Matiu 27:24 - Tataroha Diana

²⁴ A Paelat e lio-lio na ko lio aasaie oto uri kei uure honosire uri taa, na maaola-olanga ko karaꞌi reu oto. Oto e si da nimei wei, ko hodalie nimana i maadaelu na ko unue uuri, “!Lio kaꞌu! No ko hodalie nimeku mwaanie nou roroꞌa aana horo-maesilana a mwane ie. Nga roroꞌanga ineu haꞌike, taꞌe roroꞌanga oto iꞌomu maraamiu.”

Matiu 27:24 ပူးပေါင်းရင်းမြစ်များ

Matiu 26:5

Taꞌe kire unue uuri, “Kolu saꞌa teꞌurine ike aana mo dinge nge mwala ko loko hunie houlaa ngeena, mwaanie kire maaola-ola i tehulaꞌana.”

Matiu 27:19

Oto maholo a Paelat e iiꞌo i aano i lengine naunekume ni leinge, huꞌe ingeie e uusungeꞌinie mai mei wala hunie na ko unue uuri, “Mwaanie o euꞌesuie nga mei ola aana mwane oodotaꞌi ngeena, aena aana nou tohungei hii aaela i rodo aana nou maꞌahu polea.”

Matiu 27:23

Oto a Paelat ko heꞌi dolosi loꞌu aada uuri, “?Aana e ue? ?Haꞌalaa nga mei taa nge e dau aaelasie?” Taꞌe kire ko si meni tea paine mola liutaa uuri, “!Horo maesie i lengine poꞌu-poꞌu!”

Matiu 27:4

Oto ko teꞌuri hunire, “Nou deu oorahaꞌaa oto aana nou talei pwelo tototala mola aana iini e kaꞌa dau huꞌisie ike nga mei ola.” Oto mo rato ni mwane kire ko aalamie uuri, “Leu ngeena kaꞌa roroꞌanga ike iꞌemeelu ni ngeena. Roroꞌanga oto iꞌoe maraamu.”

Matiu 27:54

Oto naꞌohana mo ramo ni Rom na mo ramo peꞌie nge ko kakalie a Jisas, kire leesie nunu na ngaeta mo ola loꞌu e raune, kire ko si tohungei meꞌu oto hiitoꞌo na kire ko unue uuri, “A mwane ie Kalena God oto toꞌohuu.”

Matiu 27:9

I leune nge nga taa a Propet Jeremaea e unue oto mai waite e si toꞌohuu, aana e unue uuri, Kire toolea oolu aawalai mei toꞌoha ngeena, mei ola mwala ni Israel kire loꞌongaꞌinie oto huni holi talana aana,

Tataroha Diana I Sulie A Jisas Kraes Nge A Jon E Uusue 13:9

Oto a Saemon Pita ko si teꞌuri hunie, “Ko urine, Poro paine, nge o ke suꞌuri hodalie mola e ro aeꞌaeku, taꞌe o ke hodalie noꞌone e ro kiꞌiku na pwauku.”

Tataroha Diana I Sulie A Jisas Kraes Nge A Jon E Uusue 19:4

Mango urine a Paelat e heꞌi iisitaa loꞌu taꞌau i saada mo naꞌohai mwane ni Jiu, ko si teꞌuri hunire, “Lio kaꞌu, ne kei toolea oto poi seemiu i sinaha i leu, uri hunie omu ke saie uri nou kaꞌa lio oodoie ike nga mei ola aaela aana huni lei mae aana haahie.”

Palonga 3:14

A Jisas e tohungei maaꞌi na e oodotaꞌi i maana a God, taꞌe omu leledie mola. Na iꞌomu nge omu teangie a Paelat hunie ke luhesie a Barabas, mwane horo-horo.

2 Korinit 5:21

A Kraes ingeie e kaꞌa toꞌo aana ike nga mei oorahaꞌaanga, taꞌe a God e da mola hunie ke toꞌo aana mo oorahaꞌaanga ikie mo iini kie lado toꞌohuu peꞌie a Kraes, hunie ikie noꞌone kie ke si toꞌo aana oodotaꞌinge ingeie.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.