Matiu 5:22 - Tataroha Diana

²² Taꞌe ineu, no ko unue huniꞌomu uri mala nga iini ko saewasulie aasine, e malisine uri ke lae noꞌone mola i laona leinge. Na nga iini ko ere aaelasie aasine, nge e adona tolalana i naꞌona pulitaa ni naꞌohai pris hunie leilana. Na nga iini ko haaraꞌi ‘Pweu’ aana aasine, nge kei lae i laona dunge ni haꞌamotaahinge.

Matiu 5:22 ပူးပေါင်းရင်းမြစ်များ

Matiu 10:17

Na loꞌu, omu ke lio talamiu aana mo iinoni, aena aana kire kei tooleꞌomu i laona leinge, na kire kei repusiꞌomu i laona mo nume ni palo-palo.

Matiu 10:28

Mwaanie omu meꞌu-meꞌuteꞌinie mo iini ko sare horoꞌiꞌomu, aana kire sai horoꞌie mola sapemiu, taꞌe e aasa hunie kire ke horoꞌie maurihaꞌamiu. Taꞌe omu ke maꞌuteꞌinie mola a God aana taꞌe ingeie haliꞌite nge e toꞌo aana nanamanga huni deu tekelaꞌinie sape na maurihaꞌai i laona dunge ni haꞌamotaahinge.

Matiu 12:24

Maholo mo Parise kire rongo urine, oto kire ko unue uuri, “!Haꞌike eena! A Bielsebul, naꞌohana mo liꞌoa aaela nge e niie nanamanga ngeena hunie huni oohe aasie mo liꞌoa aaela urine.”

Matiu 17:5

Maholo a Pita ko ere-ere ue urine, na mei uuru rereꞌa ko lae oto mai haahire, na mei wala e uure mwaanie mei uuru ngeena ko unue oto uuri, “Tohungei kaleku oto ienini, iini nou tohungei ilenimwaꞌe haahie. Omu ke rongo hunie.”

Matiu 18:21

Oto a Pita e lae mai saana a Jisas ko si dolosi aana uuri, “?Aalaha ineu, mala uri aasiku kei lae mola peꞌi deu huꞌisieu tarau, ne kei saeꞌaasi hunie haꞌanite? ?Uri ne kei saeꞌaasi hunie e hiu maholo, na e kohi oto?”

Matiu 18:35

Oto a Jisas ko si haꞌamangoa ere-erenga ingeie na ko unue uuri, “Aitana nga taa nge Aamaku i Lengi kei da huniꞌomu eena, aana uri omu kaꞌa saeꞌaasi toꞌohuu hunie mo eesimiu.”

Matiu 23:15

“Aama-aamasilemiu mo Parise na mo haꞌa-uusuli aana mo Haꞌatolanga. !Iꞌomu oto mwala eero-eero! Omu ko haꞌaweoꞌomu maraamiu aani loꞌohinge i sulie mo mala-malau hunie nga mo iini ke lae i suliꞌomu. Oto maholo omu ko lio oodoie nga mo iini, omu ko si da oto kire ke aaela oto hiitoꞌo loꞌu liutaa aamiu hunie ikire noꞌone kire ke adona laenga i laona dunge ni haꞌamotaahinge mala iꞌomu.

Matiu 23:33

!Iꞌomu oto mo mwaa toꞌohuu! !Komu ni mwaa ala-ala! ?Uri omu kei tehisie haꞌaletehinge a God uri taa eena? Leilemiu kei lae, na uusungeꞌinilemiu kei lae mola hunie leu ni haꞌamotaahinge.

Matiu 25:41

“Oto ne ke si unue loꞌu hunie mo iini i meu-meuliku uuri, ‘Omu ke tahi mwaanieu, mo iini nge omu iiꞌo oto loosie haꞌamotaahinge a God. Omu ke tahi i laona dunge nge ko weru tarau mola, na e saꞌa mwaꞌa loꞌu. Dunge ngeena dau aakaulana e lae oto hunie a Satan na mo liꞌoa aaela ingeie.

Matiu 26:59

Oto mo naꞌohai pris na ahutana oto pulitaa ni lei-lei kire ko meni heitalengaꞌinie nga mo ola huni eerotaꞌinie a Jisas huni horo maesie haahie.

Matiu 3:17

Na aana maholona noꞌone mei wala e uure mai taꞌau i Lengi ko teꞌuri, “Hahuꞌana kaleku ni ienini, na nou tohungei manata diana hunie, na no ko ilenimwaꞌe oto liutaa haahie.”

