Matiu 26:55 - Tataroha Diana

⁵⁵ Oto aana maholona, a Jisas e ere hunie mo ramo uuri, “?Uri omu unue ineu nga horopeli nge omu ko lae mai honosieu peꞌi naihi na peꞌi diꞌe urine? Ahutana dinge kaꞌu no ko talei oꞌoꞌo mola peꞌi haꞌa-uusulinge taꞌau i laona Nume Maaꞌi Peine. ?Aana e ue kaꞌu omu kaꞌa tapolieu oto aana maholona?

Matiu 26:55 ပူးပေါင်းရင်းမြစ်များ

Matiu 21:23

A Jisas e aalihoꞌi loꞌu mei i laona Nume Maaꞌi Peine, na maholo ko haꞌa-uusuli, mo naꞌohai pris na mo rato ni mwane kire lae mai saana. Oto kire ko dolosi aana uuri, “?Nga nanamanga uri taa ni o toꞌo aana huni esuie walu ola o ko deuꞌi ngeena? ?Na a tei ni e niie nanamanga ngeena huniꞌo?”

Matiu 26:47

Oto maholo a Jisas ko ere-ere ue, na a Jiudas Iskariot ko hule oto peꞌie pulitaa paine, mo iini nge mo naꞌohai pris na mo rato ni mwane kire uusungeꞌinire mai peꞌie. Mwala ngeena kire mani hele naihi peꞌi diꞌe,

Tataroha Diana I Sulie A Jisas Kraes Nge A Mak E Uusue 10:1

Oto a Jisas e lae mwaanie i leune, e si lae mwaanie i Kalili hunie poꞌo ni henue i Jiudia na loꞌu hunie aapa poꞌo wau aana wai peine i Jodan hatarie sato pwaa. Na mwala hunge kire loko loꞌu mei i saana, ko si haꞌa-uusulire oto mala ko euꞌesuie tarau hunire.

Tataroha Diana I Sulie A Jisas Kraes Nge A Mak E Uusue 12:35

Oto maholo a Jisas e haꞌa-uusulie mwala i laona Nume Maaꞌi Peine, e dolosie mei dolosinge uuri, “?E ue nge mo haꞌa-uusuli aana mo Haꞌatolanga a Mosis ko unue uri a Kraes kei hute mola mai aana komu a Deved Inemauri?

Tataroha Diana I Sulie A Jisas Kraes Nge A Luk E Uusue 19:47

Oto i suli hei dinge a Jisas e haꞌa-haꞌa-uusuli i laona Nume Maaꞌi Peine. Oto mo naꞌohai pris, na mo haꞌa-uusuli aana mo Haꞌatolanga a Mosis, na mo naꞌohai mwane aana mo Jiu, kire eriꞌapasie uri kire ke horo maesie.

Tataroha Diana I Sulie A Jisas Kraes Nge A Luk E Uusue 20:1

A Jisas e haꞌa-uusulie mwala taꞌau i laona lolata aana Nume Maaꞌi Peine, na e lae-laeliwala aana Tataroha Diana. Oto aana ngaeta hai dinge, mo naꞌohai pris na mo haꞌa-uusuli aana mo Haꞌatolanga a Mosis peꞌie mo rato ni mwane kire lae taꞌau huni ere peꞌie.

Tataroha Diana I Sulie A Jisas Kraes Nge A Luk E Uusue 4:20

Oto a Jisas e si lulungie uusu-uusu hio-hio, ko niie hunie iini ko hei raretaꞌi aana nume ni palo-palo ngeena, na ko iiꞌo oto i aano huni haꞌa-uusuli. Maholona oto ahutana mwala i laona nume ni palo-palo ngeena kire ko si meni lio hahuroto oto aana.

Tataroha Diana I Sulie A Jisas Kraes Nge A Jon E Uusue 7:14

Maholo ko hule oto i denumana e hiu hei dinge aana houlaa ngeena, nge a Jisas e si hanetaa taꞌau i laona lolata aana Nume Maaꞌi Peine na ko aehota haꞌa-uusulie oto mwala i leune.

Tataroha Diana I Sulie A Jisas Kraes Nge A Jon E Uusue 7:28

Oto a Jisas ko si ere paine maholo ko haꞌa-uusuli taꞌau i laona lolata aana Nume Maaꞌi Peine, “Iau, omu saieu, na omu saie taane leu nou uure aana. Taꞌe nou kaꞌa lae ike mola mai tohuku, na omu kaꞌa saie ike iini nge e uusungeꞌinieu mei, na ingeie e kaꞌa sai eero ike.

Tataroha Diana I Sulie A Jisas Kraes Nge A Jon E Uusue 8:2

Na oto i maahuꞌo-huꞌo aana hai dinge loꞌu mola i sulie, a Jisas e heꞌi eelihoꞌi loꞌu taꞌau i lolata aana Nume Maaꞌi Peine. Oto ahutana mwala e ruru mei saana, e si iiꞌo i aano huni haꞌa-uusulire.

Tataroha Diana I Sulie A Jisas Kraes Nge A Jon E Uusue 8:20

A Jisas e unue mo wala ienini aana maholo e haꞌa-uusulie mwala taꞌau i laona lolata aana Nume Maaꞌi Peine karaꞌinie leu nge mwala ko nii-nii toꞌoha aana. Na nga iini e kaꞌa tapolie ike, aana e kaꞌa hule ike mone ue aana maholo hunie ke mae.