Tataroha Diana I Sulie A Jisas Kraes Nge A Mak E Uusue 8:11 - Tataroha Diana

¹¹ Ngaeta mo Parise kire lae mai saana a Jisas, oto kire ko aehota dodolosi ola oto aana, aena aana kire ko sare lupweꞌi oohongie mola a Jisas aana kire loꞌongaꞌinie uri e kaꞌa uure ike mwaanie a God. Oto kire ko unue uri ke asuie nga huꞌi-huꞌite hunie kire ke leesie.

Tataroha Diana I Sulie A Jisas Kraes Nge A Mak E Uusue 8:11 ပူးပေါင်းရင်းမြစ်များ

Matiu 12:38

Oto ngaeta mo haꞌa-uusuli aana mo Haꞌatolanga a Mosis na ngaeta mo Parise kire ko teꞌuri hunie a Jisas, “Haꞌa-uusuli, melu sare leesie uri o ke asuie kaꞌu nga huꞌi-huꞌite huni haataꞌinie uri a God ni e niie nanamanga huniꞌo.”

Matiu 19:3

Oto ngaeta mo Parise kire lae mai saana aana kire ko sare lupweꞌi dolosi pweloa, oto kire ko dolosi aana uuri, “O ke unue kaꞌu oodoiꞌemeelu. ?Uri e diana taane aana mo Haꞌatolanga ikie hunie poro ke sikaa mola huꞌe ingeie i sulie saena?”

Matiu 21:23

A Jisas e aalihoꞌi loꞌu mei i laona Nume Maaꞌi Peine, na maholo ko haꞌa-uusuli, mo naꞌohai pris na mo rato ni mwane kire lae mai saana. Oto kire ko dolosi aana uuri, “?Nga nanamanga uri taa ni o toꞌo aana huni esuie walu ola o ko deuꞌi ngeena? ?Na a tei ni e niie nanamanga ngeena huniꞌo?”

Matiu 22:15

Oto mo Parise kire iisitaa, kire ko si lai ere-ere i sulie uri kire kei pweloa a Jisas uri taa aani dolosinge.

Matiu 22:18

Taꞌe a Jisas e lio saie mone uri kire ko lupweꞌi pwaoa mola, ko si teꞌuri hunire, “!Iꞌomu kira dau hahota! ?Aana e ue ni omu ko sare lupweꞌi pwaoau urine?

Matiu 22:23

Oto loꞌu mola aana hai dingena, ngaeta mo Sadiusi kire lae mai saana a Jisas. Ikire mo Sadiusi ngeena kire hiiwalaimoli uri nga iini saꞌa taꞌelaꞌi ike loꞌu mwaanie maenga.

Tataroha Diana I Sulie A Jisas Kraes Nge A Mak E Uusue 12:15

Taꞌe a Jisas e lio saie mola mo pwelonga ikire, oto ko aalamire uuri, “?E ue omu ko sare lupweꞌi pwaoau? Omu ke haataꞌinie kaꞌu seleni hunie takis ngeena aaku.”

Tataroha Diana I Sulie A Jisas Kraes Nge A Mak E Uusue 2:16

Oto ngaeta mo haꞌa-uusuli aana mo Haꞌatolanga a Mosis kire leesie a Jisas ko ngeu peꞌie mwalana, oto kire ko upwesie mo pwaarongoisuli ingeie uuri, “?E ue nge a Jisas ko ngeu na ko inu peꞌie mo iinoni oorahaꞌaala mala mo mwane susulu toꞌoha ngeena?”

Tataroha Diana I Sulie A Jisas Kraes Nge A Mak E Uusue 9:16

Oto a Jisas ko dolosi aana mo pwaarongoisuli ingeie uuri, “?Nga taa ni omu ko ere haitapali peꞌire haahie?”

Tataroha Diana I Sulie A Jisas Kraes Nge A Luk E Uusue 10:25

Oto ngaeta haꞌa-uusuli aana mo Haꞌatolanga a Mosis e lupweꞌi dolosi pweloa a Jisas uuri, “?Haꞌa-uusuli, nga mei taa ni ne kei esuie kaꞌu hunie ne ke helesie maurihe huu?”

Tataroha Diana I Sulie A Jisas Kraes Nge A Luk E Uusue 11:16

Na ngaeta mwala loꞌu kire ko sare lupweꞌi oohongie mola a Jisas aana kire loꞌongaꞌinie uri e kaꞌa uure ike mwaanie a God, oto kire ko unue hunie uri ke da nga huꞌi-huꞌite hunie kire ke leesie.

Tataroha Diana I Sulie A Jisas Kraes Nge A Jon E Uusue 4:48

Oto a Jisas ko teꞌuri hunie a mwaena, “Omu hiiwalaimoli mola aaku aena aana omu leesie oto mo ola ni pangataꞌinge na mo tolimaa aana mo huꞌi-huꞌite.”

Tataroha Diana I Sulie A Jisas Kraes Nge A Jon E Uusue 6:30

Oto kire ko heꞌi dolosi loꞌu aana uuri, “?Nga tolimaa uri taa ni o sai esuie hunie uri melu ke leesie na melu ke hiiwalaimoli eemu? Mo weuwaka oto i naꞌo maholo kire iiꞌo i laona hanuesala peꞌie a Mosis, kire ngau aana ngaulaa nge kire haaraꞌinie aana mana nge e teke mola uure i Lengi, oto mala uusulana e lae uuri, E nii ngeulaa ada uure i Lengi. Eksodas 16:4 ?Oto iꞌoe, nga mei huꞌi-huꞌite uri taa ni o kei esuie?”

Tataroha Diana I Sulie A Jisas Kraes Nge A Jon E Uusue 7:48

?Uri nga iini aana mo naꞌohai mwane wa mo Parise kire hiiwalaimoli aana?

Tataroha Diana I Sulie A Jisas Kraes Nge A Jon E Uusue 8:6

Kire lupweꞌi dodolosi mola urine huni pweloa a Jisas, hunie uri kire ke haꞌasusu eero-eero i lengine. Taꞌe a Jisas e ooromaꞌi mola i aano, na ko uusu-uusu i mwakano aana riꞌi-riꞌine.

Palonga 5:9

Oto a Pita ko teꞌuri loꞌu hunie, “?Oto e ue ni more neꞌisae tararuru huni haꞌangai-ngeie Liꞌoa Maaꞌi a God? !O ke rongo! Mo saanau nge kire lai heitolingeꞌinie poro iꞌoe, ikire oto taꞌau i aena maa, na kire kei aangaꞌiniꞌo oto noꞌone taꞌau urine.”

1 Korinit 10:9

Kie ke suꞌuri haꞌangai-ngeie a Aalaha mala ngaeta mo iini aada e haꞌangai-ngeie kaꞌu, nge a God e uusungeꞌinie mo mwaa huni horo maesire.