Matiu 5:34

Taꞌe ineu, no ko unue huniꞌomu uri suꞌuri tohe takoie nga mei ola aana omu ko heiholotaꞌi. Suꞌuri tohe loꞌu takoie i Lengi, aana naunekume a God ni otona.

Matiu 5:44

Taꞌe ineu no ko unue huniꞌomu uri omu ke manata diana noꞌone hunie mo maelonga iꞌomu, na omu ke aarea God talana mo iini ko taungeꞌiniꞌomu.

Tataroha Diana I Sulie A Jisas Kraes Nge A Mak E Uusue 14:55

Oto mo naꞌohai pris na ahutana oto pulitaa ni lei-lei kire ko meni heitalengaꞌinie nga mo ola huni eerotaꞌinie a Jisas huni horo maesie haahie. Taꞌe kire kaꞌa dau oodoie ike nga mei ola.

Tataroha Diana I Sulie A Jisas Kraes Nge A Mak E Uusue 15:1

Oto i maahuꞌo-huꞌo na e kaꞌa dangi kohi ue, mo naꞌohai pris peꞌie mo rato ni mwane na mo haꞌa-uusuli aana haꞌatolanga na ahutana pulitaa ni lei-lei, kire oalaꞌinie oto nga taa kire kei esuie aana a Jisas. Oto kire pwasue a Jisas, kire si toolea, na kire ko lai toliꞌaasie oto i nimana a Paelat.

Tataroha Diana I Sulie A Jisas Kraes Nge A Luk E Uusue 12:5

Taꞌe ne ke haataꞌinie aamiu iini hunie omu kei meꞌuteꞌinie. Omu ke maꞌuteꞌinie mola a God, iini nge e sai horo maesiꞌomu, na e toꞌo aana noꞌone nanamanga huni aasiꞌomu i laona dunge ni haꞌamotaahinge loꞌu mei puri. Iau, no ko unue loꞌu huniꞌomu, ingeie ni oto iini omu ke maꞌuteꞌinie.

Tataroha Diana I Sulie A Jisas Kraes Nge A Luk E Uusue 22:66

Oto maholo na ko aehota dangi oto, mo rato ni mwane na mo naꞌohai pris oto peꞌie mo haꞌa-uusuli aana mo Haꞌatolanga a Mosis, kire meni loko oto. Na i leune kire ko si toolea mai a Jisas i naꞌoda.

Tataroha Diana I Sulie A Jisas Kraes Nge A Jon E Uusue 11:47

Oto mo naꞌohai pris peꞌie mo Parise kire lokoa mwala lei-lei, kire ko si dodolosi uuri, “?Kolu kei ue eena? A mwane ie ko haataꞌinie mo tolimaa nanama aana ko esuie mo huꞌi-huꞌite hunge oto mala iini ie.

Tataroha Diana I Sulie A Jisas Kraes Nge A Jon E Uusue 15:25

Taꞌe walu ola ienini ko reu oto urine, huni haꞌa-oaie nga taa uusulana e lae i laona mo Uusu-uusu Maaꞌi uuri, Kire talei ngiduupu hunieu mola mwaakule. Sam 35:19

Tataroha Diana I Sulie A Jisas Kraes Nge A Jon E Uusue 7:20

Oto mwala e loko ngeena kire ko aalamie a Jisas uuri, “!Mwae! !O ko tohungei pweu! ?Kira tei ni ko sare horoꞌiꞌo? !Saꞌa mola, liꞌoa aaela oto aamu!”

Tataroha Diana I Sulie A Jisas Kraes Nge A Jon E Uusue 8:48

Oto mo naꞌohai mwane mo Jiu ngeena, kire ko unue hunie a Jisas uuri, “!Aaii! Siꞌue, melu ere toꞌohuu oto, aana melu unue uri iꞌoe mwane aaela ni Samaria, na uri liꞌoa aaela nge aamu.”

Palonga 17:18

I Atens mo pulitaa oto hunge mala mo Epikiurian na mo Stoek kire ko ere-ere oto hiitoꞌo i sulie nga taa e tohungei roroꞌa hunie maurihaꞌana iinoni. Oto ngaeta mo haꞌa-uusuli aana e ro pulitaa ngeena kire rongoa ere-erenga a Pol, oto kire ko teꞌuri, “?Nga taa ni e rongo mala wisi ko nore-nore ngeena? ?Nga taa ni a mwaena ko sare unuena?” Na ngaeta mo iini ko teꞌuri, “Ohe ko ere i sulie ngaeta god aana mo poꞌo ni henue hai aaopaꞌi ni ngeena.” Kire ko ere urine aena aana a Pol ko tarohaꞌinie Tataroha Diana i sulie a Jisas na taꞌelaꞌinge ingeie mwaanie maenga.

