Oto a Jisas ko heꞌi dolosi loꞌu aada uuri, “?E nite ho bred omu toꞌo aani? Omu lae kaꞌu i leesiꞌi.” Oto kire lae, na maholo kire lio oodoiꞌi, oto kire ko lae mai unue uuri, “Melu toꞌo aana mola e lime aata ho bred na e ro kele ho iiꞌe.”
Oto a Jisas ko unue hunie mwala uri kire ke iiꞌo i aano. Na e hele aana e hiu ho bred ngeena, oto ko paalahea God, na ko nisiꞌi. Oto ko niiꞌi hunie mo pwaarongoisuli ingeie hunie kire ke haꞌa-adoa mwala aani.
Oto a Jisas ko teꞌuri hunire, “Iꞌomu, omu ke nii ngeulaa mola ada.” Oto kire ko aalamie uuri, “!Haꞌike eena! Melu toꞌo aana mola e lime aata ho bred na e ro ho iiꞌe. ?Taꞌe mo ola urine kei adona mwala hunge urine uri taa? ?Ohe o saetoꞌo aana melu ke lae holi ngeulaa ada?”