Matiu 5:11 - Tataroha Diana

¹¹ “Oto iꞌomu na mwala kei teungeꞌiniꞌomu noꞌone urine, na kire kei ere aaelasiꞌomu, na kire kei pwelu wala eero-eero noꞌone i lengimiu urine, aena aana omu ko lulu i sulieu, taꞌe maꞌalana e urine omu ke ile-ilenimwaꞌe mola.

Matiu 5:11 ပူးပေါင်းရင်းမြစ်များ

Matiu 10:18

Na tolalamiu kei lae-lae i naꞌona mo mwane paine aana mo aalahanga ni welumalau na i naꞌona mo inemauri hunie leilemiu i tehulaꞌaku. Aana maholo walu olana kei reu uurini, maholo iꞌomu otona huni unu diana aana Tataroha Diana hunire, na loꞌu hunie ahutana mo iinoni ni welumalau.

Matiu 10:22

Na ahutana mwala kei teungeꞌiniꞌomu aena aana omu ko lulu i sulieu. Taꞌe iini nge kei uure aꞌailaꞌa taraꞌasi aani hiiwalaimolinge lai hule aana haꞌamangolana, nge a God ke si haꞌa-uurie.

Matiu 10:25

E malisine uri tolahana pwaarongoisuli ke urihana oto haꞌa-uusuli ingeie, na koni-konihe ke urihana oto aalaha ingeie. Ineu oto pwaune nume ikolu, na oto mala mwala ko haaraꞌinieu aana naꞌohana mo liꞌoa aaela, iꞌomu, mwala aana nume kire ke si haaraꞌi aaelasiꞌomu loꞌu liutaa.

Matiu 10:39

Na nga iini nge ko kinetaꞌinie maurihaꞌana kei lio oodoie maenga huu. Na taꞌena nga iini nge ko deu tekelaꞌinie maurihaꞌana i tehulaꞌaku, kei lio oodoie maurihe huu.”

Matiu 19:29

Na kaꞌa taꞌe ike mola iꞌomu, taꞌe taꞌena nga iini ko toli puri aana nume ingeie, wa aasine mwane, wa aasine keni, wa aamana, wa nikana, wa huꞌe ingeie, wa mo kalena, wa mei aano ingeie i tehulaꞌana sataku, nge kei hele haꞌatangalau loꞌu liutaa aana nga taa e toli puri keꞌu aana, na kei hele aana oto tohungei waaite aana maurihe huu.

Matiu 24:9

“Aana maholona mo maelonga iꞌomu kire kei tapoliꞌomu, na kire kei haꞌaloiꞌomu, na kire kei horo maesiꞌomu. Ahutana mo iinoni kei maalelediꞌomu aena aana omu ko lulu i sulieu.

Matiu 27:39

Oto mwala ko liu i leune, kire ko ere maaleledie, na kire ko teileꞌinie pwaude,

Tataroha Diana I Sulie A Jisas Kraes Nge A Mak E Uusue 13:13

Na ahutana mwala kei teungeꞌiniꞌomu aena aana omu ko lulu i sulieu. Taꞌe iini nge kei uure aꞌailaꞌa taraꞌasi aani hiiwalaimolinge lai hule aana haꞌamangolana, nge a God ke si haꞌa-uurie.”

Tataroha Diana I Sulie A Jisas Kraes Nge A Mak E Uusue 13:9

“Oto omu ke lio talamiu aena aana mwala kei tooleꞌomu i laona leinge, na kire kei repusiꞌomu noꞌone i laona mo nume ni palo-palo, aena aana omu ko lulu i sulieu. Na kire kei tooleꞌomu i naꞌona mwala paine na mo inemauri haahie asunge ineu, hunie kire kei leiꞌomu. Aana maholo walu olana kei reu uurini, maholo iꞌomu otona huni unu diana aana Tataroha Diana hunire.

Tataroha Diana I Sulie A Jisas Kraes Nge A Mak E Uusue 4:17

Taꞌe e kaꞌa susuꞌimi diana ike mone i manatada, oto e saꞌa iiꞌo tewa ike. Maholo siꞌohaꞌanga kei toolera wa taungeꞌinilada kei lae i tehulaꞌana mei wala ngeena, oto kire ko tolana mamalo oto mwaanie.

Tataroha Diana I Sulie A Jisas Kraes Nge A Mak E Uusue 8:35

Aana taꞌena nga iini nge ko sare kinetaꞌinie mola maurihaꞌana, nge kei deu tekelaꞌinie oto. Taꞌe iini nge ko deu tekelaꞌinie maurihaꞌana i tehulaꞌaku na haahie Tataroha Diana ineu, nge kei haꞌa-uurie.

