Tataroha Diana I Sulie A Jisas Kraes Nge A Mak E Uusue 9:50 - Tataroha Diana

⁵⁰ “Ahaa mei ola diana, taꞌe mala uri ahaanga aana kei lae mwaanie, kei neꞌi ola aaela oto aana e saꞌa ahaala ike loꞌu. Oto urine, e malisine tolahamiu ke ahaala taraꞌasi, na omu ke iiꞌo ni henuelama i matolamiu heiliu.”

Tataroha Diana I Sulie A Jisas Kraes Nge A Mak E Uusue 9:50 ပူးပေါင်းရင်းမြစ်များ

Matiu 5:13

Oto a Jisas ko heꞌi teꞌuri loꞌu hunie mo pwaarongoisuli ingeie, “Iꞌomu oto domana ahaa hunie mo iinoni aana walumalau ie. Taꞌe omu ke saie uri dianahaꞌana ahaa nge kei eiꞌaa mwaanie, o saꞌa roroꞌa ni esuie loꞌu hunie ke ahaala. Mala ko urine oto, na e kaꞌa diana ike loꞌu hunie nga mei ola eena. Na aasilana kei lae oto mola i sulie tala na mwala kei uuri puli-pulisie oto.”

Tataroha Diana I Sulie A Jisas Kraes Nge A Mak E Uusue 9:34

Taꞌe kire kaꞌa aalamie ike aena aana kire lae peꞌi ere haitelili haahie uri a tei hikada ni e paine liutaa.

Tataroha Diana I Sulie A Jisas Kraes Nge A Mak E Uusue 9:49

Na i leune dunge kei weruhie ahutada taraꞌasi.

Uusu-uusu A Pol Hurula'aa Hunie Mo Rom 12:18

Mala uri leu i sapemiu hunie omu ke iiꞌo ni henuelama peꞌie ahutana mwala, nge omu ke asuie oto.

2 Korinit 13:11

Oto leu ooreta, maeni eesiku maaꞌi, ne ke unue mola hao huniꞌomu uri omu ke iiꞌo ni ilenimwaꞌenga mola. Omu ke dau aahonga hunie nga mei tolahai iinoni diana ke suꞌuri eiꞌaa mwaaniꞌomu, na omu ke tola i sulie walaku. Omu ke neꞌie taꞌa-taꞌa mei sae, na omu ke iiꞌo ni henuelama. Oto a God, iini nge ingeie aahuꞌine manata-diananga na hanuelamanga, ke si iiꞌo peꞌiꞌomu.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Epesas 4:29

Omu ke suꞌuri unu-unue mo wala aaela, taꞌe omu ke unu-unue mo wala nge kire malisine maholo ngeena huni peꞌie mwala. Aana taungei erenga urine, e sai haꞌadianaꞌaa mo iini nge kire ko rongoa.

Pilipae 1:27

Oto maꞌalana uri ne ke lae loꞌu mei leesiꞌomu wa haꞌike, taꞌe tolahamiu ke oodo oto malisine Tataroha Diana a Jisas Kraes. Na nou sare rongoa uri omu ke mani esu loko-loko taane peꞌie taꞌa-taꞌa mei sae aani helinge honosie mo iini ko sare dau tekelaꞌinie hiiwalaimolinge aana Tataroha Diana.

Kolosi 3:12

Iꞌomu, a God e lio hilisiꞌomu hunie omu ke neꞌi iinoni maaꞌi ingeie nge e tohungei manata diana huniꞌomu. Oto aena urine, iꞌomu noꞌone omu ke haataꞌinie aamasinge hunie mo iinoni, na omu ke saemamae hunie mwala, na omu ke haꞌamwai-mweiꞌaꞌomu, na omu ke toli rako peꞌie mwala, na omu ke suꞌuri sae-saewasu oto lau-leu peꞌie mwala.

Kolosi 4:6

Omu ke ere hunire peꞌie saenanaunge na mo wala diana mwaanie kire poo-poosuaꞌa huni rongo huniꞌomu, taꞌe hunie kire ke rongo diana i sulie ahutana mo aalaminge nge o kei niiꞌi hunie mo dolosinge ikire.

1 Tesalonaeka 5:13

Omu ke lio i suli diana aada peꞌi haꞌamaꞌunge na peꞌi manata-diananga hunire haahie mo esunge kire ko esuiꞌi ngeena. Na omu ke oꞌoꞌo ni henuelama mola i matolamiu maraamiu.

2 Timoti 2:22

Oto o ke lio talamu mwaanie mo saehanalinge nge ko too-toolea mo saanau, taꞌe o ke dau diana mola tarau. Na o ke ariꞌapasie mola lulu i sulilana oodotaꞌinge, na hiiwalaimolinge iꞌoe ke susu, na o ke manata diana hunie ahutana mwala, na o ke iiꞌo ni henuelama mola peꞌie taꞌena nga iinoni. Na o ke hikusie mo iini ko palo-paloa a God toꞌohuu aani sae manola.

Hibru 12:14

Omu ke oꞌoꞌo ni henuelama mola peꞌie ahutana mwala, na omu ke ariꞌapasie noꞌone iiꞌonga oodotaꞌi. Aana nga iini e kaꞌa iiꞌo diana urine, e saꞌa roroꞌa leesie ike a Aalaha.

Jemes 1:20

aena aana saewasunge mo iinoni saꞌa roroꞌa ni peꞌiꞌomu ike hunie iiꞌonga aana mauringe diana nge a God e saetoꞌo aana.

1 Pita 3:8

Leu ooreta no ko unue mola uri omu ke mani toꞌo aana mola taꞌa-taꞌa mei sae, na omu ke aama-aamasiꞌomu heiliu. Omu ke mana-manata diana huniꞌomu heiliu mala mo mwaasine. Omu ke sae-saediana huniꞌomu heiliu, na omu ke haꞌamwai-mweiꞌaꞌomu maraamiu.