Matiu 4:19 - Tataroha Diana

¹⁹ Oto a Jisas ko teꞌuri hunirerue, “More ke lae mai, na more ke lulu i sulieu hunie ne ke haꞌasaiꞌomoreꞌi aana tolahai weesinganga hunie mo iinoni.”

Matiu 4:19 ပူးပေါင်းရင်းမြစ်များ

Matiu 16:24

Oto a Jisas ko si unue hunie mo pwaarongoisuli ingeie ko teꞌuri, “Mala nga iini ko sare lulu i sulieu nge ke pulongosie maraana, na ke lulu i sulieu maꞌalana ko sapesalu oto hiitoꞌo mala mo iini i lengine mo poꞌu-poꞌu.

Matiu 19:21

A Jisas ko si unue hunie uuri, “Mala uri o ko sare iiꞌo oodotaꞌi oto, o ke lae, na o ke haꞌaholingeꞌinie toꞌo-toꞌolamu. Oto o ko niie mo toꞌoha aani nana mo iinoni meitale, aana ko urine nge o ke si toꞌo-toꞌo loꞌu aana mo ola diana i Lengi. Mango urine, o ke si lae mai lulu i sulieu.”

Matiu 4:18

Maholo a Jisas e lae-lae i reune Aasi I Kalili na ko leesie e ro mwane wee-weesi, kirerue ko weesi aana huꞌo. Ngaeta mwane oto a Saemon nge ruana nga sata ingeie a Pita, na a Andru, aasine.

Matiu 4:20

Oto e ro mwaasine ngeena ko tolana toliꞌaasie oto mo huꞌo ikirerue, na kirerue ko lulu i sulie oto a Jisas.

Matiu 8:22

Oto a Jisas ko teꞌuri hunie, “Haꞌike, taꞌe o ke lulu i sulieu oto molana, na mwaanie o maaꞌoohie mo tolahiꞌanga ni welumalau kei mango nge o ke si lulu i sulieu.”

Matiu 9:9

Maholo a Jisas ko si kele lae mola taꞌau mwaanie leune na ko leesie nga mwane satana a Matiu, e iiꞌo aana leu ingeie huni totola toꞌoha aana takis hunie aalahanga ni Rom. Oto ko teꞌuri hunie a Matiu, “O ke lulu i sulieu.” Oto a Matiu e taꞌelaꞌi ko si lulu i sulie.

Tataroha Diana I Sulie A Jisas Kraes Nge A Mak E Uusue 2:14

Na maholo e lae-lae ue, na ko leesie a Livae, kalena Alpeas, e iiꞌo aana leu ingeie huni susulu toꞌoha aana takis hunie aalahanga ni Rom. Oto a Jisas ko teꞌuri hunie, “O ke lulu i sulieu.” Oto a Livae e taꞌelaꞌi, na ko lulu i sulie oto a Jisas.

Tataroha Diana I Sulie A Jisas Kraes Nge A Luk E Uusue 5:27

Oto i purine, a Jisas e si lae mwaanie huilume na ko leesie nga mwane satana a Livae e iiꞌo aana leu ingeie huni totola toꞌoha aana takis hunie aalahanga ni Rom. Oto a Jisas ko teꞌuri hunie, “O ke lulu i sulieu.”

Tataroha Diana I Sulie A Jisas Kraes Nge A Luk E Uusue 9:59

Oto ko teꞌuri loꞌu hunie ngaeta mwane, “O ke lulu i sulieu.” Taꞌe a mwaena e unue uuri, “Poro paine, o ke holaꞌi toliꞌaasieu keꞌu hunie ne ke lai heitolingeꞌinie aamaku.”

Tataroha Diana I Sulie A Jisas Kraes Nge A Jon E Uusue 1:43

Oto hai dinge loꞌu i sulie, a Jisas e neꞌisae huni lae hao i Kalili. E lio oodoie a Pilip, oto ko teꞌuri hunie, “O ke lae mai lulu i sulieu.”

Tataroha Diana I Sulie A Jisas Kraes Nge A Jon E Uusue 12:26

Taꞌena nga iini ko sare asu nekue, nge ke lulu i sulieu oto, uri hunie iini euꞌesu ineu ke iiꞌo oto peꞌieu aana leu no ko iiꞌo aana. Na nga iini ko esu nekue, nge a Aamaku ke si haꞌapainaꞌaa i maana mwala.

Tataroha Diana I Sulie A Jisas Kraes Nge A Jon E Uusue 21:22

A Jisas e aalamie, oto ko teꞌuri, “?Mala uri no ko saetoꞌo aana uri ke oꞌoꞌo mola hule aana ne kei ooli loꞌu mei, e ue o ko tolahiꞌe aana? Iꞌoe, o ke lulu i sulieu.”

2 Korinit 12:16

Omu saie taane mola uri nou kaꞌa haꞌahiꞌeiꞌomu ike, wa ne ke toolea nga mei ola mwaaniꞌomu. Taꞌe maꞌalana e urine, nga mo iini eemiu ko unue ue uri nou pweloꞌomu mola aani eeronga hunie uri ne ke toolea mo toꞌoha iꞌomu.