Tataroha Diana I Sulie A Jisas Kraes Nge A Mak E Uusue 4:6 - Tataroha Diana

⁶ Taꞌe e hule aana maholo sato ko peine, oto sato ko madorohiꞌi oto hiitoꞌo, na kire ko nunulu mola aena aana kire kaꞌa susuꞌimi ike hiitoꞌo i aano.

Tataroha Diana I Sulie A Jisas Kraes Nge A Mak E Uusue 4:6 ပူးပေါင်းရင်းမြစ်များ

Matiu 13:6

Taꞌe e hule aana maholo sato ko peine, oto sato ko madorohiꞌi oto hiitoꞌo, na kire ko nunulu mola aena aana kire kaꞌa susuꞌimi ike hiitoꞌo i aano.

Tataroha Diana I Sulie A Jisas Kraes Nge A Mak E Uusue 4:5

Ngaeta mo litei iini kire ko teke i lengine mei heu-heue. Oto mo lite ngeena kire ko tolana pwito poi aena aana mei mwakano ngeena e kaꞌa piꞌola ike.

Tataroha Diana I Sulie A Jisas Kraes Nge A Mak E Uusue 4:7

Ngaeta mo litei ola kire ko teke i matolana mo walo kau-keu. Oto kire ko pwito tararuru peꞌie mo walo kau-keu, taꞌe mo walo kau-keu kire paine haahiꞌi nge kire ko si melusiꞌi mola. Oto kire kaꞌa hungu ike.

Epesas 3:17

na hunie a Kraes ke iiꞌo susu i laona manatamiu aani hiiwalaimolinge aana. No ko eitanai talamiu uri manata-diananga a Kraes huniꞌomu ke neꞌi imi-imine mauringe iꞌomu hunie omu ke uure maꞌutaꞌa.

Kolosi 2:7

Omu ke iiꞌo susu oto i lalo aana Kraes mala nga ai imi-imine e susu i aano. Na hiiwalaimolinge iꞌomu ke susu na ke aatosara loꞌu aana mo ola nge haꞌa-uusulilemiu e lae aani, na omu ke paa-paalahea God taraureꞌi suli maholo.

Jemes 1:11

Maholo sato ko hane, oto ko madoro na ko weruhie hahalisi. Oto tatakani ko eehuhu na launihaꞌani ko waetaꞌi oto. E urine loꞌu mola aana mwane e toꞌo-toꞌo. Maholo e kaꞌa loꞌongaꞌinie ike maenga taꞌe ko loꞌongaꞌi hiitoꞌo mola i sulie tari-olanga ingeie, nge kei mae mola.

Jiud 1:12

Maholo omu ko esuie mo ngeuhe iꞌomu huni haataꞌinie manata-diananga iꞌomu huniꞌomu heiliu, nge mwala ngeena kire ko ngeu-ngeu taane peꞌiꞌomu aana ngau-maaꞌinge iꞌomu ngeena. Taꞌe kire urihana mola mo usu ko hiolo. Kire saꞌa maꞌuteꞌinie ike nga iini, aana kire ko rarara oto mola hunire maraada. Kire ko heiholotaꞌinie mo ola diana, taꞌe mo wala mwaakule mola ni ngeena, aana kire urihana mola mei rorodo e aꞌate nge e kaꞌa sai niie nemo hunie hohola ke aahu. Kire urihana noꞌone mo ei nge kaꞌa sai hungu ike maꞌalana maholo huni hungunge aana halisi. Oto waꞌi-mousilana imi-imini e lae mwaanie mwakano na kire tohungei mae oto taꞌingelu.

Haataꞌinge 7:16

Mwala ngeena kire saꞌa roroꞌa ni hiolo loꞌu, na kire saꞌa roroꞌa ni maarou loꞌu, na sapeda e saꞌa roroꞌa ni raramea loꞌu aana sato,