Matiu 6:9 - Tataroha Diana

⁹ Taꞌe omu ko aarea God omu ke aarengaꞌi uuri. Mamaꞌa i Lengi, mwala ke haꞌamaꞌu aana satamu.

Matiu 6:9 ပူးပေါင်းရင်းမြစ်များ

Matiu 10:29

Omu ke saie kaꞌu uri e ro kele pipisu nga iini e sai holiꞌi mola aana nga taꞌa-taꞌa kele peni pulu, taꞌe hule aana nga iini aadarue e saꞌa mae na Aamamiu e kaꞌa toliꞌaasie.

Matiu 23:9

Na mwaanie omu haaraꞌinie nga iini mei aano uuri, ‘Mamaꞌa,’ aana e taꞌa-taꞌa iini oto Aamamiu, ingeie taꞌau i Lengi.

Matiu 26:29

No ko unue huniꞌomu uri nou saꞌa inuhie loꞌu nga mei waen lai hule aana hai dinge nge ne kei inu aana waen haalu peꞌiꞌomu i laona Aalahanga Aamaku.”

Matiu 26:42

Oto a Jisas ko heꞌi ruana lae loꞌu, na ko aarengaꞌi uuri, “Mamaꞌa, mala e kaꞌa mwadaꞌu oto huni taꞌaasie mei sapesalunge ie mwaanieu, nge no ko eitanaiꞌo ke oa oto urine huniꞌo.”

Matiu 5:16

Oto iꞌomu, omu ke urine noꞌone. Raa-raa iꞌomu ke raangie ahutana mwala, hunie kire ke lio saie mo ola diana nge omu ko esuiꞌi na kire ke soi haꞌamanikuluꞌaa Aamamiu i Lengi i tehulaꞌani.”

Matiu 5:48

Taꞌe iꞌomu, omu ke tohungei diana oto taꞌingelu mala Aamamiu i Lengi e tohungei diana taꞌingelu.”

Matiu 6:14

“Mala omu kei saeꞌaasie hunie taꞌena nga iinoni mo roroꞌanga kire ko deu huꞌisiꞌomu eeni, nge Aamamiu i Lengi kei saeꞌaasie huniꞌomu mo oorahaꞌaanga iꞌomu.

Matiu 6:6

Taꞌe maholo o ko aarengaꞌi, o ke lae iiꞌo mumuni maraamu i duru iꞌoe, o ke honoa maa, na o ke aarengaꞌi hunie Aamamu iini e iiꞌo mumuni. Na ingeie iini e sai lio saie nga taa o ko esu mumuni aana, ke si waaiꞌo haahie.

Matiu 7:11

Iꞌomu mo iinoni oorahaꞌaa, taꞌe hule aana omu sai niie mo ola diana hunie mo mwela iꞌomu. ?Ilisie Aamamiu i Lengi iini e diana liutaa aana taꞌena nga iinoni, uri e saꞌa nii liutaa aana mo ola diana hunie nga mo iini ko suke aana?

Tataroha Diana I Sulie A Jisas Kraes Nge A Luk E Uusue 15:18

Ne kei taꞌelaꞌi na ne kei ooli oto takoie aamaku. Ne kei teꞌuri hunie, Mamaꞌa, nou oorahaꞌaa oto i naꞌona God na oto i naꞌomu.

Tataroha Diana I Sulie A Jisas Kraes Nge A Luk E Uusue 15:21

Oto a mwaꞌune ko teꞌuri hunie aamana, ‘Mamaꞌa, nou oorahaꞌaala oto i naꞌona God na oto noꞌone i naꞌomu, na nou kaꞌa malisine ike loꞌu uri o ke saieu aana a kalemu.’

Tataroha Diana I Sulie A Jisas Kraes Nge A Luk E Uusue 2:14

“Manikuluꞌanga hunie a God i Lengi, na hanuelamanga mai aano hunie mo iini e ilenimwaꞌe haahire.”

Tataroha Diana I Sulie A Jisas Kraes Nge A Jon E Uusue 20:17

Oto a Jisas ko si teꞌuri hunie a Meri, “Mwaanie o hele-hele aaku urine aana nou kaꞌa tahelaꞌi ue i saana Aamaku. Taꞌe saeku o ke lae i haꞌarongoa mo pwaarongoisuli ineu uri no ko tahelaꞌi i saana Aamaku na Aamamiu, na God ineu na God iꞌomu.”

