Matiu 28:6 - Tataroha Diana

⁶ Ingeie haꞌike oto i leu. E taꞌelaꞌi eelihoꞌi oto loꞌu mala e unue kaꞌu oto huniꞌomu waite. More ke lae kaꞌu mei leesie leu e eno-eno aana.

Matiu 28:6 ပူးပေါင်းရင်းမြစ်များ

Matiu 12:40

Mala kaꞌu a Jona e iiꞌo i laona ho iiꞌe paine e oolu hei aatowaa na e oolu hei rodo, nge a Kale Ni Iinoni kei iiꞌo noꞌone urine i laona mwakano hunie e oolu hei aatowaa na e oolu hei rodo.

Matiu 16:21

Uure aana maholona nge a Jisas e si talaꞌai unu diana aana hunie mo pwaarongoisuli ingeie uuri, “E malisine uri ne ke tohungei lae oto hunie i Jerusalem. I leune mo rato ni mwane aana mo Jiu na mo naꞌohai pris na mo haꞌa-uusuli aana mo Haꞌatolanga a Mosis, kire kei haꞌasapesaluꞌaau aana mo ola hunge, na kire kei horo maesieu. Taꞌe aana oolune nga hai dinge ne kei taꞌelaꞌi loꞌu mwaanie maenga.”

Matiu 17:23

kei horo maesieu. Taꞌe i purine e oolu hei dinge, ne kei heꞌi meuri eelihoꞌi loꞌu.” Maholo mo pwaarongoisuli kire rongo urine kire ko tohungei saehuu oto hiitoꞌo.

Matiu 17:9

Maholo kire ko siho toli oto mai mwaanie toloi henue ngeena, a Jisas ko si unue hunire uuri, “Mwaanie omu unu-unue nga taa omu leesie ngeena oodoie nga iini, lai hule aana ineu a Kale Ni Iinoni ne kei taꞌelaꞌi mwaanie maenga.”

Matiu 20:19

Oto kire kei heꞌi niieu loꞌu hunie mo Aapoloa Aaopa huni haꞌamwasi eeku, na huni wini-winieu, na huni horo maesieu i lengine poꞌu-poꞌu. Taꞌe aana oolune nga hai dinge, ne kei taꞌelaꞌi eelihoꞌi loꞌu mwaanie maenga.”

Matiu 27:63

Oto kire ko teꞌuri hunie, “Mwane Ouꞌou, melu ko si aamasitoꞌo aana nga taa mwane eero-eero ngeena e unue na e mauri ue aana e teꞌuri, ‘I purine oolu hei dinge ne kei taꞌelaꞌi loꞌu.’

Tataroha Diana I Sulie A Jisas Kraes Nge A Mak E Uusue 16:6

Taꞌe a mwaena ko teꞌuri hunire, “Omu ke suꞌuri meꞌu. Nou saie uri omu ko heitalea a Jisas ni Nasaret nge kire horo maesie i lengine poꞌu-poꞌu. Taꞌe ingeie haꞌike oto i leu. E taꞌelaꞌi oto mwaanie maenga. !Lio kaꞌu! Leu nge kire neꞌi-neꞌie aana kaꞌu ie.

Tataroha Diana I Sulie A Jisas Kraes Nge A Mak E Uusue 8:31

Na e aehota oto huni haꞌa-uusulire uuri, “Ineu, a Kale Ni Iinoni, mo ola hunge ne kei sapesalu eeni. Mo rato ni mwane, na mo naꞌohai pris, na mo haꞌa-uusuli aana mo Haꞌatolanga a Mosis, kire kei leledieu, na hule aana kire kei horo maesieu oto. Taꞌe aana oolune nga hai dinge, ne kei taꞌelaꞌi eelihoꞌi loꞌu.”

Tataroha Diana I Sulie A Jisas Kraes Nge A Luk E Uusue 24:12

Taꞌe a Pita e taꞌelaꞌi, na ko huru oto i saana kilipweꞌu. E lae taꞌau i aongaꞌi, na ko leesie mola taꞌe sala rereꞌa nge kire uloa sapena Jisas aana. Oto e si eelihoꞌi mola peꞌi tola ohie nga taa e raune.

Tataroha Diana I Sulie A Jisas Kraes Nge A Luk E Uusue 24:23

taꞌe kire kaꞌa lio oodoie ike rae aana i laona. Mo keine kire aalihoꞌi mei, oto kire ko unue uri kire leesie mo ensel e haataꞌi hunire, na mo ensel ngeena kire unue uri a Jisas e mauri loꞌu.

Tataroha Diana I Sulie A Jisas Kraes Nge A Luk E Uusue 24:44

Oto ko teꞌuri hunire, “Mei ola nge e rau eeku ngeena, nou unu mangoa oto oodoiꞌomu maholo nge nou oꞌoꞌo ue peꞌiꞌomu. Aana nou unue uri ahutana walu ola uusuleni e lae i sulieu i laona Haꞌatolanga a Mosis na aana mo Uusu-uusu Maaꞌi mo propet na aana Puke ni Kana, kire kei saronai oa mango.”

Tataroha Diana I Sulie A Jisas Kraes Nge A Jon E Uusue 10:17

A Mamaꞌa e manata diana hunieu, aena aana nou mwaꞌe-mwaꞌe ni toliꞌaasie maurihaꞌaku hunie uri ne ke si hele aalihoꞌi loꞌu aana.

Tataroha Diana I Sulie A Jisas Kraes Nge A Jon E Uusue 2:19

Oto a Jisas e aalamire mola uuri, “Mala uri omu kei ohoie Nume Maaꞌi ienini i aano, taꞌe ineu ne kei taꞌe aalihoꞌi aana loꞌu mola aana e oolu aata hai dinge.”

Palonga 2:24

Taꞌe a God e taꞌea mwaanie maenga hunie ke iiꞌo luhetaꞌi mwaanie nanamanga aana maenga, i sulie e tohungei aasa hunie maenga kei hele maꞌutaꞌa aana.