Tataroha Diana I Sulie A Jisas Kraes Nge A Mak E Uusue 8:34 - Tataroha Diana

³⁴ Oto a Jisas e soie mai mwala hunge na mo pwaarongoisuli ingeie i saana, ko si teꞌuri hunire, “Mala uri nga iini ko sare lulu i sulieu, nge ke pulongosie walu ola e sae haahiꞌi, na ke lulu i sulieu, maꞌalana ke sapesalu i tehulaꞌaku, hule aana maenga i lengine poꞌu-poꞌu. Iini nge ko aangaꞌinie poꞌu-poꞌu ingeie urine, haꞌalaa e sai lulu i sulieu.

Tataroha Diana I Sulie A Jisas Kraes Nge A Mak E Uusue 8:34 ပူးပေါင်းရင်းမြစ်များ

Matiu 10:38

Na nga iini e kaꞌa mwaꞌe-mwaꞌe huni sapesalu hule aana maenga i lengine poꞌu-poꞌu i tehulaꞌaku, e kaꞌa malisine ike ke neꞌi pwaarongoisuli ineu.

Matiu 16:24

Oto a Jisas ko si unue hunie mo pwaarongoisuli ingeie ko teꞌuri, “Mala nga iini ko sare lulu i sulieu nge ke pulongosie maraana, na ke lulu i sulieu maꞌalana ko sapesalu oto hiitoꞌo mala mo iini i lengine mo poꞌu-poꞌu.

Matiu 27:32

Maholo kire ko iisitaa taꞌau mwaanie huilume peꞌie a Jisas, na kire ko oodoie ngaeta mwane uure mwaanie huilume paine i Saerin, satana a Saemon. Oto mo ramo ngeena kire ko deu rarahie oto uri ke aangaꞌinie poꞌu-poꞌu mwaanie a Jisas.

Tataroha Diana I Sulie A Jisas Kraes Nge A Mak E Uusue 10:21

Oto a Jisas ko toꞌomaaie peꞌi manata-diananga hunie, na ko teꞌuri hunie, “Taꞌa-taꞌa mei ola loꞌu mola nge o kei esuie. O ke lai haꞌaholingeꞌinie toꞌo-toꞌolamu, na o ke niie mei toꞌoha aani nana kira maitale. Aana ko urine nge o ke si toꞌo-toꞌo loꞌu aana mo ola diana i Lengi. Mango urine, o ke si lae mai lulu i sulieu.”

Tataroha Diana I Sulie A Jisas Kraes Nge A Mak E Uusue 7:14

Oto a Jisas e heꞌi soie loꞌu mwala i saana na ko teꞌuri hunire, “Omu ke pwaarongo diana aana nga taa ne kei unue hunie omu ke sai diana aana.

Tataroha Diana I Sulie A Jisas Kraes Nge A Luk E Uusue 13:24

“Omu ke dau aahonga toꞌohuu huni sili i sulie maai para e kokohisi, aana no ko unue oto huniꞌomu uri mo iini hunge kei eriꞌapasie silinge wau, taꞌe e saꞌa mwadaꞌusire ike.

Tataroha Diana I Sulie A Jisas Kraes Nge A Luk E Uusue 14:33

Oto a Jisas ko si ere ooreta uuri, “E urine noꞌone aana nga iini ko sare neꞌi pwaarongoisuli ineu, ke toliꞌaasie oto ahutana toꞌo-toꞌolana. Ko haꞌike na e saꞌa roroꞌa neꞌi pwaarongoisuli ineu ike.

Tataroha Diana I Sulie A Jisas Kraes Nge A Luk E Uusue 18:22

Maholo a Jisas e rongo urine, ko si teꞌuri hunie a mwaena, “Taꞌa-taꞌa mei ola ni mola ue o saetoꞌo aana loꞌu huni esuie. O ke haꞌaholingeꞌinie toꞌo-toꞌolamu, na o ke niie mo toꞌoha aani nana kira maitale. Aana ko urine nge o ke si toꞌo-toꞌo loꞌu aana mo ola diana i Lengi. Mango urine o ke si lae mai lulu i sulieu.”

Tataroha Diana I Sulie A Jisas Kraes Nge A Luk E Uusue 20:45

Maholo ahutana mwala ko meni pwaarongo ue i sulie erenga ingeie, a Jisas ko si teꞌuri hunie mo pwaarongoisuli ingeie.

