Na Liꞌoa Maaꞌi e unue hunieu uri ne ke suꞌuri meꞌu, taꞌe ne ke lae mola peꞌire. Oto e oono aasikaelu ie kire hakusieu oto huni lae wau i Sisaria, na melu lai hule wau i nume a mwane nge e hai uusungeꞌi hunieu.
Oto a Pilip e oꞌoꞌo, na ngaeta ensel a God e lae mai saana ko teꞌuri hunie, “Taꞌelaꞌi, hunie o ke lae i aatowaa i sulie tala e uure i Jerusalem takoie i Kesa nge e liu i laona hanuesala.”
Taꞌe a Aalaha e teꞌuri mola hunie, “!O ke lae mola! A mwane ngeena nou lio hilisie oto hunie ke asu nekue. Kei tarohaꞌinie sataku hunie mo Aapoloa Aaopa na mo inemauri ikire, na mo Israel noꞌone.
Oto a Ananaeas e lae oto, e lai sili weu i nume ngeena e si hele i pweune a Sol aana nimana, na ko teꞌuri, “!Aasiku, Sol! A Jisas nge e haataꞌi eemu maholo o lae mai sulie tala, ingeie oto a Aalaha na e uusungeꞌinieu mei ie hunie o ke lio-lio loꞌu, na hunie o ke honu aana Liꞌoa Maaꞌi.”
Taꞌe mala o ko suke aana God, o ke hiiwalaimoli aana haꞌalaa. O ke suꞌuri loꞌongaꞌinie o kei noru dile aana, sulie iini ko hii mwaka e urihana naho nge ko aaꞌaro hailiu wai eesi aana iiru.