Tataroha Diana I Sulie A Jisas Kraes Nge A Mak E Uusue 9:3 - Tataroha Diana

³ na mo toꞌoni ingeie ko wana-wana, na kire ko rereꞌa oto hiitoꞌo, liutaa aana taꞌena nga iini mei aano e sai hoda rereꞌa aani.

Tataroha Diana I Sulie A Jisas Kraes Nge A Mak E Uusue 9:3 ပူးပေါင်းရင်းမြစ်များ

Matiu 28:3

Sapena ensel ngeena e raa oto mala waꞌariri, na mo toꞌoni ingeie kire rereꞌa oto liutaa aana taꞌena nga ola e rereꞌa.

Tataroha Diana I Sulie A Jisas Kraes Nge A Mak E Uusue 9:4

Oto mola aana maholona a Mosis na Elaeja ko tolana maau na kirerue ko ere oto peꞌie a Jisas.

Tataroha Diana I Sulie A Jisas Kraes Nge A Luk E Uusue 9:29

Na maholo ko aarea God ngeena, nge maana ko si lio aaopa, na mo toꞌoni ingeie kire ko tohungei lio wana-wana na ko raa oto mala waꞌariri.

Palonga 10:30

Oto a Konilias ko teꞌuri, “Aana oolune nga maholoi sato i aapai sato mala maholo ienini aana e oolu hei dinge oto e mango haona, nou aare-aarengaꞌi mai nume ineu ie. Oto nou si aparaꞌi na nga mwane e toꞌoni aana mo toꞌoni rereꞌa e lae oto mai uure i naꞌoku.

Haataꞌinge 19:18

Hunie omu ke ngaue hasiꞌona mo inemauri, na hasiꞌona mo ramo, na hasiꞌona mo mwane aꞌailaꞌa, na hasiꞌona mo hoos, na hasiꞌona mwala nge kire taꞌe aani, na hasiꞌona oto ahutana mwala—mo iini peine na mo iini mwei-mwei, na mo koni-konihe na mo iini kire iiꞌo luhetaꞌi.”

Haataꞌinge 7:14

Oto nou aalamie uuri, “Nou kaꞌa saie ike, poro paine ineu, taꞌe iꞌoe haꞌalaa o saie.” Oto rato ni mwane ngeena e si teꞌuri hunieu, “Mwala ngeena, ikire nge kire uure maꞌutaꞌa aana maholo taungeꞌinilada e lae na kire iiꞌo i laona siꞌohaꞌanga paine. Kire hoda rereꞌa oto aana mo toꞌoni ikire aana apune a Kalei Sipu.

Haataꞌinge 7:9

Oto loꞌu i purine leune, nou lio na no ko leesie loꞌu nikei pulitaa oto paine, nge nga iini e saꞌa roroꞌa iidu-suuhana. Mwala ngeena kire uure mai mwaanie taꞌena nga mwala, na mwaanie taꞌena nga aapoloa, na mwaanie taꞌena nga komu, na mwaanie taꞌena nga erenga i laona walumalau. Kire mani toꞌoni eeni toꞌoni rereꞌa, na kire mani hele apa-apai eꞌe. Kire mani uure i naꞌona naunekume ni aalaha ngeena na a Kalei Sipu,