Tataroha Diana I Sulie A Jisas Kraes Nge A Mak E Uusue 8:38 - Tataroha Diana

³⁸ Mwala aana maholo ienini kire ko talei deu taꞌe wau oto mola, aana kire kaꞌa kinetaꞌinire ike loꞌu mala mo iinoni a God. Oto mala uri nga iini ko masa huni unu tahangaꞌinieu na mo haꞌa-uusulinge ineu i matolana mwala ni oorahaꞌaa ienini, nge ineu noꞌone ne kei masa huni unu tahangaꞌinie aana maholo ne kei lae mai peꞌie mo ensel maaꞌi aana manikuluhaꞌana a Mamaꞌa.”

Tataroha Diana I Sulie A Jisas Kraes Nge A Mak E Uusue 8:38 ပူးပေါင်းရင်းမြစ်များ

Matiu 12:39

Oto a Jisas ko aalamire ko teꞌuri, “!Haꞌike eena! Pwaunge ienini, omu lae otoi aaela hiitoꞌo. Suata omu kaꞌa sai kinetaꞌiniꞌomu ike nana a God. Omu ko sukaau taane hunie nga huꞌi-huꞌite, taꞌe nou saꞌa asuie ike. Taꞌa-taꞌa huꞌi-huꞌite nou sai haataꞌinie aamiu oto nga taa e rau aana a Propet Jona oto waite.

Matiu 13:41

A Kale Ni Iinoni kei uusungeꞌinie mo ensel ingeie huni taꞌaasie mo iini aaela mwaanie aalahanga ingeie. Oto kire ke soꞌokoni aasie mo iini ko haꞌatataroa mwala hunie oorahaꞌaa na mo iini ko da tataꞌalanga.

Matiu 16:27

Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

Matiu 16:28

Toꞌohuu no ko unue oto huniꞌomu uri ngaeta mo iini hikemiu mwala nge omu uure ngeena, omu kei saronai leesieu, a Kale Ni Iinoni, ne kei lae mai mala aalaha, omu ke si mae.”

Matiu 16:4

!Haꞌike eena! Pwaunge ienini, omu lae otoi aaela hiitoꞌo. Suata omu kaꞌa sai kinetaꞌiniꞌomu ike nana a God. Omu ko sukaau taane hunie nga huꞌi-huꞌite, taꞌe nou saꞌa asuie ike. Taꞌa-taꞌa huꞌi-huꞌite nou sai haataꞌinie aamiu oto nga taa e rau aana a Propet Jona oto waite.” Oto e si taꞌelaꞌi, ko lae oto mwaanire.

Matiu 24:30

Oto aana maholo urine nga tolimaa leesilana kei lae i laona salo huni haataꞌinie uri ineu a Kale Ni Iinoni no ko lae oto mai. Ahutana mo komu ni iinoni aana walumalau kei ngara aana kire kei leesieu a Kale Ni Iinoni no ko lae mai i laona mei uuru mwaanie salo. Ne kei lae mai peꞌie nanamanga na manikuluꞌanga oto paine.

Matiu 25:31

Oto a Jisas ko heꞌi unue loꞌu uuri, “Ineu, a Kale Ni Iinoni, ne kei ooli loꞌu mei peꞌie manikuluhaꞌaku na ahutana mo ensel ineu noꞌone peꞌieu, na ne kei iiꞌo i lengine naunekume ineu e manikuluꞌe.

Matiu 26:64

Oto a Jisas ko aalamie uuri, “Nge kaꞌu oto o ko unuena. Na aana nga maholo omu kei meni leesieu a Kale Ni Iinoni ne kei iiꞌo aana naꞌohai iiꞌo-iiꞌoha i pwalo-pwalona God Hahuꞌana Nanama, na kei lae mai i laona mei uuru uure taꞌau i salo.”

Matiu 8:20

Oto a Jisas e aalamie ko teꞌuri, “Mo usu ni meꞌesu na hule aana kire toꞌo liwe ni maꞌahu ikire, na mo menu loꞌu kire mani toꞌo niuꞌi taane noꞌone, taꞌe ineu a Kale Ni Iinoni hule aana nga leu ni mamalo ineu na haꞌike loꞌu.”

Tataroha Diana I Sulie A Jisas Kraes Nge A Mak E Uusue 13:26

Oto purihaꞌana, mwala kei leesieu oto a Kale Ni Iinoni, ne kei lae oto mai i laona mei uuru peꞌie nanamanga paine na manikuluꞌanga.

Tataroha Diana I Sulie A Jisas Kraes Nge A Mak E Uusue 14:62

Oto a Jisas ko aalamie uuri, “Ineu kaꞌu otona. Na aana nga maholo omu kei meni leesieu a Kale Ni Iinoni ne kei iiꞌo aana naꞌohai iiꞌo-iiꞌoha i pwalo-pwalona God Hahuꞌana Nanama, na kei lae mai i laona mei uuru uure taꞌau i salo.”

