Palonga 1:19 - Tataroha Diana

¹⁹ Oto ahutana mwala taꞌau i Jerusalem kire rongoa tataroha i sulie leune, oto kire si haaraꞌinie mei mwakano ngeena aana walada Akeldama, loꞌongaꞌinge aana uri “Aano ni Epu.”)

Palonga 1:19 ပူးပေါင်းရင်းမြစ်များ

Matiu 27:8

Aena urine nge kire si haaraꞌinie mei aano ngeena aana Aano Ni Epu hule oto mai aana mo dinge ienini.

Matiu 28:15

Oto kire toolea mei toꞌoha ngeena, na kire ko deu oto i sulie nga taa mo rato ni mwane kire hatongaꞌinie hunire. Oto tataroha ngeena ko taro hailiu i matolana mo Jiu hule oto mai aana mo dinge ienini.

Palonga 2:22

“!Iꞌomu mo Israel, omu ke pwaarongo diana aana mo wala ienini! A Jisas ni Nasaret ngeena, a God e haataꞌi diana aana oto aamiu uri ingeie ni e uusungeꞌinie mai. Omu saie oto maraamiu uri a God ni e haataꞌinie mei olana aana mo huꞌi-huꞌite na mo tolimaa a Jisas e asuiꞌi i matolamiu.

Palonga 21:40

A poro paine e toliꞌaasie mola, oto a Pol e uure i lengine huru-huru aana nume maꞌutaꞌa ngeena, ko si salo haahie mwala hunie kire ke pwaarongo hunie. Maholo kire iiꞌo mwa-mwanoto, ko si ere hunire aana tohungana erenga mo Jiu ko teꞌuri,