Palonga 22:30

Poro paine haahie mae ngeena ko sare saie nga taa nge mo Jiu kire ko heliwala aana a Pol haahie. Oto e dangi hoꞌowa, e lokoa mo naꞌohai pris na pulitaa ni lei-lei, ko si luhesie a Pol mwaanie nume maꞌutaꞌa, na e toolea, ko lai haꞌa-uuresie i naꞌona pulitaa ni lei-lei.

Palonga 23:1

A Pol e toꞌomaaie pulitaa ni lei-lei oto ko teꞌuri, “Maeni eesiku ni Israel, manataku e tahanie taane mola iiꞌonga ineu i naꞌona God lae mai hule siꞌiri.”

Palonga 24:20

Mala uri ko haꞌike, nge o ke dolosi aana mo mwane ienini nga mo ola uri taa nge mo rato ni mwane aana pulitaa ni lei-lei i Jerusalem kire unue uri nou deu huꞌisiꞌi,

Palonga 4:15

Oto kire si unue e oolu mwaena kire ke iisitaa i sinaha mwaanire hunie kire ke ere-ere loꞌu maraada i sulie leune.

Palonga 5:21

Kire tola i sulie nga taa ensel e unue, oto e dangi hoꞌowa kire lae taꞌau i Nume Maaꞌi Peine na kire ko aehota huni haꞌa-uusulie oto mwala. Oto Naꞌohana Mo Naꞌohai Pris na mo mwane ko esu peꞌie, kire lokoa mo rato ni mwane aana pulitaa lei-lei huni loko. Oto maholo ahutada kire mani hule, kire si uusungeꞌinie ngaeta mo mwane wau i nume ni hoꞌo huni toolea mai mo hurulaꞌaa i saana pulitaa lei-lei.

Palonga 5:27

Mo mwane kakakali kire toolea mai mo hurulaꞌaa, kire si haꞌa-uuresire i naꞌona pulitaa ni lei-lei. Oto Naꞌohana Mo Naꞌohai Pris e si ere aada uuri,

Palonga 6:12

Oto aana kire ko ere urine, kire ko da ahutana mwala, na mo rato ni mwane aana mo Jiu, na mo haꞌa-uusuli aana mo Haꞌatolanga a Mosis, kire ko meni tohungei saewasulie a Stivin. Oto kire tapolie na kire ookea wau oto i naꞌona pulitaa ni lei-lei.

Palonga 6:15

Oto aana maholona ahutana mwala nge kire loko ngeena, kire ko si lio hahuroto oto aana a Stivin aana kire ko si leesie maana e lio oto mala ensel.

Palonga 7:37

Na a Mosis maraana nge e teꞌuri hunie mwala ni Israel, A God kei lio hilisie nga iini eemiu hunie kei neꞌi propet mala ineu. Diutronomi 18:15

Uusu-uusu A Pol Hurula'aa Hunie Mo Rom 12:10

Omu ke manata diana huniꞌomu heiliu oto mala mo mwaasine, na omu ke haꞌamaꞌu eemiu heiliu liutaa aana o haꞌamaꞌu eemu maraamu.

1 Korinit 6:10

wa kire ko peli-peli, wa kire ko sae-saehanali, wa kire ko inu-inu wei ni pweunge, wa kire ko talei ere-ere aaelasie ngaeta mwala, wa kire ko eero-eeroa mola mwala hunie kire ke nii ola nada, nga iini aana mo iini urine saꞌa roroꞌa ni hele aana ike Aalahanga a God.

1 Korinit 6:6

!E lio oto urine mwae! Na aena urine kaꞌu omu ko toolea mo eesimiu i lalo aana a Kraes hunie mo puꞌo ke haꞌa-oodohie mo ola huniꞌomu.

1 Tesalonaeka 4:6

Na mwaanie nga iini eemiu e wae-waelie auhenue ingeie aani aeni-olanga peꞌie keni ingeie. Melu haꞌapasuliꞌomu keꞌu oto aana mei ola ienini, aana a Aalaha kei haꞌaloie mo iini ko deu urine.

Taetas 3:2

Mwaanie kire ere aaelasie nga iini wa kire ke haꞌa-erea nga iini, taꞌe kire ke iiꞌo maneko na kire ke manata diana mola hunire hailiu.

