Matiu 9:27 - Tataroha Diana

²⁷ Oto aana maholo a Jisas ko lae taꞌau mwaanie numena, e ro mwane kire ulu ko aehota lae i sulie peꞌie soinge uuri, “!Kalena Deved Inemauri, o ke aamasiꞌemereꞌi!”

Matiu 9:27 ပူးပေါင်းရင်းမြစ်များ

Matiu 1:1

Ie uusu-uusu aana mo naꞌohai weuwana a Jisas Kraes uure oto mai aana pongine a Ebraham lae mai hule aana a Deved Inemauri, na hunie a Jisas Kraes.

Matiu 11:5

Aana mo ulu ko lio-lio oto, mo rarasi ko lae-lae diana oto loꞌu, mo iini ko sapesalu aana maelaa ni osa kire mola oto, mo iini e pungu ko rorongo oto loꞌu, na mo iini e mae kire ko meuri eelihoꞌi oto loꞌu. Na laeliwalanga aana Tataroha Diana ko lae oto hunie mo meitale.

Matiu 15:22

Oto ngaeta huꞌe aana hanuena, ingeie nga keni ni Jiu haꞌike, taꞌe keni aana komu ni Kenan. E lae mai saana a Jisas, oto ko soie uuri, “!Kalena Deved Inemauri! Aalaha ineu, o ke aamasieu aana kele pule ineu ko tohungei siꞌohaꞌa oto hiitoꞌo aana liꞌoa aaela e hite aana.”

Matiu 17:15

“Aalaha ineu, o ke aamasie kele mwaꞌu ineu, aana ko tohungei siꞌohaꞌa oto hiitoꞌo aana liꞌoa aaela nge aana. Maholo liꞌoa aaela ngeena kei hulesie, oto ko pweu oto. Ngaeta mo maholo hule aana ko lai dou-domu i laona dunge, na nga mo maholo noꞌone i laona wai.

Matiu 20:29

Maholo a Jisas na mo pwaarongoisuli ingeie kire ko lae mwaanie hanue i Jeriko, mwala oto hunge kire ko lae noꞌone i sulire.

Matiu 21:15

Taꞌe mo naꞌohai pris na mo haꞌa-uusuli aana haꞌatolanga a Mosis, kire ko saewasu mola aana maholo kire leesie mo ola ni pangataꞌinge ko deuꞌine, na kire ko rongoa mo mwela ko toolea soinge hai Nume Maaꞌi uuri, “!Haꞌamanikuluꞌaa Kalena Deved Inemauri!”

Matiu 21:9

Oto mwala kire naꞌo na mo iini i purine a Jisas, kire ko si lae peꞌi soi oto paine, na kire ko lahea God uuri, “!Haꞌamanikuluꞌaa Kalena Deved Inemauri! !A God ke haꞌadianaꞌaa iini ko lae mai nunuhaꞌana satana Aalaha! !Haꞌamanikuluꞌaa God i Lengi!”

Matiu 9:28

Oto a Jisas e lai sili i nume, e ro ulune kirerue ko si lae mai saana. Na a Jisas ko dolosi aadarue uuri, “?Uri more hiiwalaimoli taane aana nou sai haꞌa-uuriꞌomoreꞌi?” Oto kirerue ko aalamie uuri, “Iau, Aalaha, mere hiiwalaimoli oto.”

Tataroha Diana I Sulie A Jisas Kraes Nge A Mak E Uusue 11:10

A God ke haꞌadianaꞌaa mwane ie, aana ko lae oto mai huni neꞌi inemauri naka mala a Deved Inemauri weuwaka. !Lahea God taꞌau i Lengi!”

Tataroha Diana I Sulie A Jisas Kraes Nge A Mak E Uusue 9:22

Mo maholo hunge liꞌoa aaela ngeena ko horoꞌie oto aani aasilana i laona dunge na i laona wai. Oto mala uri nanamanga iꞌoe e sai peꞌie, nge o ke aamasiꞌemeelu na o ke peꞌiꞌemeelu oto.”

Tataroha Diana I Sulie A Jisas Kraes Nge A Luk E Uusue 17:13

na kire ko si soi hunie a Jisas uuri, “!Jisas! !Aalaha! O ke aamasiꞌemeelu.”

Tataroha Diana I Sulie A Jisas Kraes Nge A Luk E Uusue 20:41

Oto a Jisas ko dolosi aada uuri, “?Aana e ue ni mwala ko unue uri a Kraes kei hute mola mai aana komu a Deved Inemauri?

Tataroha Diana I Sulie A Jisas Kraes Nge A Luk E Uusue 7:21

Aana maholona noꞌone a Jisas ko haꞌa-uurie mwala hunge peꞌie mo maelaa hai aaopaꞌi. E haꞌa-uurie mo mae-maeaꞌa na mo iini hunge mo liꞌoa aaela e hite aada, na e tahanie maana mo iini hunge maada e ulu.

Tataroha Diana I Sulie A Jisas Kraes Nge A Jon E Uusue 7:42

Aana mo Uusu-uusu Maaꞌi e unue uri a Kraes kei uure oto aana komu a Deved Inemauri, na kei hute oto i Betlehem, aana huilume nge a Deved Inemauri e oꞌoꞌo aana.”

Uusu-uusu A Pol Hurula'aa Hunie Mo Rom 1:3

i sulie a Kalena, Aalaha ikie a Jisas Kraes. E neꞌi iinoni aana e hute mala iinoni aana komu a Deved Inemauri, taꞌe a Liꞌoa Maaꞌi e taꞌelaꞌinie loꞌu mwaanie maenga aana nanamanga paine a God, na urine e haataꞌi diana aana uri ingeie Kalena God toꞌohuu.

Uusu-uusu A Pol Hurula'aa Hunie Mo Rom 9:5

Mo weuwada oto i naꞌo mala a Ebraham na a Aesak na a Jekob, ikire mo naꞌohai mwane nge a God e lio hilisire, na a Kraes e hute oto noꞌone mai mala iinoni aana komu ikire ngeena. Na ingeie oto a God, na ko aalaha haahie taꞌena nga ola, na e diana hunie kie ke paalahea taraureꞌi oto di. !Iau! !Ke urine oto!