Tataroha Diana I Sulie A Jisas Kraes Nge A Mak E Uusue 4:28 - Tataroha Diana

²⁸ Mei ola ngeena, mwakano ni mola ko da mo lite ngeena ko pwito urine na kire ke hungu. Kire kei holaꞌi ure, oto ko heꞌi taka loꞌu, na purine e taka mango kolu ko leesie oto ko toꞌo hue-huana eena.

Tataroha Diana I Sulie A Jisas Kraes Nge A Mak E Uusue 4:28 ပူးပေါင်းရင်းမြစ်များ

Matiu 13:26

Oto e ro taungei olana ko meni pwito poi na kire karaꞌi lio sada mola. Taꞌe aana maholo mo kooni ko aehota hungu oto, mo rea ko si haataꞌi aana kire kaꞌa sai hungu ike.

Tataroha Diana I Sulie A Jisas Kraes Nge A Mak E Uusue 4:27

Oto maꞌalana e kaꞌa da loꞌu nga mei ola taꞌe ko maꞌahu mola aana rodo, wa e taꞌelaꞌi i aatowaa, taꞌe mo lite nge e hasiꞌi ngeena kire ko pwito mola maraani. A mwaena kaꞌa saie ike noꞌone e ue nge mo lite ngeena kire sai pwito urine.

Tataroha Diana I Sulie A Jisas Kraes Nge A Mak E Uusue 4:29

Oto maholo hue-huana ko repo oto, nge a mwaena ko si aehota tapaliꞌi oto aana naihi ingeie eena, aana kire repo oto na e hule oto aana maholo huniꞌi.”

Pilipae 1:6

Na nou norutoꞌo uri a God nge e aehotaa mei esunge diana i laona maurihaꞌamiu, kei lae peꞌi esu taraꞌasi oto urine i lalo aamiu, lai hule aana hai dinge a Jisas Kraes kei ooli loꞌu mei.

Kolosi 1:10

Melu ko eiꞌeitanai urine hunie omu ke iiꞌo oto aana tolahai ola e malisine mo iinoni maaꞌi a Aalaha, na hunie asunge iꞌomu ke toꞌohie saena a God. Urine nge omu ke si haꞌahungeꞌaa loꞌu taꞌena nga asunge diana, na omu ke sai diana aana a God.