Tataroha Diana I Sulie A Jisas Kraes Nge A Mak E Uusue 13:11 - Tataroha Diana

¹¹ Na maholo mo ramo kei tapoliꞌomu huni tooleꞌomu i laona leinge, omu ke suꞌuri tolahiꞌe oto hiitoꞌo aana nga taa omu kei unue. Aana maholona, omu ke unu tahangaꞌinie mo neꞌisaenga i laona manatamiu, aena aana omu saꞌa ere tohumiu ike, taꞌe Liꞌoa Maaꞌi ni kei hatongaꞌi huniꞌomu ngeena.

Tataroha Diana I Sulie A Jisas Kraes Nge A Mak E Uusue 13:11 ပူးပေါင်းရင်းမြစ်များ

Matiu 10:17

Na loꞌu, omu ke lio talamiu aana mo iinoni, aena aana kire kei tooleꞌomu i laona leinge, na kire kei repusiꞌomu i laona mo nume ni palo-palo.

Tataroha Diana I Sulie A Jisas Kraes Nge A Mak E Uusue 13:12

Aana maholona kei tohungei aaela huniꞌomu toꞌohuu, aana mwala kei niie mo eeside maraada hunie horoꞌilada, na mo mamaꞌa kire kei deu urine noꞌone aana mo mwela ikire, na mo mwela noꞌone kire kei taꞌelaꞌi honosie mo meuꞌana ikire huni horo maesire.

Tataroha Diana I Sulie A Jisas Kraes Nge A Mak E Uusue 13:9

“Oto omu ke lio talamiu aena aana mwala kei tooleꞌomu i laona leinge, na kire kei repusiꞌomu noꞌone i laona mo nume ni palo-palo, aena aana omu ko lulu i sulieu. Na kire kei tooleꞌomu i naꞌona mwala paine na mo inemauri haahie asunge ineu, hunie kire kei leiꞌomu. Aana maholo walu olana kei reu uurini, maholo iꞌomu otona huni unu diana aana Tataroha Diana hunire.

Tataroha Diana I Sulie A Jisas Kraes Nge A Luk E Uusue 21:12

“Taꞌe i naꞌona walu ola ienini ke si reu, mwala kei tapoliꞌomu na kire kei teungeꞌiniꞌomu. Kire kei tooleꞌomu i laona mo nume ni palo-palo hunie mo mwane paine kei leiꞌomu. Na kire kei tooleꞌomu loꞌu i naꞌona mo aalaha na mo inemauri hunie kire kei leiꞌomu noꞌone. Na kire kei meni aasiꞌomu i laona mo nume ni hoꞌo aena aana omu ko lulu i sulieu.

Tataroha Diana I Sulie A Jisas Kraes Nge A Jon E Uusue 3:27

Oto a Jon ko aalamire uuri, “Taꞌena nga ola nga iini e toꞌo aana, e toꞌo aana mola aena aana a God taꞌau i Lengi e niie nana. Oto nou saꞌa saehanalie ike asunge a porona, wa ne ke upwesie mwala nge kire ko lae oto i saana.

Palonga 2:4

Na ahutada kire ko meni honu oto aana Liꞌoa Maaꞌi, na kire ko aehota ere oto aana mo erenga hai aaopaꞌi i sulie mo erenga nge Liꞌoa Maaꞌi e niiꞌi mei hunire huni ere aani.

Palonga 3:13

God mo weuwaka, iini a Ebraham na Aesak na Jekob kire mani palo-paloa oto waite, ingeie oto nge ko haꞌamanikuluꞌaa koni-konihe ingeie a Jisas. Taꞌe iꞌomu ni omu niie wau i nimana a Paelat hunie horoꞌilana maꞌalana a Paelat e sare toliꞌaasie hunie ke iiꞌo luhetaꞌi, taꞌe iꞌomu nge omu uure honosie mwaanie e toliꞌaasie.

Palonga 4:31

Maholo kire aarengaꞌi mango, nge nume kire loko i laona ko si eenu-eenuleꞌi heiliu, na kire si honu oto aana Liꞌoa Maaꞌi. Oto purihaꞌana kire ko si tohungei aꞌailaꞌa loꞌu liutaa ni houleꞌinie walana God.

Palonga 6:10

taꞌe Liꞌoa Maaꞌi ko peꞌie a Stivin hunie erenga ingeie ke aꞌailaꞌa liutaa aana mo mwane ngeena.

Palonga 6:15

Oto aana maholona ahutana mwala nge kire loko ngeena, kire ko si lio hahuroto oto aana a Stivin aana kire ko si leesie maana e lio oto mala ensel.

Palonga 7:55

Taꞌe a Stivin mone e honu aana Liꞌoa Maaꞌi, e lio taꞌau i Lengi na ko leesie manikuluhaꞌana God na ko leesie a Jisas e uure aana leu ni nanamanga i pwalo-pwalona God.

1 Korinit 2:13

Oto melu kaꞌa ere ike aana mo wala i sulie saenanaunge iinoni, taꞌe melu ko ere mola i sulie mo wala nge Liꞌoa Maaꞌi e haꞌa-uusuliꞌemeelu eeni, maholo melu ko ere luhesie walaimolinge i sulie a God hunie mo iini nge kire toꞌo aana Liꞌoa Maaꞌi.

Epesas 3:5

Uure oto mai naꞌo, a God e kaꞌa unu-unue ike mei oalaꞌinge nge e iiꞌo mumuni ngeena oodoie mwala. Taꞌe maholo ienini, Liꞌoa Maaꞌi a God e haataꞌinie oto mei olana aana mo hurulaꞌaa maaꞌi na mo propet maaꞌi ingeie.

Jemes 1:5

Taꞌe mala nga iini hikemiu ko saetoꞌo aana saenanaunge, nge ke suke aana a God. Sulie a God e mwaꞌe-mwaꞌe huni nii, na e sai niie saenanaunge huniꞌomu, na e saꞌa asuie ike omu ke hii aaela aani sukanga.

1 Pita 1:12

Oto a God e haataꞌinie hunie mo propet uri mei wala toꞌohuu nge kire ko lae peꞌi tarohaꞌinie ngeena, e kaꞌa mei ola ike mola huni peꞌire maraada, taꞌe mei ola oto huni peꞌilemiu aana ni ngeena. Na Liꞌoa Maaꞌi nge a God e uusungeꞌinie mai, e niie oto nanamanga hunie ngaeta mwala siꞌiri, uri hunie kire ke tarohaꞌinie Tataroha Diana ngeena huniꞌomu. Na aana walu ola ngeena e tohungei diana na e manikuluꞌe oto liutaa, nge hule aana mo ensel taꞌau i Lengi na ikire noꞌone kire ko sare sai diana aana Tataroha Diana ngeena.