Palonga 10:17 - Tataroha Diana

¹⁷ Oto a Pita ko talei loꞌo-loꞌongaꞌi hiitoꞌo i sulie mei haataꞌinge ngeena, na aana maholona e oolu mwane nge a Konilias e uusungeꞌinire kire ko lio oodoie oto nume a Saemon. Kire uure i maana para taꞌau i sinaha.

Palonga 10:17 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 13:12

Oto maholo e hodalie aeꞌaeda mango, e si hoꞌosie loꞌu toꞌoni tetewa ingeie, na ko lai iiꞌo loꞌu i aano aana leu kire ko ngeu aana. I leune a Jisas ko si teꞌuri, “?Uri omu saie taane mei ola nge nou si esuie huniꞌomu ie?

Palonga 10:3

Aana ngaeta hai dinge aana ola mala oolune nga maholoi sato i aapai sato, a Konilias e leesie mei haataꞌinge mwaanie a God, na ko leesie oto ngaeta ensel a God e sili mei nume ingeie na ko soie, oto ko teꞌuri, “Konilias.”

Palonga 2:12

Oto aena aana kire ko tohungei pangataꞌi na kire kaꞌa saie ike nga taa e rau, nge kire ko si dolosi heiliu aada uuri, “?Nga taa ni loꞌongaꞌinge aana mei ola e rau ngeena?”

Palonga 25:20

Nou kaꞌa saie loꞌu nga taa ne kei esuie hunie ne ke saie walaimolinge i sulie mei ola ienini. Oto nou dolosi aana a Pol ohe kei mwaꞌe-mwaꞌe taane hunie ne ke lai leie taꞌau i Jerusalem wa haꞌike.

Palonga 5:24

Oto maholo naꞌohana pulitaa kakakali aana Nume Maaꞌi Peine na mo naꞌohai pris kire rongo urine kire ko si meni tohungei tolahiꞌe aana kire kaꞌa saie nga taa e rau aana mo hurulaꞌaa.

Palonga 9:10

Na ngaeta pwaarongoisuli e iiꞌo wau i Damaskas, satana a Ananaeas. A Aalaha e ere peꞌie aani maꞌahu-polenga e teꞌuri, “Ananaeas.” Oto e aalamie ko teꞌuri, “Iau, ineu taane ie, Aalaha.”

Palonga 9:43

A Pita e kele iiꞌo tewa wau i Jopa na e iiꞌo peꞌie a Saemon, mwane ko esu aakau aana mo teꞌe-teꞌei puluke hunie mwala aaopa kei esuie mo ola mwaaniꞌi.

1 Pita 1:11

Liꞌoa a Kraes e iiꞌo i lalo aada, na e lae peꞌi unu tahangaꞌinie oto oodoire uri a Kraes kei holaꞌi sapesalu keꞌu hiitoꞌo, na oto loꞌu i puri, ke si hele aana manikuluꞌanga ingeie. Taꞌe mo propet kire kaꞌa tohungei saie ike walu ola ngeena kei reu uri taa, na kire dau-deu aahonga ni heitale i sulie uri maholo uri taa ni mei olana kei reu, na hunie a tei.