Matiu 5:15 - Tataroha Diana

¹⁵ Na maholo nga iini ko haꞌakaunie nga laite, e saꞌa pwaohaꞌinie ike nga nime haahie, taꞌe kei neꞌi haadaꞌi aana hunie ke raangie ahutana mwala i laona nume.

Matiu 5:15 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 4:21

Oto a Jisas ko heꞌi teꞌuri loꞌu hunire, “?Uri nga iini kei toolea mai laite oto ko mumunie mola i hahana hulite wa ke pwaohaꞌinie nga nime haahie? !Haꞌike! Taꞌe kei neꞌi haadaꞌi mola aana taꞌau i lengi.

Tataroha Diana I Sulie A Jisas Kraes Nge A Luk E Uusue 11:33

Oto a Jisas ko heꞌi teꞌuri loꞌu, “Maholo nga iini ko haꞌakaunie nga laite, e saꞌa neꞌi mumuni ike aana wa ke pwaohaꞌinie luluꞌe haahie. !Haꞌike! Taꞌe kei neꞌi haadaꞌi aana oto taꞌau i lengi, hunie mwala ko sili mei nume na kire ke leesie oto rarangana laite ngeena.

Tataroha Diana I Sulie A Jisas Kraes Nge A Luk E Uusue 11:36

Aana ahutana sapemu kei honu aana raa-raa na nga leu aana kaꞌa rodohono loꞌu, nge e urihana maholo laite e raangiꞌo na ahutana sapemu e matapwa mango.”

Tataroha Diana I Sulie A Jisas Kraes Nge A Luk E Uusue 8:16

Oto a Jisas ko heꞌi unue loꞌu uuri, “Na nga taꞌa-taꞌa iini e saꞌa haꞌakaunie ike mola nga laite na ke pwaohaꞌinie nga nime haahie, wa ke mumunie mola i hahana nga tahe. Taꞌe kei aaroroa oto i lengi hunie ke matapwa i laona numena, na hunie ahutana mwala nge ko sili mei nume kire sai lio diana.

Pilipae 2:15

Na hunie omu ke iiꞌo oodotaꞌi, na tolahamiu ke diana aana omu neꞌi mwela maaꞌi a God oto, maꞌalana omu ko oꞌoꞌo ue i matolana mo iinoni ni oorahaꞌaa na tolahada e popoliꞌiliꞌi. Ikire, kire iiꞌo i laona rodohono, na iꞌomu oto raa-raa hunire,

Hibru 9:2

Oto kire asuie nume maaꞌi susulu ngeena, na eetana nga duru aana kire haaraꞌinie aana “Duru Maaꞌi.” Na i laona duru maaꞌi ngeena kire neꞌie nga laite i leune i lengine nga ola talana, na hoorana laite ngeena kire neꞌie nga taetahe, na kire sai neꞌie mo ngeulaa maaꞌi i lengine taetahe ngeena.

Haataꞌinge 2:5

Omu ke loꞌongaꞌi eelihoꞌi loꞌu aana tolahai iinoni diana iꞌomu holaꞌinaꞌo, hunie omu ke aaliꞌu mwaanie mo oorahaꞌaa iꞌomu, na hunie omu ke asu peꞌie manata-diananga hunieu loꞌu mala omu euꞌesuie kaꞌu holaꞌinaꞌo. Mala uri omu kaꞌa aaliꞌu oto mwaanie mo oorahaꞌaa iꞌomu, nge ne kei lae mai seemiu na ne kei taꞌaasie oto ola talai laite iꞌomu ngeena mwaanie leu nge e iiꞌo aana.