Matiu 3:11 - Tataroha Diana

¹¹ “Ineu no ko loto maaꞌi eemiu aani wei huni haataꞌinie uri omu oonisae oto mwaanie mo oorahaꞌaanga iꞌomu. Taꞌe iini nge kei lae mai puriku, ingeie e paine loꞌu liutaa aaku, hule aana ineu na nou kaꞌa diana malisine ne ke asu mala koni-konihe huni luhesie hoꞌohaahiꞌae ingeie. Ingeie ke si loto maaꞌi aana ngaeta mwala aana Liꞌoa Maaꞌi, na ngaeta mwala kei lotohire aana dunge ni haꞌamotaahinge.

Matiu 3:11 ပူးပေါင်းရင်းမြစ်များ

Matiu 3:6

Mwala ngeena kire ko haꞌahoue oto mo oorahaꞌaa ikire, oto a Jon ko si loto maaꞌi aada i laona wai peine i Jodan.

Tataroha Diana I Sulie A Jisas Kraes Nge A Mak E Uusue 1:4

Oto a Jon Loto Maaꞌi e iiꞌo i henuesala, na ko tarohaꞌinie hunie mwala uri kire ke aaliꞌu toꞌohuu mwaanie oorahaꞌaa, nge kire ke si loto maaꞌi hunie a God ke saeꞌaasie mo oorahaꞌaa ikire.

Tataroha Diana I Sulie A Jisas Kraes Nge A Luk E Uusue 1:17

Ingeie maraana kei lae i naꞌona a Aalaha huni deu aakau aana mwala loosie laenga ingeie mai. A Jon kei tohungei aꞌailaꞌa na kei nanama aani Liꞌoa mala a Propet Elaeja. Ingeie kei da hanuelamanga i matolana mo heꞌi aamana, na kei haꞌa-aaliꞌue kira haitohe takoie tala ni loꞌongaꞌinilana oodotaꞌinge.”

Tataroha Diana I Sulie A Jisas Kraes Nge A Luk E Uusue 3:16

Oto a Jon ko si aalamire ko teꞌuri, “Ineu a Kraes haꞌike. Ineu no ko loto maaꞌi eemiu mola aani wei, taꞌe iini nge ko lae mai i puriku, e paine loꞌu liutaa aaku, hule aana ineu na nou kaꞌa diana ike malisine ne ke asu mala koni-konihe huni luhesie hoꞌohaahiꞌae ingeie. Ingeie ke si loto maaꞌi aana ngaeta mwala aana Liꞌoa Maaꞌi, na ngaeta mwala kei lotohire aana dunge ni haꞌamotaahinge.

Tataroha Diana I Sulie A Jisas Kraes Nge A Luk E Uusue 3:3

Oto a Jon ko lae oto i sulie ahutana mo henue kali-kelie wai peine i Jodan na ko tarohaꞌinie hunie mwala uri kire ke aaliꞌu toꞌohuu mwaanie oorahaꞌaa, nge kire ke si loto maaꞌi hunie a God ke saeꞌaasie mo oorahaꞌaa ikire.

Tataroha Diana I Sulie A Jisas Kraes Nge A Jon E Uusue 1:15

A Jon e ere i sulie a mei Wala ngeena, na e soi oto paine uuri, “Iini nge nou ere-ere rarangana kaꞌu ienini, nge nou unue uuri ‘Iini kei lae mai sulieu e paine loꞌu liutaa aaku, aana ingeie e pwani iiꞌo oto na ineu nou kaꞌa hute ue.’ ”

Tataroha Diana I Sulie A Jisas Kraes Nge A Jon E Uusue 1:30

Iini nge nou ere-ere i sulie kaꞌu oto ngeena, aana maholo nou unue uuri, ‘Nga iini kei lae mai sulieu, taꞌe ingeie e paine loꞌu liutaa aaku aana ingeie e pwani iiꞌo oto na ineu nou kaꞌa hute ue.’

Palonga 1:5

A Jon e loto maaꞌi eemiu eeni wei, taꞌe i purine loꞌu nga mo hei dinge, a God kei loto maaꞌi eemiu oto aana Liꞌoa Maaꞌi.”

Palonga 19:4

Oto a Pol ko teꞌuri loꞌu, “A Jon e loto maaꞌi aana mwala nge kire oonisae mwaanie mo oorahaꞌaa ikire. Na e unue hunie mwala uri kire ke hiiwalaimoli aana iini nge kei lae loꞌu mei puri, na ingeie oto a Jisas.”

Palonga 8:36

Kirerue lae-lae i sulie tala ngeena, na kirerue ko lae i hule oto aana wai, oto poro paine ngeena ko teꞌuri, “!Lio kaꞌu! Wai oto ie. ?Nga taa ni e uure honosieu mwaanie nou loto maaꞌi oto molana?”

Palonga 8:38

Oto poro paine ngeena ko unue hunie mwane nge ko toolea taetahe hunie ke mamalo. Oto a Pilip na poro paine ngeena kirerue siho hao i laona wai, na a Pilip ko loto maaꞌi oto aana poro paine ngeena.

1 Korinit 12:13

Maꞌalana uri kie ke neꞌie loꞌu nga mo Jiu wa haꞌike, wa uri kie neꞌi koni-konihe wa haꞌike, taꞌe a Liꞌoa Maaꞌi e toolekie na e loto maaꞌi aaka hunie kie ke mani lado oto peꞌie a Kraes hunie kie ke neꞌie e taꞌa-taꞌa mei sape. Na a God e niie oto taꞌa-taꞌa Liꞌoa ngeena hunie kie ke mani aꞌailaꞌa aana.

Epesas 3:8

Maꞌalana uri nou mwai-mwei loꞌu mwaanie ahutana mwala a God, a God e tohungei diana oto hunieu, hule aana e niie mei esunge ngeena hunieu. E uusungeꞌinieu weu i saana mwala nge ikire nga mo Jiu haꞌike, huni tarohaꞌinie Tataroha Diana i sulie mo tohungei ola diana nge a Kraes e niiꞌi hunikie—mo ola nge kire diana oto liutaa mwaanie taꞌena nga ola kie sai loꞌongaꞌiniꞌi.

Taetas 3:5

aana e haꞌa-uurikie. Na e kaꞌa haꞌa-uurikie ike aena aana helelaka e diana, taꞌe e haꞌa-uurikie mola aena aana e aamasikie. Kie hute haalu aena aana Liꞌoa Maaꞌi e haꞌarereꞌakie hunie kie ke toꞌo aana mei meu-meuringe haalu i lalo aana.

1 Pita 5:5

Oto loꞌu huniꞌomu mo saanau, omu ke totola i sulie mo rato. Na oto ahutemiu, omu ke mani haꞌamwai-mweiꞌaꞌomu na omu ke peꞌi-peꞌiꞌomu heiliu. Aana mo Uusu-uusu Maaꞌi e unue uri, A God e kaꞌa saetoꞌo aana ike iini ko too-toohaꞌinie maraana, taꞌe ko haa-haataꞌinie manata-diananga ingeie hunie mo iini ko haꞌamwai-mweiꞌara. Provebs 3:34