Matiu 6:20 - Tataroha Diana

²⁰ Taꞌe omu ke dudurue mo ola diana namiu i Lengi, leu mo kokorosi e saꞌa ngau aana na kauwaꞌa saꞌa waeliꞌi aana. Na i Lengi noꞌone nge e aasa hunie mo iinoni peli-peli kire kei hokaꞌie nume hunie pelinge.

Matiu 6:20 ပူးပေါင်းရင်းမြစ်များ

Matiu 19:21

A Jisas ko si unue hunie uuri, “Mala uri o ko sare iiꞌo oodotaꞌi oto, o ke lae, na o ke haꞌaholingeꞌinie toꞌo-toꞌolamu. Oto o ko niie mo toꞌoha aani nana mo iinoni meitale, aana ko urine nge o ke si toꞌo-toꞌo loꞌu aana mo ola diana i Lengi. Mango urine, o ke si lae mai lulu i sulieu.”

Matiu 6:19

“Mwaanie omu dudurue mo ola diana iꞌomu mei laona walumalau, leu mo kokorosi kei ngeuꞌi aana na kauwaꞌa kei waeliꞌi aana. Na mo iinoni peli-peli kire sai hokaꞌie mola nume huni pelileni.

Tataroha Diana I Sulie A Jisas Kraes Nge A Mak E Uusue 10:21

Oto a Jisas ko toꞌomaaie peꞌi manata-diananga hunie, na ko teꞌuri hunie, “Taꞌa-taꞌa mei ola loꞌu mola nge o kei esuie. O ke lai haꞌaholingeꞌinie toꞌo-toꞌolamu, na o ke niie mei toꞌoha aani nana kira maitale. Aana ko urine nge o ke si toꞌo-toꞌo loꞌu aana mo ola diana i Lengi. Mango urine, o ke si lae mai lulu i sulieu.”

Tataroha Diana I Sulie A Jisas Kraes Nge A Luk E Uusue 12:33

Oto omu ke haꞌaholingeꞌinie mola toꞌo-toꞌolamiu, na omu ke niie mei toꞌoha aani hunie kira maitale. Omu ke mwaꞌie mo toꞌoha iꞌomu i laona mwaꞌi e saꞌa moka ike. Na omu ke loohaꞌinie toꞌolamiu i Lengi, aana leu kire saꞌa peliꞌi ike aana, wa mo kokorosi ke waeliꞌi.

Tataroha Diana I Sulie A Jisas Kraes Nge A Luk E Uusue 18:22

Maholo a Jisas e rongo urine, ko si teꞌuri hunie a mwaena, “Taꞌa-taꞌa mei ola ni mola ue o saetoꞌo aana loꞌu huni esuie. O ke haꞌaholingeꞌinie toꞌo-toꞌolamu, na o ke niie mo toꞌoha aani nana kira maitale. Aana ko urine nge o ke si toꞌo-toꞌo loꞌu aana mo ola diana i Lengi. Mango urine o ke si lae mai lulu i sulieu.”

1 Timoti 6:17

O ke unue hunie kira toꞌo-toꞌo aana mo ola aana walumalau ie, hunie kire ke suꞌuri toohaꞌi, na mwaanie kire nou-norue toꞌo-toꞌolada nge e sai eiꞌaa lau-leu mola. Unue hunire uri kire ke norutoꞌo mola aana God aana ingeie e toꞌo-toꞌo oto liutaa, na e sai niie oto ahutana mo ola hunie kie ke ilenimwaꞌe haahiꞌi.

1 Timoti 6:19

aena urine kire kei durue toꞌo-toꞌonga oto paine nada maraada taꞌau i Lengi nge domana nga poo-pootana nume hunie maholo ue mai. Na aana kire kei esu diana urine, nge kire ke si lio saie maurihe toꞌohuu e uri taa.

Hibru 10:34

Omu sapesalu tararuru peꞌie ngaeta mo iini eemiu kire iiꞌo i nume ni hoꞌo. Na maholo mwala e too-toolea toꞌo-toꞌolamiu, omu ilenimwaꞌe mola i sulie omu saie oto uri omu toꞌo aana taane mo ola diana loꞌu liutaa na kire sai iiꞌo huu.

Hibru 11:26

A Mosis e loꞌongaꞌinie mola uri maꞌalana mwala ko teungeꞌinie i tehulaꞌana a Kraes nge ko lae mai, taꞌe leune e diana loꞌu liutaa aana mo ola diana hunge i Ijip. Na ko loꞌo-loꞌongaꞌi mola urine, aena aana ko toꞌo-toꞌomaaie oto nga taa a God kei niie hunie aana waaitana mai puri.

Jemes 2:5

Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.

1 Pita 1:4

Aena urinena a God e si da hunie omu ke helesie mo niinge diana ingeie huniꞌomu. Mo tohungei niinge diana ngeena kire saꞌa aiꞌaa loꞌu aana nga maholo, wa kire ke aaela loꞌu, wa kire ke waa, taꞌe kire iiꞌo aakau mola loosiꞌomu taꞌau i Lengi.

1 Pita 5:4

Na maholo nge Naꞌohai Kakalihe haahie mo sipu kei ooli mei, nge ingeie ke si niie waaite e tohungei menikuluꞌe huniꞌomu, na mei waaite ngeena e saꞌa mango ike loꞌu aana nga maholo.

Haataꞌinge 2:9

“Nou saie taane mo aasanga iꞌomu na uri omu meitale. Taꞌe omu tohungei toꞌo-toꞌo taane aana hiiwalaimolinge. Nou saie taane mwala ko ere aaelasiꞌomu aana kire unue uri ikire oto mo iini a God e saetoꞌo aada. Taꞌe haꞌike. Ikire, kire ko haꞌapainaꞌaa mola a Satan ni ngeena.