Tataroha Diana I Sulie A Jisas Kraes Nge A Mak E Uusue 10:30 - Tataroha Diana

³⁰ nge kei toꞌo-toꞌo loꞌu liutaa aana nga moi taa ko toliꞌaasiꞌi ngeena. I laona walumalau ie kei hele haꞌatangalau aani nume, na aani eesine mwane, na aani eesine keni, na aani nikana, na aani mwela, na aani mei aano. Taꞌe taungeꞌinilana kei lae oto noꞌone. Na aana walumalau haalu ko lae maine, nge ke si hele aana maurihe huu.

Tataroha Diana I Sulie A Jisas Kraes Nge A Mak E Uusue 10:30 ပူးပေါင်းရင်းမြစ်များ

Matiu 12:32

Wa nga iini ko ere mwakataꞌinie a Kale Ni Iinoni, saeꞌaasilana e sai lae mola, taꞌe iini ko ere mwakataꞌinie Liꞌoa Maaꞌi, saeꞌaasilana e saꞌa lae ike oto ooꞌoo, mai leu aana walumalau ienini wa aana iini ue mai.”

Matiu 13:8

Taꞌe ngaeta mo litei ola kire teke i lengine mei mwakano diana. Kire lai pwito diana na kire hungu, nga mo iini kire hungu oolu aawala, na nga mo iini e oono aawala, na nga mo iini tangalau.”

Matiu 6:33

Taꞌe omu ke neꞌi-neꞌisae aana Aalahanga a God na oodo-oodonga ingeie liutaa aana taꞌena nga ola mai aano, na ingeie ke si sapeie taꞌena nga ola huniꞌomu.

Tataroha Diana I Sulie A Jisas Kraes Nge A Luk E Uusue 18:30

kei hele liutaa aana maurihe ienini, na i purine maenga kei iiꞌo huu oto peꞌie a God aana maurihe huu.”

Tataroha Diana I Sulie A Jisas Kraes Nge A Jon E Uusue 10:23

A Jisas ingeie i laona lolata aana Nume Maaꞌi Peine, na ko liu aana Leu Ni Haa-haanaku a Solomon Inemauri.

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Palonga 16:25

Oto i upui rodo a Pol na Saelas kirerue ko aarengaꞌi peꞌie kananga ni lahea God. Na mo iini nge kire iiꞌo noꞌone i nume ni hoꞌo kire ko rorongo mola i sulirerue.

Palonga 5:41

Mo hurulaꞌaa kire lae mwaanie pulitaa ni lei-lei, kire ko tohungei ilenimwaꞌe oto liutaa, aena aana a Jisas e haataꞌinie uri kire ado taane huni sapesalu i tehulaꞌana satana.

Uusu-uusu A Pol Hurula'aa Hunie Mo Rom 5:3

Na kie ko ilenimwaꞌe noꞌone haahie mo aasanga ko reꞌu-reꞌusikie i tehulaꞌana kie ko lulu i sulie a Kraes, aana kie saie oto uri mo aasanga urine nge ko da hunie kie ke uure aꞌailaꞌa loꞌu liutaa.

Uusu-uusu A Pol Hurula'aa Hunie Mo Rom 6:23

Aana maholo iinoni e iiꞌo ue peꞌie oorahaꞌaa, waaitana oto maenga. Taꞌe a God e sai nii mwaakule mola aana maurihe huu hunie ahutaka mo iini kie lado oto peꞌie a Jisas Kraes, Aalaha ikie.

2 Korinit 6:10

Aena aana mo aasanga ngeena, e malisine oto melu ke sae-saehuu, taꞌe melu ilenimwaꞌe mola tarau. Melu sai meitale taane, taꞌe melu ko peꞌie mola mwala hunge hunie kire ke toꞌo-toꞌo loꞌu. Melu kaꞌa toꞌo aana ike taane nga mei ola, taꞌe melu ko si toꞌo aana mola ahutana walu ola mango.

