Tataroha Diana I Sulie A Jisas Kraes Nge A Mak E Uusue 16:10 - Tataroha Diana

¹⁰ Oto a Meri e lae, ko lai haꞌarongoa mo pwaarongoisuli ingeie. Kire iiꞌo ni saehuu oto mola peꞌi ngaranga,

Tataroha Diana I Sulie A Jisas Kraes Nge A Mak E Uusue 16:10 ပူးပေါင်းရင်းမြစ်များ

Matiu 19:22

A mwaena e rongo urine, oto ko si lae mwaanie peꞌie saehuunge paine aena aana e tohungei toꞌo-toꞌo oto liutaa.

Matiu 24:30

Oto aana maholo urine nga tolimaa leesilana kei lae i laona salo huni haataꞌinie uri ineu a Kale Ni Iinoni no ko lae oto mai. Ahutana mo komu ni iinoni aana walumalau kei ngara aana kire kei leesieu a Kale Ni Iinoni no ko lae mai i laona mei uuru mwaanie salo. Ne kei lae mai peꞌie nanamanga na manikuluꞌanga oto paine.

Matiu 9:15

A Jisas e aalamire uuri, “?Mo malahune a poro haalu kire kei saehuu uri taa na kire ko ngeu-ngeu ue aana ngauhe ni haꞌarurunge na a poro haalu e iiꞌo ue peꞌire? Taꞌe kei hule aana hai dinge nge kire kei toolea poro haalu mwaanire, nge kire ke si oolongau taane.”

Tataroha Diana I Sulie A Jisas Kraes Nge A Mak E Uusue 14:72

Oto mola aana maholona, kue ko heꞌi ngara loꞌu ruana nga ngaranga. Hoe, a Pita ko aamasitoꞌo aana mei wala nge a Jisas e unue uuri, “I naꞌona kue kei ngara haꞌarue i rodo siꞌirini, o kei taateingeꞌinieu haꞌa-oolu uri o kaꞌa manataꞌinieu ike.” Oto a Pita e si saie mola uri mei walana e oa oto, ko si ngara oto paine.

Tataroha Diana I Sulie A Jisas Kraes Nge A Luk E Uusue 24:17

A Jisas ko teꞌuri hunirerue, “?Nga taa ni more ko lae peꞌi ere-ere i suliena?” Oto kirerue uure hahuroto na maadarue ko rehitou oto.

Tataroha Diana I Sulie A Jisas Kraes Nge A Jon E Uusue 16:6

Saemiu e honu mola aani saehuunge iꞌomu maraamiu, aena aana nou unue mo ola ienini huniꞌomu.

Tataroha Diana I Sulie A Jisas Kraes Nge A Jon E Uusue 20:18

Oto a Meri e si lae, ko lai haꞌarongoa mo pwaarongoisuli uri e leesie oto a Aalaha na ko haꞌarongora aana mo ola a Jisas e unuꞌi hunie.