Tataroha Diana I Sulie A Jisas Kraes Nge A Mak E Uusue 10:24 - Tataroha Diana

²⁴ Oto mo pwaarongoisuli ingeie kire ko tohungei aparaꞌi peꞌi pangataꞌinge aana e ere urine, taꞌe a Jisas ko teꞌuri loꞌu hunire, “Maeni mwela ineu, e tohungei aasa huni lai sili i laona Aalahanga a God.

Tataroha Diana I Sulie A Jisas Kraes Nge A Mak E Uusue 10:24 ပူးပေါင်းရင်းမြစ်များ

Matiu 19:25

Maholo mo pwaarongoisuli kire rongo urine kire tohungei pangataꞌi oto liutaa, na kire ko dolosi uuri, “?Oto a tei keꞌu ke si helesie maurihe huu?”

Tataroha Diana I Sulie A Jisas Kraes Nge A Mak E Uusue 1:27

Na ahutana mwala ko meni pangataꞌi, na kire ko dolosi heiliu oto i matolada uuri, “?Haꞌa-uusulinge haalu uri taa ni ie? Mwane ngeena ko ere aana nanamanga. E ere hunie mo liꞌoa aaela, oto kire tola oto i sulie.”

Tataroha Diana I Sulie A Jisas Kraes Nge A Mak E Uusue 10:23

Oto a Jisas e toꞌomaaie mo pwaarongoisuli ingeie, ko si teꞌuri hunire, “Kei tohungei aasa oto hiitoꞌo hunie mwala e toꞌo-toꞌo huni sili i laona Aalahanga a God.”

Tataroha Diana I Sulie A Jisas Kraes Nge A Luk E Uusue 16:14

Na maholo mo Parise kire rongoa walu ola ienini, oto kire ko si haꞌamwasi mola aana a Jisas, i sulie ikire ngeena mwala e neꞌisae paine aana toꞌoha oto liutaa.

Tataroha Diana I Sulie A Jisas Kraes Nge A Jon E Uusue 13:33

“Maeni mwela ineu, nou saꞌa iiꞌo tewa ike loꞌu peꞌiꞌomu. E saꞌa tewa oto, na omu kei tola haitaleau, taꞌe omu saꞌa oodoieu ike. Aana no ko unue loꞌu huniꞌomu nga taa nou unue kaꞌu hunie mo naꞌohai mwane mo Jiu, uri kire saꞌa roroꞌa ni lae ike aana leu no ko lae aana ie.

Tataroha Diana I Sulie A Jisas Kraes Nge A Jon E Uusue 21:5

Oto ko dolosi aada uuri, “?E ue eena mo saanau, omu weesi taane?” Kire aalamie uuri, “!Haꞌike oto ooꞌoo!”

Tataroha Diana I Sulie A Jisas Kraes Nge A Jon E Uusue 6:60

Mo iini hunge aana mo pwaarongoisuli ingeie kire rongoa mo haꞌa-uusulinge ngeena, oto kire ko teꞌuri, “Haꞌa-uusulinge ienini e tohungei rongo aasaꞌa. ?A tei nge kei rongo hunie?”

Kalesia 4:19

Taꞌe omu ke lio talamiu, maeni mwela ineu, aana nga taa kire ko haꞌa-uusuliꞌomu aana e kaꞌa diana ike. No ko tohungei sapesalu i suliꞌomu oto mala huꞌe ko sapesalu aani mwela. Na ne kei sapesalu oto urine hule aana maholo omu kei neꞌi rato oto toꞌohuu aana tolahana a Kraes.

1 Timoti 6:17

O ke unue hunie kira toꞌo-toꞌo aana mo ola aana walumalau ie, hunie kire ke suꞌuri toohaꞌi, na mwaanie kire nou-norue toꞌo-toꞌolada nge e sai eiꞌaa lau-leu mola. Unue hunire uri kire ke norutoꞌo mola aana God aana ingeie e toꞌo-toꞌo oto liutaa, na e sai niie oto ahutana mo ola hunie kie ke ilenimwaꞌe haahiꞌi.

1 Jon 2:1

Maeni mwela ineu, no ko uusue oto urine huniꞌomu uri hunie omu ke suꞌuri oorahaꞌaa. Taꞌe mala uri nga iini ko oorahaꞌaa, kie toꞌo aana taane iini huni peꞌikie aani erenga oolitaka peꞌie a Mamaꞌa. Na ingeie oto a Jisas Kraes, iini e oodotaꞌi taꞌingelu.

1 Jon 4:4

Maeni mwela ineu, iꞌomu mo iini a God eena, na omu aꞌailaꞌasie oto mo propet eero-eero, aena aana Liꞌoa Maaꞌi nge e iiꞌo i lalo aamiu, e saka liutaa aana liꞌoa i lalo aada mo iini ni welumalau.

1 Jon 5:21

Aena urine, maeni mwela ineu, omu ke kinetaꞌinie saemiu mwaanie omu rongo hunie mo haꞌa-uusulinge eero-eero, aana o ko deu urine, nge o kaꞌa paloa ike tohungei God, taꞌe o ko palo-paloa mola mo god eero-eero.

Haataꞌinge 3:17

Omu ko unue uri omu tohungei toꞌo-toꞌo, na uri omu toꞌo aana walu ola omu saetoꞌo aani. Taꞌe hule aana omu kaꞌa saie ike loꞌu uri i naꞌona God omu tohungei siꞌohaꞌa oto hiitoꞌo. !Aama-aamasilemiu! Iꞌomu mwala omu meitale toꞌohuu, na maamiu e ulu na omu iiꞌo mola mwaakule.