Uusu-uusu A Pol Hurula'aa Hunie Mo Rom 1:7

Oto ie no ko uusu-uusu hunie ahutemiu weu i Rom, mwala nge a God e manata diana huniꞌomu na e soiꞌomu hunie omu ke neꞌie oto mo tohungei iinoni maaꞌi ingeie. No ko eitanaie a God Aamaka na a Jisas Kraes Aalaha ikie, uri kire ke haataꞌinie hahuꞌana manata-diananga huniꞌomu, na uri ke niie hanuelamanga huniꞌomu.

Uusu-uusu A Pol Hurula'aa Hunie Mo Rom 8:15

Aana Liꞌoa Maaꞌi nge a God e niie oto huniꞌomu ngeena, e kaꞌa asuie ike hunie omu ke maꞌu-meꞌu oto tarau mala koni-konihe nge e dau aaela. !Haꞌike! Taꞌe a Liꞌoa Maaꞌi ko si da mola omu ke neꞌi kalena God, na aana omu saie uri a God ko manata diana huniꞌomu urine, nge omu sai soie aana, “!Mamaꞌa! !Mamaꞌa!”

Kalesia 1:1

Saediananga mwaanieu a Pol Hurulaꞌaa huniꞌomu mo iini aana mo soihaadaꞌinge wau aana poꞌo ni henue i Kalesia. A Jisas Kraes na a God Aamaka, kirerue soieu uri hunie ne ke neꞌi hurulaꞌaa, na soileku e kaꞌa lae ike mola aani iinoni wa mwaanie nga pulitaa ni iinoni. !Haꞌike! A God nge e taꞌea a Jisas Kraes aalihoꞌi mwaanie maenga ni e asuie leune urine hunieu. Ahutameelu mo mwaasine aana hiiwalaimolinge mai leu, melu ko niie saediananga iꞌemeelu huniꞌomu,

Kalesia 4:6

Oto huni haataꞌinie uri kie neꞌie oto mo kalena a God toꞌohuu, a God e uusungeꞌinie mai Liꞌoa Maaꞌi aana a Kalena hunie ke iiꞌo i laona maurihaꞌaka. Na Liꞌoa ngeena ko si haataꞌinie uri kie sai soie a God Aamaka aana “Mamaꞌa.”

1 Timoti 6:16

Ingeie oto haliꞌite nge e saꞌa roroꞌa mae ike. E iiꞌo i lalo aana raa-raa, raa-raa ngeena nga iini e saꞌa lae wau karaꞌinie, nga iinoni e kaꞌa leesie ike ue a God, wa ke sai leesie. Oto mwala kei meni soi haꞌamanikuluꞌaa oto di. Nanamanga ingeie kei iiꞌo huu oto nana. !Iau, ke urine oto!

1 Pita 1:17

Omu ko haa-haaraꞌinie a God uri ingeie oto Aamamiu, na e toꞌohuu oto. Taꞌe aama-aamasitoꞌo aana uri e kaꞌa sai rara haahie ike mola nga iini. Aana ingeie ko lei sada mola aana ahutana iinoni i sulie helelada. Aena urinena, maholo omu ko meu-meuri ue mai laona walumalau, nge omu ke iiꞌo diana oto mai laona walumalau peꞌi haꞌamaꞌunge aana taraureꞌi.

Haataꞌinge 4:11

“Iꞌoe oto a God na Aalaha iꞌemi. O melisine oto o ke hele aana manikuluꞌanga na haꞌamaꞌunge na nanamanga. Aana o haꞌaholaa walu ola na oto i sulie saemu nge kire si aehota neꞌi ola na kire mauri.”

Haataꞌinge 5:12

Mo ensel ngeena kire ko kana paine uuri, “A Kalei Sipu nge horoꞌilana e lae, e adona kie ke haꞌapainaꞌaa haahie nanamanga paine ingeie, na haahie toꞌo-toꞌonga ingeie, na haahie saenanaunge ingeie, na haahie aꞌailaꞌanga ingeie. Na e adona oto kie ke haꞌamaꞌu aana, na kie ke haꞌamanikuluꞌaa, na kie ke haꞌapainaꞌaa.”