Tataroha Diana I Sulie A Jisas Kraes Nge A Luk E Uusue 9:23

Na ko heꞌi unue loꞌu hunie ahutada uuri, “Mala uri nga iini ko sare lulu i sulieu, nge ke pulongosie walu ola e sae haahiꞌi, na ke lulu i sulieu i suli hei dinge, maꞌalana ke sapesalu i tehulaꞌaku, hule aana maenga i lengine poꞌu-poꞌu. Iini nge ko aangaꞌinie poꞌu-poꞌu ingeie urine, haꞌalaa e sai lulu i sulieu.

Tataroha Diana I Sulie A Jisas Kraes Nge A Jon E Uusue 10:27

Mo sipu ineu kire rongo saie walaku, na kire ko lulu i sulieu. Nou sai diana aada,

Tataroha Diana I Sulie A Jisas Kraes Nge A Jon E Uusue 19:17

na kire ko deu rarahie uri ke aangaꞌinie poꞌu-poꞌu maraana, na e iisitaa taꞌau takoie leu sailana uuri, “Leu ni Rarata,” na aana erenga mo Jiu uuri, “Golgata”

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Uusu-uusu A Pol Hurula'aa Hunie Mo Rom 6:6

Aana kie saie oto uri tolahai iinoni aaela ikie oto i naꞌo, kire ui lakomaꞌinie oto peꞌie a Kraes i lengine poꞌu-poꞌu, uri hunie a God ke taꞌaasie oto nanamanga aana oorahaꞌaa nge e oꞌoꞌo haahie maurihaꞌaka. Urine nge oorahaꞌaa e saꞌa paine ike loꞌu haahie sapeka,

Uusu-uusu A Pol Hurula'aa Hunie Mo Rom 8:17

Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

1 Korinit 15:31

Maeni eesiku, ineu nou iiꞌo ni maenga oto mola i suli dinge eena. !E toꞌohuu oto! E toꞌohuu oto mala mei wala nou unue kaꞌu aana nou toohaꞌiniꞌomu haahie iiꞌo-rurunge ikie peꞌie a Kraes Jisas, Aalaha ikie.

1 Korinit 8:13

Aena urinena, maeni eesiku, mala uri ngaulana nga mei ngeulaa ko aaela oto hunie aasiku, nge nou saꞌa ngau hikeni loꞌu mala no ko meu-meuri ue, aena aana nou kaꞌa sare dau huꞌisie ike aasiku hunie ke domu i laona oorahaꞌaa.

1 Korinit 9:19

Nga iini e kaꞌa aalaha ike haahieu mala ineu koni-konihe ingeie, taꞌe maꞌalana e urine, nou toliꞌaasieu mola hunie ne ke asu mala koni-konihe nana ahutana mwala. No ko deu urine huni huꞌisie mwala hunge hunie kire ke hiiwalaimoli aana a Jisas.

Kalesia 2:20

Na ineu haꞌike ni nou meuri ienini, taꞌe a Kraes ni e iiꞌo na e mauri i lalo aaku. Mauringe ineu aana walumalau ienini, ola nou toꞌo aana mola i sulie nou hiiwalaimoli aana Kalena God, iini e manata diana hunieu, na e toliꞌaasie maraana hunie ke mae honotaku.

Kalesia 5:24

Taꞌe mo iinoni nge kire toꞌo aana a Jisas Kraes i lalo aada, kire neꞌi aasie oto mo tolaha ni iinoni aaela, aana e urihana kire rapu taalengasie noꞌone ahutana mo tolahai iinoni aaela ikire i lengine poꞌu-poꞌu, na kire horo maesiꞌi oto.

Kalesia 6:14

Taꞌe ineu maraaku, nou kaꞌa sai toohaꞌinieu ike haahie mo ola urine. Taꞌa-taꞌa leu nou sai toohaꞌinieu haahie oto poꞌu-poꞌu a Jisas Kraes, Aalaha ikie. Aena aana nga taa nge a Jisas e asuie aana maelana i lengine poꞌu-poꞌu, nge walumalau ienini e pwani mae oto aana neꞌisaenga ineu, na e urihana ineu noꞌone nou pweni mae oto aana neꞌisaenga mo iinoni ni welumalau.