Tataroha Diana I Sulie A Jisas Kraes Nge A Luk E Uusue 21:12

“Taꞌe i naꞌona walu ola ienini ke si reu, mwala kei tapoliꞌomu na kire kei teungeꞌiniꞌomu. Kire kei tooleꞌomu i laona mo nume ni palo-palo hunie mo mwane paine kei leiꞌomu. Na kire kei tooleꞌomu loꞌu i naꞌona mo aalaha na mo inemauri hunie kire kei leiꞌomu noꞌone. Na kire kei meni aasiꞌomu i laona mo nume ni hoꞌo aena aana omu ko lulu i sulieu.

Tataroha Diana I Sulie A Jisas Kraes Nge A Luk E Uusue 21:17

Ahutana mwala kei teungeꞌiniꞌomu aena aana omu ko lulu i sulieu.

Tataroha Diana I Sulie A Jisas Kraes Nge A Luk E Uusue 6:22

Deidehiꞌomu mo iini nge mwala ko maalelediꞌomu, na kire ko teungeꞌiniꞌomu, na kire ko ere aaelasiꞌomu uri iꞌomu mo iinoni aaela aana omu ko lulu i sulieu a Kale Ni Iinoni.

Tataroha Diana I Sulie A Jisas Kraes Nge A Luk E Uusue 9:24

Aana taꞌena nga iini ko sare kinetaꞌinie mola maurihaꞌana, nge kei deu tekelaꞌinie oto. Taꞌe nga iini nge ko deu tekelaꞌinie maurihaꞌana i tehulaꞌaku, nge kei haꞌa-uurie tohungana maurihaꞌana eena.

Tataroha Diana I Sulie A Jisas Kraes Nge A Jon E Uusue 15:21

Taꞌe kire kei teungeꞌiniꞌomu mola aena aana omu ko norutoꞌo aaku, na aana kire kaꞌa saie ike iini e uusungeꞌinieu mei.

Tataroha Diana I Sulie A Jisas Kraes Nge A Jon E Uusue 9:28

Oto kire ko si tohungei ere aaelasie na kire ko unue loꞌu uuri, “Iꞌoe oto ngaeta pwaarongoisuli a mwane aaela ngeena, taꞌe iꞌemeelu, melu ko lulu i sulie a Mosis, propet paine iꞌemeelu.

Palonga 9:16

Na ineu maraaku, ne kei haataꞌinie hunie uri ke sapesalu oto hiitoꞌo i tehulaꞌaku.”

Uusu-uusu A Pol Hurula'aa Hunie Mo Rom 8:36

Mwala kei waelikie taane urine, aana nga iini e ere takoie a God i laona mo Uusu-uusu Maaꞌi uuri, Mwala ko sare horoꞌiꞌemi mola i suli hei dinge i tehulaꞌamu, na kire ko loꞌo-loꞌongaꞌiniꞌemi mola mala mo sipu huni hunu maesiꞌi. Sam 44:22

1 Korinit 4:10

Oto mwala nge kire leesiꞌemeelu kire ko loꞌongaꞌinie uri melu ko pweu aana melu iiꞌo peꞌie a Kraes. ?Taꞌe e ue aana iꞌomu? ?Uri omu saenanau oto aena aana iꞌomu peꞌie a Kraes? !Neꞌewau oto! Iꞌemeelu, melu tataku mola, taꞌe iꞌomu nge omu aꞌailaꞌa.

2 Korinit 4:11

Iau, mwala ko sare horoꞌiꞌemeelu oto tarau i tehulaꞌana melu ko lulu i sulie a Jisas, taꞌe e diana mola, aena aana mei sape nge kei mae mola ienini ko haataꞌinie oto maurihaꞌana a Jisas.

Pilipae 1:29

Iꞌomu, omu ko ooho oto aana taꞌa-taꞌa taungei oohonga nge omu leesie nou ooho-ooho kaꞌu aana i naꞌo, na omu ko rongoa no ko ooho-ooho ue aana maholo ie. Omu ko ooho urine aana a God e haꞌamaꞌu eemiu, aani lio hilisilemiu huni hiiwalaimoli aana a Kraes, na oto liutaa huni sapesalu i tehulaꞌana.

1 Pita 2:23

Na maholo mwala kire ere aaelasie, e kaꞌa ere aaela ike oolisire. Maholo kire tohungei haꞌasapesaluꞌaa e kaꞌa haꞌamaꞌusire ike, taꞌe e norutoꞌo mola aana God, iini e sai leie mo iinoni aana tala e oodo.

1 Pita 4:14

Oto mala uri mwala ko haꞌasapesaluꞌaꞌomu i tehulaꞌana omu ko lulu i sulie a Kraes, omu ke ile-ilenimwaꞌe mola haahie. Omu ke ilenimwaꞌe mola aena aana mei tolahai sapesalunge i tehulaꞌana a Kraes nge ko haataꞌinie uri Liꞌoa Maaꞌi a God e iiꞌo oto aamiu toꞌohuu na kei haro niie manikuluꞌanga huniꞌomu.

Haataꞌinge 2:3

Nou saie taane uri omu uure maꞌutaꞌa na omu kaꞌa toliꞌaa ike maꞌalana mwala kire taungeꞌiniꞌomu i tehulaꞌaku.