Matiu 6:13 - Tataroha Diana

¹³ Na mwaanie o toliꞌaasiꞌemi huni oorahaꞌaa maholo malaahongalamami ko lae, taꞌe o ke lio i suli diana aamami mwaanie Iini Oorahaꞌaa.

Matiu 6:13 ပူးပေါင်းရင်းမြစ်များ

Matiu 26:41

Omu ke lio na omu ke aarengaꞌi, mwaanie malaahonga e hane haahiꞌomu. Nou saie uri manatamiu e aꞌailaꞌa taane huni esuie mo ola diana, taꞌe sapemiu ni mola ko tataku.”

Matiu 28:20

Omu ke haꞌa-uusulire hunie kire ke tola i sulie oto taꞌena nga ola nou hatongaꞌinie huniꞌomu. Na omu sai norutoꞌo aana uri ne ke iiꞌo peꞌiꞌomu oto tarau, lai hule aana haꞌamangolana walumalau.”

Matiu 5:37

Taꞌe maholo omu ko heiholotaꞌi, omu ke unue mola, ‘Iau, ne kei teꞌurine,’ wa ‘Haꞌike, nou saꞌa teꞌurine ike.’ Mala omu kei unue loꞌu nga mei ola aaopa, leu ngeena e uure oto mai mwaanie a Satan, iini oorahaꞌaa eena.”

Matiu 6:10

Aalahanga iꞌoe ke lae mai. Mo ola saemu eeni deuleni, asuileni ke lae oto i aano i leu mala oto i Lengi.

Tataroha Diana I Sulie A Jisas Kraes Nge A Jon E Uusue 17:15

Nou kaꞌa sukaa ike uri o ke taꞌaasire mwaanie walumalau, taꞌe hunie o ke kinetaꞌinire mwaanie iini tataꞌala, a Pwelu Eero-eero.

1 Korinit 10:13

Ahutana mo malaahonga nge ko hite-hite aamu ngeena, taungei ola oto e sai hite mola aana taꞌena nga iinoni ni ngeena. Taꞌe a God ko deu mola i sulie haiholotaꞌinge ingeie, na e saꞌa tohungei toliꞌaasie ike uri malaahongalamu ke lae liue nga taa o sai uure honosie. Aena urine, maholo malaahongalamu ko lae, nge a God kei haataꞌinie tala huniꞌo mwaanie takalonga ngeena, na kei peꞌiꞌo taane hunie o ke uure aꞌailaꞌa honosie oorahaꞌaa.

1 Korinit 14:16

?Oto maholo omu ko unue paalahenga hunie a God mola aana erenga ni Liꞌoa, kei uri taa hunie mo iini nge kire kaꞌa rongo saie nga taa omu ko unue ngeena? ?Uri kire sai paalahea God peꞌiꞌomu, na kire kaꞌa saie nga taa omu ko paalahea God haahie?

2 Korinit 1:20

aana a Jisas oto ko haꞌa-oaie ahutana mo heiholotaꞌinge a God hunikie mo iinoni. Oto loꞌu mola i tehulaꞌana a Kraes, ikie noꞌone kie sai haꞌamanikuluꞌaa God uuri, “Iau, ke urine oto mala o ko unuena.”

Kalesia 1:4

Mala a God Aamaka e saetoꞌo aana, a Kraes e toliꞌaasie maraana uri hunie ke mae huni taꞌaasie mo oorahaꞌaa ikie, na hunie ke haꞌa-uurikie hunie kie ke iiꞌo luhetaꞌi mwaanie tolaha tataꞌala ni welumalau.

1 Tesalonaeka 1:10

Na kire ko laladoa noꞌone uri omu ko maaꞌoohie oto a Kalena kei lae mai uure taꞌau i Lengi. Ingeie oto a Jisas nge e taꞌelaꞌi mwaanie maenga, na ko haꞌa-uurikie mwaanie saewasunge a God nge ko lae mai aana dinge ni leinge.

2 Tesalonaeka 3:3

Taꞌe a Aalaha mone kei deu i sulie walana, na ingeie kei haꞌa-aꞌailaꞌaꞌomu na kei lio i suli diana aamiu mwaanie uri nanamanga a Satan e waeliꞌomu.

1 Timoti 1:17

Oto kie ko tohungei paalahea Inemauri nge e iiꞌo huu, e saꞌa roroꞌa mae ike loꞌu, kie kaꞌa sai leesie ike aani maa. Taꞌe ingeie mola e neꞌi tohungei God, ahutaka mo iinoni kie ke haꞌamaꞌu aana kie ke soi haꞌamanikuluꞌaa oto di, oto di. !Iau, ke urine oto!