Pilipae 3:8

Na e kaꞌa ike taꞌe mola mo ola ie. Ineu nou loꞌongaꞌinie uri ahutana oto taꞌe-taꞌena nga ola nou esuiꞌi oto i naꞌo, toliꞌaasileni kei lae mango, hunie ne ke hele aana mo tohungei ola diana aana tolahana Aalaha ineu a Jisas Kraes. Oto aena aana no ko lulu i sulie oto a Kraes, no ko toliꞌaasie oto ahutana walu ola mango i eelitehu,

2 Tesalonaeka 2:16

Oto melu ko eitanai uri Aalaha ikie a Jisas Kraes na a God Aamaka, ke haꞌasusue saemiu na ke haꞌa-aꞌailaꞌaꞌomu hunie taꞌena nga mei ola diana omu ko esuie wa omu ko unue. Na kei toꞌohuu oto aana melu saie oto uri e tohungei manata diana hunikie na haꞌasusulaka e saꞌa mou-mou ike oto ooꞌoo, na haiholotaꞌinge ingeie hunikie e tohungei diana na kie sai nou-norue oto mola haliꞌite.

1 Timoti 4:8

Aana e toꞌohuu taane mala kire unue uri e diana uri hunie kie ke haꞌa-haꞌa-aꞌailaꞌaa sapeka, taꞌe e lae oto i diana loꞌu liutaa uri hunie kie ke haꞌa-haꞌa-aꞌailaꞌaa mau-meuringe ikie aani hiiwalaimolinge. Aana hiiwalaimolinge e sai peꞌikie aana mauringe siꞌirini, na oto loꞌu aana maurihe oto huu. Iau, kei diana oto liutaa hunie mwala ke rongo hunie mo wala ngeena peꞌi tola i sulileni.

1 Timoti 6:6

Asunge nana God e sai niie taane toꞌo-toꞌonga hunikie, taꞌe toꞌo-toꞌonga ni welumalau haꞌike. A God ko niie toꞌo-toꞌonga aani sae, na ko peꞌikie hunie kie ke hii diana mola peꞌie nga taa kie toꞌo aana oto.

Jemes 1:12

Mala uri nga iini nge oohongilana ko lae na ko uure maꞌutaꞌa mola, nge ke ilenimwaꞌe mola. Aena aana i purine oohongilana hiiwalaimolinge ingeie ko lae urine, nge a God kei waaie aana rorodara ni meurihe huu, nge e haiholotaꞌinie hunie mo iini nge kire manata diana hunie.

Jemes 5:11

Kolu unue uri kire iiꞌo ni saediananga, sulie kire kaꞌa mamalo ike mwaanie asunge a God. Omu rongoa kaꞌu uri a Job e maaꞌoohi susutoꞌo, na omu saie taane uri a God e nii sapeie loꞌu hunie aana toꞌo-toꞌonga ingeie i puri. Oto omu meni saie oto uri a God e honu aana aamasinge na manata-diananga.

1 Jon 2:25

Aana a Kale e haiholotaꞌi huni niie maurihe huu hunikie.

1 Jon 3:1

!Leesie kaꞌu! Aamaka i Lengi e tohungei manata diana paine hunikie mo iini kie ko lulu i sulie a Jisas. Manata-diananga ingeie hunikie e paine liutaa, kaꞌu hule aana e haaraꞌinikie oto aana maeni kalena, na e kaꞌa satai ola mwaakule mola, taꞌe ikie mo kalena oto toꞌohuu. Na aena aana mwala aana walumalau kire kaꞌa manataꞌinie ike a God, nge kire kaꞌa manataꞌinikie noꞌone.

Haataꞌinge 2:9

“Nou saie taane mo aasanga iꞌomu na uri omu meitale. Taꞌe omu tohungei toꞌo-toꞌo taane aana hiiwalaimolinge. Nou saie taane mwala ko ere aaelasiꞌomu aana kire unue uri ikire oto mo iini a God e saetoꞌo aada. Taꞌe haꞌike. Ikire, kire ko haꞌapainaꞌaa mola a Satan ni ngeena.

Haataꞌinge 3:18

Oto no ko unue nga taa e diana liutaa hunie omu kei esuie. Omu ke toliꞌaasie ne ke niie namiu mo ola e aasa hunie omu kei holiꞌi. Toliꞌaasie ne ke luhesiꞌomu mwaanie mo oorahaꞌaa iꞌomu. Urine omu ke si lio oodoie maurihe huu na omu ke si toꞌo-toꞌo toꞌohuu. Oto omu ke toolea loꞌu mwaanieu mo toꞌoni rereꞌa aana oodo-oodonga ineu, huni hoꞌosiꞌi haahie maurihaꞌamiu mwaanie omu masa aana omu iiꞌo oto mola mwaakule. Na loꞌu omu ke toolea noꞌone mwaanieu mo ei ni ulu huni huiꞌi i laona maamiu, hunie omu ke lio taataha aana a God.