Tataroha Diana I Sulie A Jisas Kraes Nge A Mak E Uusue 7:34 - Tataroha Diana

³⁴ Oto e lio taꞌi lengi, na ko mango paine mala iinoni ko saehuu, na ko teꞌuri hunie a mwaena aana erenga ni Jiu, “!Epata!” Loꞌongaꞌinge aana uuri, “O ke taha oto.”

Tataroha Diana I Sulie A Jisas Kraes Nge A Mak E Uusue 7:34 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 1:41

A Jisas e aamasie oto liutaa, oto e si susueꞌinie wau nimana huni hele i sapena mwaena, na ko teꞌuri, “Iau, nou mwaꞌe-mwaꞌe taane. Sapemu ke mola oto.”

Tataroha Diana I Sulie A Jisas Kraes Nge A Mak E Uusue 15:34

Na aana oolune nga maholoi sato i aapau, a Jisas e si soi oto paine aana erenga ni Jiu uuri, “?Eloi, Eloi, lama sabaktani?” nge neꞌisaenga aana uuri, “?God ineu, God ineu, e ue oto o aatopuri eeku?”

Tataroha Diana I Sulie A Jisas Kraes Nge A Mak E Uusue 5:41

A pulena e hule oto aana aawalai helisi mwana rue, na a Jisas e hele i nimana, ko si teꞌuri hunie aana erenga ni Jiu, “Talitha, koum.” Loꞌongaꞌinge aana uuri, “Kele pule, no ko unue huniꞌo o ke taꞌelaꞌi oto.” Na oto lau-leu a pulena e taꞌelaꞌi, ko lae hailiu oto. Oto maholo kire leesie urine, kire ko si tohungei pangataꞌi oto hiitoꞌo.

Tataroha Diana I Sulie A Jisas Kraes Nge A Mak E Uusue 6:41

Oto a Jisas e hele aana lime ho bred ngeena na e ro ho iiꞌe, oto ko si lio i lengi, na ko paalahea a God. Oto e nisie mo ho bred ngeena, ko si niiꞌi hunie mo pwaarongoisuli ingeie hunie kire ke haꞌa-adoa mwala aani. Na e teꞌurine noꞌone aana e ro ho iiꞌe hunie ahutada mango.

Tataroha Diana I Sulie A Jisas Kraes Nge A Mak E Uusue 7:35

Na oto mola aana maholona, aalingana a mwaena ko tolana taha oto, na meana e kohi oto noꞌone, na ko ere kohi oto loꞌu.

Tataroha Diana I Sulie A Jisas Kraes Nge A Mak E Uusue 8:12

Taꞌe a Jisas ko si aawasirahe mola na ko teꞌuri, “!Haꞌike eena! ?E ue ni iꞌomu mwala aana maholo ienini, oto tarau omu ko sare leesie nga huꞌi-huꞌite? !No ko unue oto huniꞌomu uri nga taꞌa-taꞌa mei ola urine haataꞌinilana e saꞌa lae ike huniꞌomu!”

Tataroha Diana I Sulie A Jisas Kraes Nge A Luk E Uusue 18:42

Oto a Jisas ko teꞌuri hunie, “!O ke lio-lio oto! Hiiwalaimolinge iꞌoe e haꞌa-uuriꞌo oto.”

Tataroha Diana I Sulie A Jisas Kraes Nge A Luk E Uusue 19:41

Na maholo a Jisas e lae loꞌu mei karaꞌinie i Jerusalem, e si hule aana leu e sai leesie hanue aana, oto ko si ngarasie.

Tataroha Diana I Sulie A Jisas Kraes Nge A Luk E Uusue 7:14

Oto a Jisas e lae wau karaꞌinie, ko hele aana taetahe, na mwala e aangaꞌi kire uure hahuroto oto. Oto ko teꞌuri, “!Saanau, no ko unue huniꞌo, o ke taꞌelaꞌi!”

Tataroha Diana I Sulie A Jisas Kraes Nge A Jon E Uusue 11:33

A Jisas e leesie a Meri ko ngara na mwala peꞌie noꞌone urine, nge saena e si makaka oto aana saehuunge.

Tataroha Diana I Sulie A Jisas Kraes Nge A Jon E Uusue 11:35

Oto a Jisas ko ngara ni saehuunge,

Tataroha Diana I Sulie A Jisas Kraes Nge A Jon E Uusue 11:38

Oto a Jisas e hule aana kilipweꞌu, na saena e si makaka oto loꞌu. Kilipweꞌu ngeena nga hahale, na hau oto paine kire honoa maa aana.

Tataroha Diana I Sulie A Jisas Kraes Nge A Jon E Uusue 11:41

Kire taꞌaasie hau ngeena mwaanie maana kilipweꞌu, oto a Jisas e lio i lengi ko si teꞌuri, “Mamaꞌa, no ko paalaheꞌo haahie o ko rorongo hunie aarengaꞌinge ineu.

Tataroha Diana I Sulie A Jisas Kraes Nge A Jon E Uusue 11:43

Purine e aarengaꞌi mango urine, e si soi peine uuri, “!Lasaros, o ke iisitaa mai!”

Tataroha Diana I Sulie A Jisas Kraes Nge A Jon E Uusue 17:1

Oto i purine a Jisas e ere mango urine, e si lio taꞌau i Lengi na ko aarengaꞌi uuri, “Mamaꞌa, maholoi sato e hule oto. O ke haꞌamanikuluꞌaau a Kalemu, hunie ineu a Kalemu ne ke si haꞌamanikuluꞌaꞌo loꞌu.

Palonga 9:34

Oto a Pita ko teꞌuri hunie, “Aenias, a Jisas Kraes ko haꞌa-uuriꞌo. O ke taꞌelaꞌi, na o ke lulungie hulite iꞌoe.” Na oto mola aana maholoi satona a Aenias ko uure hala-hala oto.

Palonga 9:40

Oto a Pita e si unue ahutana mwala ke lae kaꞌu i sinaha, oto e pouruuru ko si aarengaꞌi. E saro wau takoie huꞌe nge e mae ngeena, ko soie satana na ko teꞌuri, “!Tabita, o ke taꞌelaꞌi!” Oto a huꞌena e lakataꞌinie maana na maholo e leesie a Pita, e si taꞌelaꞌi.

Hibru 4:15

Na Hahuꞌana Naꞌohai Pris ikie ngeena e manataꞌinie oto mo mamaelaꞌanga ikie, aena aana ahutana mo malaahonganga nge kire ko hite-hite aaka ngeena, kire mani hite aana mango. Taꞌe maꞌalana malaahongalana e lae urine, a Jisas e kaꞌa dau huꞌisie ike nga taꞌa-taꞌa mei oorahaꞌaa aana nga kele maholo.