Matiu 27:19 - Tataroha Diana

¹⁹ Oto maholo a Paelat e iiꞌo i aano i lengine naunekume ni leinge, huꞌe ingeie e uusungeꞌinie mai mei wala hunie na ko unue uuri, “Mwaanie o euꞌesuie nga mei ola aana mwane oodotaꞌi ngeena, aena aana nou tohungei hii aaela i rodo aana nou maꞌahu polea.”

Matiu 27:19 ပူးပေါင်းရင်းမြစ်များ

Matiu 1:20

Maholo a Josep ko loꞌo-loꞌongaꞌi ue urine, ensel a God ko si waꞌaraa hunie aani maꞌahu-polenga na ko teꞌuri, “Josep, iini o hute mai aana komu a Deved Inemauri, suꞌuri meꞌu huni toꞌo aana a Meri. Kele mwela nge ko hiꞌe-hiꞌe aana ngeena, e lodo aana Liꞌoa Maaꞌi.

Matiu 2:19

Purine a Herod Inemauri Peine e mae oto, ensel a God e haataꞌi loꞌu hunie a Josep aani maꞌahu-polenga i Ijip,

Matiu 2:22

Maholo a Josep e rongoa uri kalena a Herod Inemauri Peine, a Akeleas, ko aalaha loꞌu aana poꞌo ni henue i Jiudia oolisie aamana, ko si tohungei meꞌu huni lae loꞌu weu i leune. Taꞌe a God e haꞌananaue a Josep aani maꞌahu-polenga, oto e si lae hunie poꞌo ni henue i Kalili,

Matiu 27:18

A Paelat e dolosi aada urine aana e saie mone uri mwala paine aana mo Jiu kire toolea mai a Jisas i saana aena aana kire ko upwesie.

Matiu 27:24

A Paelat e lio-lio na ko lio aasaie oto uri kei uure honosire uri taa, na maaola-olanga ko karaꞌi reu oto. Oto e si da nimei wei, ko hodalie nimana i maadaelu na ko unue uuri, “!Lio kaꞌu! No ko hodalie nimeku mwaanie nou roroꞌa aana horo-maesilana a mwane ie. Nga roroꞌanga ineu haꞌike, taꞌe roroꞌanga oto iꞌomu maraamiu.”

Matiu 27:4

Oto ko teꞌuri hunire, “Nou deu oorahaꞌaa oto aana nou talei pwelo tototala mola aana iini e kaꞌa dau huꞌisie ike nga mei ola.” Oto mo rato ni mwane kire ko aalamie uuri, “Leu ngeena kaꞌa roroꞌanga ike iꞌemeelu ni ngeena. Roroꞌanga oto iꞌoe maraamu.”

Tataroha Diana I Sulie A Jisas Kraes Nge A Luk E Uusue 23:41

Ikure aana e urine, na horoꞌilakarue ko lae oto haahie mo ola kure dau aaelasiꞌi. Taꞌe a mwane ienini, ingeie e kaꞌa dau aaelasie ike nga mei ola oto ooꞌoo.”

Tataroha Diana I Sulie A Jisas Kraes Nge A Luk E Uusue 23:47

Oto naꞌohana mo ramo ni Rom e uure-uure i leune, maholo e leesie mei olana e rau urine, ko si ere ni haꞌamaꞌunge hunie a God, na ko teꞌuri, “Toꞌohuu oto, a mwane ie nga mwane oodotaꞌi.”

Tataroha Diana I Sulie A Jisas Kraes Nge A Jon E Uusue 19:13

Maholo a Paelat e rongoa kire ko ere urine, e si toolea a Jisas i sinaha na ko iiꞌo i aano i lengine naunekume ni leinge aana leu sailana uuri, “Leu kire hataaꞌi heu aana” na aana erenga mo Jiu uuri, “Gabata.”

Palonga 12:21

Oto aana dinge e lio hilisie huni ere-ere peꞌire, a Herod e hoꞌosie mo sala diana ingeie, e lai iiꞌo aana naunekume ni aalaha, ko si ere-ere nana mwala.

Palonga 18:12

Oto aana maholo nge a Galio e aalaha haahie poꞌo ni henue i Akaea, mo rato ni Jiu kire ruru, kire si tapolie a Pol na kire toolea i saana a Galio hunie ke leie.

Palonga 18:16

Oto e si oohera i sinaha mwaanie nume ni lei-lei.

Palonga 18:17

Na kire mani tapolie mola a Sostinis, poro paine haahie nume ni palo-palo mo Jiu, na kire ko repu aaelasie oto i maana nume ni lei-lei. Taꞌe a Galio e kaꞌa aapwasu ike aana leune.

Palonga 25:10

Taꞌe a Pol ko ere mola uuri, “Leinge ienini, Inemauri Peine ni Rom ni e toꞌo aana, oto i leu oto e malisine leileku ke lae aana, na nga leu haꞌike loꞌu. Na o sai diana aana kaꞌu oto uri nga mei ola nou kaꞌa dau huꞌisie takoie mo Jiu ngeena.

Palonga 25:17

Oto maholo kire lai hule mai Sisaria nou kaꞌa waelie loꞌu nga kele maholo, taꞌe e dangi hoꞌowa na nou unue kire ke toolea oto mai a Pol na leilana ko lae oto.

Palonga 25:6

Oto a Festas e iiꞌo hunie ola mala e siwe hai dinge loꞌu peꞌire i Jerusalem, nge e si lae loꞌu hunie i Sisaria. Na aana dinge i puri e lai iiꞌo wau i laona nume ni lei-lei, e si unue ngaeta mo mwane ke lai toolea mai a Pol.

1 Pita 2:22

Nga taa mo Uusu-uusu Maaꞌi e unue i sulie a Kraes e toꞌohuu, aana e teꞌuri, E kaꞌa asuie ike nga mei ola aaela, na nga mei wala ni eeronga e kaꞌa maau ike mwaanie ngidune. Aesaea 53:9

1 Jon 2:1

Maeni mwela ineu, no ko uusue oto urine huniꞌomu uri hunie omu ke suꞌuri oorahaꞌaa. Taꞌe mala uri nga iini ko oorahaꞌaa, kie toꞌo aana taane iini huni peꞌikie aani erenga oolitaka peꞌie a Mamaꞌa. Na ingeie oto a Jisas Kraes, iini e oodotaꞌi taꞌingelu.