Palonga 10:28 - Tataroha Diana

²⁸ Oto a Pita ko teꞌuri hunire, “Omu saie oto haꞌatolanga iꞌemeelu mo Jiu e uure honosiꞌemi mwaanie emi heꞌimalahune peꞌie nga iini aana mo Aapoloa Aaopa wa emi ke sili i laona mo nume ikire urini. Taꞌe a God e haataꞌinie aaku uri ne ke suꞌuri unue loꞌu nga iini e madaꞌa na e kaꞌa malisine haꞌimalahunanga peꞌie a God.

Palonga 10:28 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 7:2

Na aana maholona kire ko leesie uri mo pwaarongoisuli a Jisas kire kaꞌa hodalie kiꞌide i sulie taungei hoda-kiꞌinge nge mo Parise kire saetoꞌo aana mo iinoni ke hele i sulie i naꞌona ngaunge.

Tataroha Diana I Sulie A Jisas Kraes Nge A Luk E Uusue 18:11

Oto Parise ngeena e uure wau maraana mwaanie mwane susulu toꞌoha, ko si aarengaꞌi i sulie maraana, na ko teꞌuri, ‘God, no ko paalaheꞌo aana nou kaꞌa aaela ike mala ngaeta mwala. Nou kaꞌa urihana ike mwala nge kire sai peli, kire sai leu-leu ola, na kire ko mei-mesi. No ko paalaheꞌo aana nou kaꞌa urihana ike mwane susulu toꞌoha waune.

Tataroha Diana I Sulie A Jisas Kraes Nge A Jon E Uusue 18:28

Oto mola i waꞌalie i maahuꞌo-huꞌo, kire si toolea a Jisas mwaanie nume a Kaiapas hunie nume paine ni aalahanga mo Rom. Mo mwane paine ikire mo Jiu, kire ko haꞌahili-hili aena aana kire sare iiꞌo rereꞌa malisine Houlaa Ni Liumwaanie. Oto kire kaꞌa sare sili ike i laona nume ni aalahanga ngeena mwaanie kire waelie haꞌatolanga ikire aana kire sili i laona nume mo Aapoloa Aaopa, na urine kire loꞌuhangaꞌa oto.

Tataroha Diana I Sulie A Jisas Kraes Nge A Jon E Uusue 4:27

Maholona na mo pwaarongoisuli a Jisas kire si hule mola i saadarue. Kire ko tohungei pangataꞌi aana kire leesie uri a Jisas ko ere-ere peꞌie a keni ngeena. Taꞌe nga iini aada e kaꞌa heꞌi dolosi loꞌu aana a keine uuri, “?Nga taa o saetoꞌo aana?” wa ke dolosi aana a Jisas uuri, “?E ue o ko ere-ere peꞌie a keni ngeena?”

Tataroha Diana I Sulie A Jisas Kraes Nge A Jon E Uusue 4:9

A keine ko tohungei pangataꞌi aena aana mo Jiu ko tohungei leledie mo Samaria, hule aana kire kaꞌa sare ngau ike wa kire ke inu aana mo kao-kao mo Samaria. Oto a keine ko teꞌuri hunie a Jisas, “Iꞌoe mwane ni Jiu, na ineu keni ni Samaria. ?Oto e ue o ko si sukaa nga mei wei emue aaku?”

Palonga 10:29

Na maholo omu hei uusungeꞌi hunieu, nou kaꞌa sare unue loꞌu nga mei ola, taꞌe nou lae mola mai. ?Oto no ko dolosi mola aamiu, e ue ni omu saetoꞌo aana ne ke lae mai?”

Palonga 11:9

“Na no ko rongoa mei wala e uure taꞌau i Lengi ko ere loꞌu mei, ko teꞌuri, ‘Mo ola nge a God e unue uri kire rereꞌa, suꞌuri loꞌongaꞌinie loꞌu uri kire madaꞌa.’