesie ngaeta ensel wau i nume ingeie, na ensel ngeena e teꞌuri hunie, ‘O ke uusungeꞌinie nga mo iini wau i Jopa huni haaraie a Saemon nge ngaeta sata aana a Pita.

Palonga 13:2

Na maholo kire ko palo-paloa God peꞌie oolongaunge, Liꞌoa Maaꞌi e ere mai peꞌire e teꞌuri, “Omu ke oopaa a Banabas na a Sol nakue huni esuie mei esunge nou lio hilisirerue huni esuie.”

Palonga 13:4

E ro mwane nge Liꞌoa Maaꞌi e uusungeꞌinirerue ngeena, kire lae hai huilume i Selusia huni taꞌe aana nga haka hunie mala-malau i Saepras.

Palonga 15:7

Na purine kire ere hiitoꞌo oto i sulie, a Pita e uure i lengi, oto ko teꞌuri, “Maeni eesiku maaꞌi, omu meni saie oto uri a God e lio hilisieu oto wau i naꞌo mwaanie pulitaa ikolu hunie ineu ne ke holaꞌi laengaꞌinie Tataroha Diana hunie mo Aapoloa Aaopa hunie ikire noꞌone kire ke hiiwalaimoli aana Jisas.

Palonga 15:9

E kaꞌa asuie ike nga mei ola ke aaopa i matolakaelu. E taꞌaasie mo oorahaꞌaanga mo Aapoloa Aaopa aena kire hiiwalaimoli mala e asuie kaꞌu aakaelu mo Jiu.

Palonga 28:15

Oto mo mwaasine aana hiiwalaimolinge wau i Rom kire rongo tarohana uri melu ko lae oto wau. Oto ngaeta mo iini aada kire si lae mai maaꞌoohiꞌemeelu aana leu ni uusiꞌe i Apias, na ngaeta mo iini aana leu kire haaraꞌinie aana “Oolu Nume Ni Awataa.” Maholo a Pol e leesire ko si tohungei ilenimwaꞌe, na ko ere ni paalahenga oto hunie a God.

Palonga 8:29

Oto Liꞌoa Maaꞌi ko teꞌuri hunie a Pilip, “O ke lae i hekusie mwane aana taetahe waune.”

Uusu-uusu A Pol Hurula'aa Hunie Mo Rom 3:22

A God maraana oto ko esuie mwala e hiiwalaimoli aana Jisas Kraes, kire ke neꞌi iinoni oodotaꞌi i maana. Na nga taꞌa-taꞌa mei ola e kaꞌa aaopa ike i matolana mo Jiu na mwala nge ikire nga mo Jiu haꞌike.

2 Tesalonaeka 2:2

Nou sereꞌinie uri omu ke taipuꞌo-puꞌo wa omu ke tolahiꞌe aana omu ko rongoa taꞌena nga wala ko loho hailiu uri hai dinge a Aalaha e hule oto. Mwaanie mwala kire eeroꞌomu urine na kire unue uri Liꞌoa ni e unue, wa uri iꞌemeelu ni melu unue, wa melu uusue i laona nga uusu-uusu iꞌemeelu.

Haataꞌinge 22:17

Oto Liꞌoa Maaꞌi e unue uuri, “O ke lae mai.” Huꞌe a Kalei Sipu, nge oto soihaadaꞌinge, e unue noꞌone uuri, “O ke lae mai.” Na e malisine noꞌone hunie taꞌena nga iini ko rongoa mo wala ienini ke unue uuri “O ke lae mai.” Na mei wala ko lae noꞌone hunie mo iini kire sare toꞌo aana maurihe huu. “Omu ke lae mai.” Mo iini nge omu ko maarou hunie maurihe, omu ke lae mai tola mwaakule mola aana wai ni meurihe ienini.