Tataroha Diana I Sulie A Jisas Kraes Nge A Mak E Uusue 8:37

?Oto uri toꞌo-toꞌolana kei peꞌie aana maholona? !Haꞌike oto ooꞌoo! Nga mei ola hunie ke niie huni tola aalihoꞌi aana maurihaꞌana, haꞌike loꞌu.

Tataroha Diana I Sulie A Jisas Kraes Nge A Luk E Uusue 19:26

“Oto aalaha ngeena ko aalamire uuri, ‘No ko unue oto huniꞌomu, nga iini nge ko esu diana aana nga taa e toꞌo aana oto, nge aalaha ingeie kei nii hiitoꞌo loꞌu hunie. Taꞌe nga iini nge e kaꞌa asu diana ike aana nga taa e toꞌo aana oto, maꞌalana nga kele mei ola mola mwai-mwei e toꞌo aana, na aalaha ingeie kei taꞌaasie oto mwaanie.

Tataroha Diana I Sulie A Jisas Kraes Nge A Luk E Uusue 9:26

Mala uri nga iini ko masa huni unu tahangaꞌinieu na mo haꞌa-uusulinge ineu, nge ineu noꞌone ne kei masa huni unu tahangaꞌinie aana maholo ne kei lae mai peꞌie manikuluhaꞌaku na manikuluhaꞌana a Mamaꞌa na mo ensel maaꞌi.

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Tataroha Diana I Sulie A Jisas Kraes Nge A Jon E Uusue 1:51

Na ko heꞌi unue loꞌu hunire uuri, “No ko unue oto toꞌohuu huniꞌomu uri omu kei leesie mo ola paine loꞌu liutaa, hule aana omu kei leesie i Lengi kei taha na mo ensel a God ko walo-waloliu taꞌau na mai aano i seeku a Kale Ni Iinoni.”

Tataroha Diana I Sulie A Jisas Kraes Nge A Jon E Uusue 12:34

Oto mwala hunge ngeena ko si aalamie uuri, “Emi rongoa oto aana mo Uusu-uusu Maaꞌi uri a Kraes kei iiꞌo huu. ?Oto e ue nge o ko si unue uri kire kei taꞌea a Kale Ni Iinoni peꞌie hai ei huni horo maesie? ?Haꞌalaa a Kale Ni Iinoni ngeena, ingeie a tei eena?”

Tataroha Diana I Sulie A Jisas Kraes Nge A Jon E Uusue 5:27

Na a Mamaꞌa e niie noꞌone nanamanga huni lei-lei hunieu a Kalena, aena aana ineu a Kale Ni Iinoni.

Palonga 10:22

Oto ngaeta iini aadaelu ko teꞌuri hunie, “A Konilias nge e uusungeꞌiniꞌemeelu mei ie, ingeie poro paine haahie mae. Na ingeie mwane e oodotaꞌi, na ko palo-paloa noꞌone a God, na ahutana mwala ni Jiu kire tohungei haꞌamaꞌu aana. Na ngaeta ensel a God e unue hunie ke unue huniꞌo uri o ke lae kaꞌu weu i nume ingeie hunie ke rongoa nga taa o kei unue hunie.”

Palonga 5:41

Mo hurulaꞌaa kire lae mwaanie pulitaa ni lei-lei, kire ko tohungei ilenimwaꞌe oto liutaa, aena aana a Jisas e haataꞌinie uri kire ado taane huni sapesalu i tehulaꞌana satana.

Uusu-uusu A Pol Hurula'aa Hunie Mo Rom 1:16

Nou tohungei norutoꞌo aana Tataroha Diana a Jisas na nou saꞌa roroꞌa masa ike huni tarohaꞌinie, aana e toꞌo aana nanamanga paine a God huni haꞌa-uurie ahutana mo iini e hiiwalaimoli aana, maꞌalana ikire mo Jiu wa ikire mo Aapoloa Aaopa nge ikire nga mo Jiu haꞌike.

Kalesia 6:14

Taꞌe ineu maraaku, nou kaꞌa sai toohaꞌinieu ike haahie mo ola urine. Taꞌa-taꞌa leu nou sai toohaꞌinieu haahie oto poꞌu-poꞌu a Jisas Kraes, Aalaha ikie. Aena aana nga taa nge a Jisas e asuie aana maelana i lengine poꞌu-poꞌu, nge walumalau ienini e pwani mae oto aana neꞌisaenga ineu, na e urihana ineu noꞌone nou pweni mae oto aana neꞌisaenga mo iinoni ni welumalau.

