Tataroha Diana I Sulie A Jisas Kraes Nge A Mak E Uusue 9:20 - Tataroha Diana

²⁰ Oto kire toolea mai a mwaꞌune i saana Jisas. Na maholo liꞌoa aaela ngeena e leesie mola a Jisas, oto ko hulesie oto a mwaꞌune na ko reputeꞌinie oto i aano, na a mwaꞌune ko tesilepa oto hailiu, na huto-huto ko tahe oto aana wawana.

Tataroha Diana I Sulie A Jisas Kraes Nge A Mak E Uusue 9:20 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 1:26

Oto liꞌoa aaela ngeena e papataꞌinie a mwaena hailiu, e si aawara, na ko iisitaa oto mwaanie.

Tataroha Diana I Sulie A Jisas Kraes Nge A Mak E Uusue 9:18

Maholo liꞌoa aaela ngeena kei hulesie, oto ko reputeꞌinie oto i aano, na huto-huto ko tahe oto aana wawana, na ko ngangadie oto nihona, na ahutana sapena ko rarasi mango oto. Nou unue kaꞌu oodoie mo pwaarongoisuli iꞌoe hunie kire ke taꞌaasie liꞌoa aaela ngeena mwaanie, taꞌe kire dau kasoa mola.”

Tataroha Diana I Sulie A Jisas Kraes Nge A Mak E Uusue 9:19

Oto a Jisas ko teꞌuri hunire, “Iꞌomu pwaunge siꞌiri ie, iꞌomu mo iinoni aaela, suata mone hule aana omu kaꞌa hiiwalaimoli ike aana a God. !No ko talei haꞌaweoau oto mola peꞌiꞌomu! ?Uri ne kei iiꞌo tewa kaꞌu loꞌu uri taa peꞌiꞌomu, omu ke si hiiwalaimoli? Toolea kaꞌu mei a mwaꞌune i seeku.”

Tataroha Diana I Sulie A Jisas Kraes Nge A Mak E Uusue 9:21

Oto a Jisas ko dolosi aana aamana mwaꞌune uuri, “?Maholo uri taa ni mei ola ngeena e aehota hite aana?” Oto aamana ko aalamie uuri, “Uure oto aana maholo e mwai-mwei.

Tataroha Diana I Sulie A Jisas Kraes Nge A Mak E Uusue 9:26

Oto liꞌoa aaela ngeena ko aawara oto paine, ko haꞌa-aririe, ko si iisitaa oto mwaanie a mwaꞌune. Na a mwaꞌune e lio mala e mae oto, na ahutana mwala ko meni teꞌuri, “E mae oto ni ngeena.”

Tataroha Diana I Sulie A Jisas Kraes Nge A Luk E Uusue 4:35

Oto a Jisas ko si ere aana liꞌoa aaela ngeena ko teꞌuri, “O ke rohu oto, na o ke lae mwaanie a mwane ngeena.” Oto liꞌoa aaela ngeena e kaꞌa waelie loꞌu a mwaena, taꞌe e si reputeꞌinie mola hai aano i matolana mwala na ko iisitaa oto mwaanie.

Tataroha Diana I Sulie A Jisas Kraes Nge A Luk E Uusue 9:39

Maholo liꞌoa aaela kei hulesie, oto ko aawara na ko eriri oto, na huto-huto ko tahe oto aana wawana. Liꞌoa aaela ngeena ko talei waelie oto mola tarau urine, na e kaꞌa sai mango ike loꞌu mwaanie.

Tataroha Diana I Sulie A Jisas Kraes Nge A Luk E Uusue 9:42

Oto maholo nge a mwaꞌune ko lae mai takoie a Jisas, liꞌoa aaela ko reputeꞌi lae-laeꞌi oto aana a mwaꞌune i aano. Taꞌe a Jisas e ere aana liꞌoa aaela ngeena, ko si haꞌa-uurie a mwaꞌune, na ko toliꞌaasie oto hunie aamana.

Tataroha Diana I Sulie A Jisas Kraes Nge A Jon E Uusue 8:44

Iꞌomu oto mo kalena a Pwelu Eero-eero, na saemiu uri omu ke lae mola i sulie mo neꞌisaenga ingeie. Oto tarau, ingeie iini e talei horo mola, na e leledie walaimolinge, aena aana walaimolinge haꞌike noꞌone aana. Maholo ko ere aani eeronga, nge ko ere-ere oto aana tohungana erenga ni henue ingeie eena, aena aana ingeie iinoni eero-eero, na ingeie aamana oto mo eeronga.

1 Pita 5:8

Taꞌe maelonga paine iꞌomu ngeena, a Pwelu Eero-eero, ko talei lae kali-keliꞌomu oto mola tarau huni waeliꞌomu. Ingeie ngeena domana oto nga laeon ko lae peꞌi tea paine aana ko lio hunie nga iini huni oonomie. Oto omu ke lio-lio diana talamiu, na omu ke kinetaꞌinie tolahamiu mwaanie aaelanga.