Matiu 5:25 - Tataroha Diana

²⁵ “Na mala uri nga maelonga iꞌoe ko sare tooleꞌo i laona leinge, o ke uure ruru oto lau-leu peꞌie maholo iꞌomoreꞌi ue i sulie tala takoie nume ni lei-lei. Mala o kaꞌa teꞌurine, nge maelonga iꞌoe kei toliꞌaasiꞌo hunie mwane lei-lei na a lei-lei kei toliꞌaasiꞌo i nimana mo ramo, oto kire kei aasiꞌo i laona nume ni hoꞌo.

Matiu 5:25 ပူးပေါင်းရင်းမြစ်များ

Matiu 26:58

A Pita e holo maholoi tala taane mola i sulire. E lae mola wai hule aana lolata aana nume a Naꞌohana Mo Naꞌohai Pris. Oto e iiꞌo i aano peꞌie mwala kakakali i leune huni leesie nga taa kei reu aana a Jisas.

Tataroha Diana I Sulie A Jisas Kraes Nge A Luk E Uusue 18:3

Ngaeta mei nao keni e oꞌoꞌo noꞌone aana huilume ngeena, na ko lae mola mai taraureꞌi i saana mwane lei-lei ngeena, na ko unu-unue uuri, ‘O ke haꞌa-oodohie kaꞌu hunieu mei roroꞌanga i matolamereꞌi maelonga ineu.’

2 Korinit 6:2

Omu ke rongoa kaꞌu nga taa a God e unue aana e teꞌuri, Aana tohungana maholo huni haataꞌinie manata-diananga ineu eemiu, nou rongo i sulie aarengaꞌinge iꞌomu, na maholo omu saetoꞌo aana nga iini ke peꞌiꞌomu, nge nou haꞌa-uuriꞌomu oto. Aesaea 49:8 !Oto omu ke rongo kaꞌu! Maholo huni hele aana manata-diananga a God ni oto ienini. !Siꞌiri oto dinge ni haꞌa-uuringe!

Hibru 12:17

Oto omu saie loꞌu mei puri, a Iso ko si saetoꞌo aana uri aamana ke aiꞌeitanaie a God talana hunie ke haꞌadianaꞌaa, taꞌe e aasa oto. Na a Iso e kaꞌa toꞌo aana ike loꞌu nga tala huni oolisie mei takalonga nge e asuie ngeena, maꞌalana uri e ngara-ngarasie loꞌu aamana hunie ke haꞌadianaꞌaa.

Hibru 3:13

Taꞌe siꞌiri, maholo omu toꞌo aana ue nga dinge huni peꞌiꞌomu heiliu, nge omu ke haꞌa-aꞌailaꞌaa hiiwalaimolinge iꞌomu heiliu. Omu ke asu ooni-ooni urine suli dinge mwaanie oorahaꞌaa e eeroꞌomu na e haꞌamaꞌutaꞌaa saemiu honosie a God.

Hibru 3:7

Aena urine kaꞌu nge a Liꞌoa Maaꞌi e teꞌuri, Omu ke rongoa oto walaku siꞌiri,