Hibru 12:25

Oto omu ke lio talamiu, mwaanie omu sereꞌi rongo hunie a God ko ere-ere mai huniꞌomu ngeena. Mwala holaꞌinaꞌo nge kire kaꞌa sare rongo ike hunie a Mosis aana maholo e haꞌapasulire mai aana walumalau ie, kire kaꞌa sai tehisie ike loꞌu mo haꞌamotaahinge. Taꞌe ie a God e ere mai uure taꞌau i Lengi huni haꞌapasulikie. ?Oto kie ke si tehisie kaꞌu mo haꞌamotaahinge uri taa, mala uri kie ko tolipuri aana walana? !Kei aasa mwae!

Hibru 5:9

Oto urine a God e haataꞌinie uri nga mei ola e kaꞌa aaela ike aana a Jisas, na a Jisas e si neꞌie tala hunie maurihe aana mwala ko tola i sulie.

Jemes 2:20

!Iꞌoe, o tohungei pweu! O ke rongo kaꞌu. Ne kei haataꞌinie aamu uri hiiwalaimolinge mwaakule e kaꞌa nanama ike.

Jemes 3:6

Na mea e urihana dunge, aana erenga iꞌoe e sai eerehaꞌinie dunge oto paine. Mea e honu aana taꞌena nga ola aaela, na e toolea dunge uure mwaanie dunge ni haꞌamotaahinge. Oto o ke kinetaꞌinie meamu, aana nga taa o ko unue aana meamu e sai uunue maurihaꞌamu aana dunge ni haꞌamotaahinge.

1 Pita 2:23

Na maholo mwala kire ere aaelasie, e kaꞌa ere aaela ike oolisire. Maholo kire tohungei haꞌasapesaluꞌaa e kaꞌa haꞌamaꞌusire ike, taꞌe e norutoꞌo mola aana God, iini e sai leie mo iinoni aana tala e oodo.

1 Pita 3:9

Maholo nga iini ko deu huꞌisiꞌomu aana nga mei ola aaela, omu ke suꞌuri oolisie loꞌu hunie. Na maholo nga iini ko ere aaelasiꞌomu, omu ke suꞌuri heꞌi ere aaelasie loꞌu. !Haꞌike! Taꞌe omu ke haꞌadianaꞌara mola, aana a God e soiꞌomu mei i saana hunie omu ke dau urine, na hunie omu ke helesie haꞌadianaꞌanga ingeie haahie.

1 Jon 2:9

Taꞌena nga iini ko unue uri ingeie i laona raa-raa, taꞌe ko ngiduupu mola hunie aasine aana hiiwalaimolinge, nge ingeie mola ue i laona rodohono hule oto molana.

1 Jon 3:10

Oto i leune kie sai lio saie uri a tei nge e neꞌi kalena God, na a tei e neꞌi kalena a Pwelu Eero-eero. Aana taꞌena nga iini nge helelana e kaꞌa oodotaꞌi, wa ke manata diana hunie aasine, ingeie nga kalena God haꞌike.

1 Jon 5:16

Oto maholo kie ko leesie ngaeta aasike aani hiiwalaimolinge ko esuie nga mei oorahaꞌaa, e malisine kie ke aarengaꞌi talana. Oto a God ke si hoda rereꞌa aana saena hunie ke mauri. Taꞌe nou kaꞌa ere ike i sulie mo iini kire ko aatopuri aana God na ko iiꞌo mola hunie aaelanga. Oorahaꞌaa urine e adona maenga huu taane, na nou kaꞌa unue ike uri kie ke aarengaꞌi talana mo iini kire ko oorahaꞌaa urine.

Jiud 1:9

Taꞌe hule aana a Maekol naꞌohai ensel, maholo e haꞌa-ere peꞌie a Pwelu Eero-eero haahie rae aana a Mosis, e kaꞌa ere aaelasie ike, taꞌe e unue mola uuri, “A Aalaha ke si ere aamu.”

Haataꞌinge 20:14

Na mala uri nga iini uusulana satana e kaꞌa lae oto i lalona uusu-uusu ni meurihe ngeena, nge iini urine aasilana kei lae oto i laona dunge ni haꞌamotaahinge. Na ruana nga maenga oto ngeena. Na kire aasie loꞌu maenga na leu ni maenga i laona dunge ngeena, aana a God e haꞌamangoa oto maenga mwaanie nga iini e heꞌi mae loꞌu.