Pilipae 3:10

Oto saeku mola hunie ne ke saie a Kraes, na ne ke toꞌo aana nanamanga aana taꞌelaꞌinge ingeie i laona mauringe haalu ineu ie. Nou sare sapesalu noꞌone mala ingeie, na ne ke lae oto i sulie tala nge e lae i sulie hule aana maelana.

Pilipae 3:7

Taꞌe ahutana mo ola ienini nge nou holaꞌi loꞌo-loꞌongaꞌinie uri ikire oto mo ola diana, no ko si lio saie mola uri ikire, kire kaꞌa roroꞌa ike, mala lulu i sulilana a Kraes.

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

Kolosi 3:5

Aena urine, omu ke horo aasie oto ahutana mo neꞌisaenga aaela mwaanie maurihaꞌamiu mala masinge, na dau-olanga taꞌe wau peꞌie nga iini, na hari-huninge ni sape, na saehanalilana mo ola aaela. Na omu ke suꞌuri saehanalie toꞌolana ngaeta mwala, aena aana palolana mo god eero-eero ni ngeena.

2 Tesalonaeka 3:11

Melu ko ere urine, aena aana melu rongoa oto uri ngaeta mo iini eemiu kire tohungei lalawaꞌa ni esu. Kire iiꞌo oto mola na kire kaꞌa da ike nga mei ola, taꞌe kire ko talei lae hailiu mola i matolana mwala huni oho dauhe mola aana mo asunge diana ikire.

Taetas 2:12

Na manata-diananga a God ngeena e haꞌa-uusulikie oto uri hunie kie ke toliꞌaasie mo tolahai ola aaela i maana God. Na kie ke suꞌuri heꞌi lae loꞌu i sulie mo ola nge walumalau ienini ko heri huniꞌi. Taꞌe kie ke nihisie saeka mwaanie aaelanga, na kie ke iiꞌo aani iiꞌonga oodotaꞌi, na aani deu i sulilana mola walu ola nge a God kei ilenimwaꞌe haahikie aani.

Hibru 13:13

Huilume ngeena ko haꞌamalaa mo Haꞌatolanga a Moses, na e malisine kie ke iisitaa mwaanie tolaha ni lulu i sulilana mo Haꞌatolanga a Mosis nge kie iiꞌo kaꞌu aana i naꞌo, na kie ke lae i saana uunu-olanga ikie, a Jisas Kraes. Na mwaanie kie maꞌuteꞌinie mwala kire ko haꞌamwasi aaka mala mwala kire haꞌamwasi keꞌu aana a Jisas.

1 Pita 4:1

Maholo a Kraes e iiꞌo ue mai laona walumalau, e sapesalu oto liutaa i tehulaꞌamiu. Oto aena ngeena, iꞌomu noꞌone omu ke haꞌa-aꞌailaꞌaa neꞌisaenga iꞌomu na omu ke iiꞌo aakau mola tarau huni sapesalu noꞌone mala ingeie. Aena aana nga iini ko sapesalu aana sapena i tehulaꞌana a Kraes ko haataꞌinie uri e aaliꞌu oto toꞌohuu mwaanie oorahaꞌaa.

1 Pita 4:13

E diana uri hunie omu ke ile-ilenimwaꞌe mola, aana omu ko sapesalu oto noꞌone mala a Kraes e sapesalu keꞌu. Aena leune omu kei ilenimwaꞌe noꞌone aana maholo a Kraes kei lae mai peꞌie manikuluhaꞌana God.

2 Pita 1:14

A Jisas Kraes Aalaha ikie e haataꞌinie oto hunieu uri pongiku mai aano i leu e kaꞌa tewa oto.

1 Jon 3:16

Na kie ko si lio saie tohungana manata-diananga aena aana a Kraes e toliꞌaasie mangona i tehulaꞌaka. Oto ikie noꞌone kie ke mwaꞌe-mwaꞌe ni mae huni peꞌie mo eesike.

Haataꞌinge 2:10

Mwaanie omu meꞌu-meꞌuteꞌinie nga mei ola aana walu ola nge karaꞌinie oto kire kei reu eemiu ngeena. !Omu ke rongo kaꞌu! A Pwelu Eero-eero kei malaahongamiu na kei aasie ngaeta mo iini eemiu i laona nume ni hoꞌo, na taungeꞌinilemiu kei lae mola i sulie aawalai hei dinge haahuu. Omu ke hele susuleꞌi mola aaku lai hule aana maenga, oto ne kei niie huniꞌomu rorodara ni meurihe.