1 Tesalonaeka 2:19

Iau, melu tohungei sare hule i seemiu loꞌu, aena aana melu tohungei norutoꞌo aamiu uri aana maholo a Jisas Aalaha ikie kei ooli mei, taꞌe omu sai uure maꞌutaꞌa mola, na melu sai ilenimwaꞌe haahiꞌomu hule aana melu uure aana totomwameelu.

1 Tesalonaeka 3:13

Melu ko eitanai uri saemiu ke susu aani loꞌongaꞌinge diana, na omu ke iiꞌo maaꞌi, na mwaanie nga iini e pwelu wala i lengimiu, hunie maholo Aalaha ikie a Jisas kei ooli mei peꞌie mo iinoni maaꞌi ingeie, na omu ke suꞌuri masa ni uure i naꞌona God Aamaka.

2 Timoti 1:12

Aena urinena nge no ko sapesalu siꞌiri ie. Taꞌe nou saꞌa roroꞌa ni masa ike, aena aana nou manataꞌinie a Jisas, iini nge nou norutoꞌo aana. Na nou saie uri ingeie e sai kinetaꞌinie walu ola nou neꞌiꞌi i nimana huni lio i suliꞌi, na kei kinetaꞌi diana aani lai hule aana dinge ooreta.

2 Timoti 1:16

Taꞌe a Onesiporas e kaꞌa toliꞌaasieu ike, na e tohungei peꞌi-peꞌieu tarau na e kaꞌa masa ike honosieu maꞌalana nou oꞌoꞌo i nume ni hoꞌo. Aena urine nge no ko aarea a Aalaha ke haꞌadianaꞌaa uluhe ingeie.

2 Timoti 1:8

Oto aena ngeena o ke suꞌuri masa ni houleꞌinie a Jisas Kraes oodoie mwala. Na o ke suꞌuri masa honosieu i sulie uri nou iiꞌo i nume ni hoꞌo haahie asunge nana. Taꞌe o ke hele maꞌutaꞌa mola aana nanamanga a God, na o ke mwaꞌe-mwaꞌe mola ni sapesalu aana o ko tarohaꞌinie Tataroha Diana a Jisas mala ineu.

Hibru 11:16

Taꞌe nga taa kire saetoꞌo aana oto liutaa, uri kire ke iiꞌo aana nga tohungei henue diana, na i Lengi oto tohungei henue ikire. Aena urine nge a God e kaꞌa masa ike hunie mwala urine kire ke haaraꞌinie uuri, “God iꞌemi.” Na ingeie oto e dau aakau aana huilume paine talada.

Hibru 11:26

A Mosis e loꞌongaꞌinie mola uri maꞌalana mwala ko teungeꞌinie i tehulaꞌana a Kraes nge ko lae mai, taꞌe leune e diana loꞌu liutaa aana mo ola diana hunge i Ijip. Na ko loꞌo-loꞌongaꞌi mola urine, aena aana ko toꞌo-toꞌomaaie oto nga taa a God kei niie hunie aana waaitana mai puri.

Hibru 13:13

Huilume ngeena ko haꞌamalaa mo Haꞌatolanga a Moses, na e malisine kie ke iisitaa mwaanie tolaha ni lulu i sulilana mo Haꞌatolanga a Mosis nge kie iiꞌo kaꞌu aana i naꞌo, na kie ke lae i saana uunu-olanga ikie, a Jisas Kraes. Na mwaanie kie maꞌuteꞌinie mwala kire ko haꞌamwasi aaka mala mwala kire haꞌamwasi keꞌu aana a Jisas.

Jemes 4:4

!Iꞌomu, omu urihana huꞌe nge ko hele roroꞌanga, aana omu kaꞌa hahuꞌei toꞌohuu ike nana God! ?Ohe omu kaꞌa saie ike uri hari-hunilana walumalau e urihana mola leledilana a God? Nge mala uri nga iini ko heꞌimalahune peꞌie walumalau ie, nge ko neꞌie maraana uri ko heli peꞌie a God.

1 Jon 2:23

Aana iini ko leledie a Kale, nge ko leledie noꞌone a Mamaꞌa. Taꞌe iini e saetoꞌo aana a Kale, nge a Mamaꞌa e iiꞌo noꞌone peꞌie.

1 Jon 2:28

Iau, maeni mwela ineu, omu ke iiꞌo susu oto i lalo aana a Kraes, uri hunie maholo kei ooli mei, kie ke suꞌuri meꞌu na kie ke suꞌuri masa i maana.

Haataꞌinge 14:10

Mo iini urine kire kei meni hiingeꞌinie saewasunge a God oto toꞌohuu aana e saꞌa pwaidoraa ike saewasunge ingeie peꞌie nga kele mei ola ni aamasinge hunire, taꞌe kei haꞌa-aahesie mola apude. A God kei aasire mola i laona dunge ni haꞌamotaahinge aana mo heu eeso-eeso i naꞌona mo ensel maaꞌi ingeie na a Kalei Sipu.