Hibru 11:36

Ngaeta mo iini aada, mo maelonga ikire ko lae peꞌi haꞌamwasi mola aada na peꞌi repusilada. Na ngaeta mo iini aada, mo maelonga ikire kire pwasure aani iieliheu na kire aasire i laona mo nume ni hoꞌo.

1 Pita 5:8

Taꞌe maelonga paine iꞌomu ngeena, a Pwelu Eero-eero, ko talei lae kali-keliꞌomu oto mola tarau huni waeliꞌomu. Ingeie ngeena domana oto nga laeon ko lae peꞌi tea paine aana ko lio hunie nga iini huni oonomie. Oto omu ke lio-lio diana talamiu, na omu ke kinetaꞌinie tolahamiu mwaanie aaelanga.

2 Pita 2:9

Oto urine kie sai leesie uri mo iini kire ko esu nana a God maꞌalana ko aasa uri taa, taꞌe a God e sai haꞌa-uurire mola mwaanie mo siꞌohaꞌanga ikire. Na a God e sai hele aakau aana haꞌaloinge hunie mo iini tataꞌala loosie Dinge Ni Leinge.

1 Jon 3:8

Taꞌe iini nge ko oora-oorahaꞌaa oto mola, iini a Pwelu Eero-eero eena, aena aana a Pwelu Eero-eero ingeie e uure ni oorahaꞌaala oto mai aehotalana. Na Kalena God e lae oto mai huni oho aasie mola mo esunge a Pwelu Eero-eero ngeena.

Haataꞌinge 1:18

Ineu oto iini meu-meuriꞌe. Nou mae kaꞌu, taꞌe ie nou meuri oto hunie iiꞌonga huu. Iau, na ineu oto nou saka liutaa aana maenga, na nou toꞌo aana kii aana mo kilipweꞌu.

Haataꞌinge 19:1

Oto i purine walu ola ngeena, nou rongoa aawa-aawatai ola mala walana mwala hunge taꞌau i Lengi ko unue uuri, “!Lahea God ikie! Taꞌe ingeie mola e manikuluꞌe na e nanama. Taꞌe ingeie mola ni e sai haꞌa-uuri.

Haataꞌinge 19:4

Oto e ro aawalai rato ni mwane mwana hai, na e hai ola mauri ngeena kire si lai pouruuru hai aano, na kire ko lahea God, iini e iiꞌo i lengine naunekume ni aalaha, na kire ko teꞌuri, “!Lahea God ikie! Ke urine oto.”

Haataꞌinge 2:10

Mwaanie omu meꞌu-meꞌuteꞌinie nga mei ola aana walu ola nge karaꞌinie oto kire kei reu eemiu ngeena. !Omu ke rongo kaꞌu! A Pwelu Eero-eero kei malaahongamiu na kei aasie ngaeta mo iini eemiu i laona nume ni hoꞌo, na taungeꞌinilemiu kei lae mola i sulie aawalai hei dinge haahuu. Omu ke hele susuleꞌi mola aaku lai hule aana maenga, oto ne kei niie huniꞌomu rorodara ni meurihe.

Haataꞌinge 21:4

Ingeie oto kei usuri aasie mo wei ni aakalo mwaanie maada. I leune nge maenga, na saehuunge, na ngaranga, na sapesalunge haꞌike loꞌu. Aana ahutana mo ola lalahuꞌe urine kire mango oto.”

Haataꞌinge 3:10

Oto aena aana omu hele susuleꞌi i sulie haꞌatolanga ineu, nge ineu noꞌone ne kei kinetaꞌiniꞌomu mwaanie maholo ni siꞌohaꞌanga nge ko lae mai huni oohongie ahutana mwala i laona walumalau.

Haataꞌinge 3:14

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wai Leodisia uuri. “Ineu oto iini nge no ko haataꞌinie uri ahutana mo heiholotaꞌinge a God kire toꞌohuu. Na ineu oto iini nge no ko unu tahangaꞌinie toꞌohuu mo ola e uure aana God suli maholo. Na ahutana mo ola aana haꞌaholanga a God e uure mola mai eeku. Ineu oto ie, no ko unue huniꞌomu.

Haataꞌinge 5:13

Na nou rongoa ahutana mo iini taꞌau i Lengi, na mo iini mei aano i welumalau, na aana leu mo iini e mae, kire ko meni kana uuri, “Ahutana paalahenga, na haꞌamaꞌunge, na manikuluꞌanga, na aꞌailaꞌanga, ke iiꞌo oto huu nana iini nge e iiꞌo i lengine naunekume na noꞌone nana a Kalei Sipu.”