Palonga 10:22 - Tataroha Diana22 Oto ngaeta iini aadaelu ko teꞌuri hunie, “A Konilias nge e uusungeꞌiniꞌemeelu mei ie, ingeie poro paine haahie mae. Na ingeie mwane e oodotaꞌi, na ko palo-paloa noꞌone a God, na ahutana mwala ni Jiu kire tohungei haꞌamaꞌu aana. Na ngaeta ensel a God e unue hunie ke unue huniꞌo uri o ke lae kaꞌu weu i nume ingeie hunie ke rongoa nga taa o kei unue hunie.” အခန်းကိုကြည့်ပါ။ |
Mwala aana maholo ienini kire ko talei deu taꞌe wau oto mola, aana kire kaꞌa kinetaꞌinire ike loꞌu mala mo iinoni a God. Oto mala uri nga iini ko masa huni unu tahangaꞌinieu na mo haꞌa-uusulinge ineu i matolana mwala ni oorahaꞌaa ienini, nge ineu noꞌone ne kei masa huni unu tahangaꞌinie aana maholo ne kei lae mai peꞌie mo ensel maaꞌi aana manikuluhaꞌana a Mamaꞌa.”
Na a Josep, mwane aana huilume i Arimatia aana poꞌo ni henue i Jiudia, ingeie noꞌone i leune aana maholona. Ingeie mwane diana na e oodotaꞌi, na ko maa-maaꞌoohie Aalahanga a God kei lae mai. A Josep mwane taane noꞌone aana pulitaa ni lei-lei mo Jiu, taꞌe e kaꞌa ilenimwaꞌe ike peꞌie walu ola kire asuiꞌi aana a Jisas.
Aana Tataroha Diana ngeena ko haataꞌinie hunie mwala uri a God e sai neꞌi oodohie mwala peꞌie maraana uri taa. Na tala ngeena mei ola aana hiiwalaimolinge mola, uure oto i aehotalana hunie haꞌamangolana. Na nga tala aaopa loꞌu, haꞌike oto ooꞌoo, mala mo Uusu-uusu Maaꞌi e unue uuri, Iinoni e oodotaꞌi i maana God i tehulaꞌana hiiwalaimolinge, nge haꞌalaa kei meuri huu. Habakuk 2:4
Kie lae mai aana lokonga aana soihaadaꞌinge ikie mo naꞌohai mwela a God nge sataka oto i laona uusu-uusu aana mo iini kire kei iiꞌo taꞌau i Lengi. Na kie lae oto mai i saana God, iini kei leie ahutana mwala, na kie iiꞌo oto peꞌie maurihaꞌana mwala diana holaꞌinaꞌo nge a God e taꞌaasie oto taꞌena nga aaelanga mwaanire.
Mo iini urine kire kei meni hiingeꞌinie saewasunge a God oto toꞌohuu aana e saꞌa pwaidoraa ike saewasunge ingeie peꞌie nga kele mei ola ni aamasinge hunire, taꞌe kei haꞌa-aahesie mola apude. A God kei aasire mola i laona dunge ni haꞌamotaahinge aana mo heu eeso-eeso i naꞌona mo ensel maaꞌi ingeie na a Kalei Sipu.