“Oto ne ke si unue loꞌu hunie mo iini i meu-meuliku uuri, ‘Omu ke tahi mwaanieu, mo iini nge omu iiꞌo oto loosie haꞌamotaahinge a God. Omu ke tahi i laona dunge nge ko weru tarau mola, na e saꞌa mwaꞌa loꞌu. Dunge ngeena dau aakaulana e lae oto hunie a Satan na mo liꞌoa aaela ingeie.
Ineu a Kale Ni Iinoni ne kei mae taane oto mala mo Uusu-uusu Maaꞌi e unue. Taꞌe aama-aamasilana a mwane ngeena nge kei pweloau a Kale Ni Iinoni, aana kei lae otoi diana hunie iinoni ngeena mala uri ke suꞌuri hute.”
Oto mola i purine a Jiudas e hele aana mei bred ngeena mango, a Pwelu Eero-eero e si sili i lalo aana. Oto a Jisas ko si teꞌuri hunie, “Nga taa o ko sare asuie, o ke asuie oto lau-leu.”
Maholo nou oꞌoꞌo peꞌire, nou koni diana aada aana nanamanga aana satamu, nanamanga nge o niie kaꞌu hunieu. Nou lio i suli diana aada, hule aana nga taꞌa-taꞌa iini aada e kaꞌa aiꞌaa, taꞌe taꞌa-taꞌa iini mola e adona oto ke aiꞌaa huni haꞌa-oaie mo Uusu-uusu Maaꞌi.
A Jisas e tohungei haataꞌinie hahuꞌana manata-diananga ingeie hunieu aana e lio hilisieu hunie ne ke neꞌi hurulaꞌaa ingeie, uri hunie ne ke naꞌona mwala aana taꞌena nga komu hunie kire ke haꞌapainaꞌaa satana, na hunie kire ke hiiwalaimoli aana, na hunie kire ke tola i sulie walana.
Oto maꞌalana ngaeta mwala kaꞌa si lio saieu mala uri nga hurulaꞌaa, taꞌe iꞌomu, omu saie taane, aena aana mauringe haalu iꞌomu i lalo aana a Aalaha e haataꞌi diana aana taane uri ineu nga hurulaꞌaa toꞌohuu.
Aana a God nge e niie nanamanga hunie a Pita huni esu mala nga hurulaꞌaa nana mo Jiu, ingeie nge e niie noꞌone nanamanga ngeena hunieu huni esu mala nga hurulaꞌaa nana mo Aapoloa Aaopa.