Matiu 25:6 - Tataroha Diana

⁶ “Oto i upui rodo, ngaeta iinoni e aawara na ko unue uuri, ‘A poro haalu ko lae oto mai. Omu ke lae mai honosie.’

Matiu 25:6 ပူးပေါင်းရင်းမြစ်များ

Matiu 24:31

Oto ne kei uusungeꞌinie mai mo ensel ineu peꞌie aawatai eehuri oto paine, na kire kei lae peꞌi soꞌokonie mo iini nou lio hilisire mwaanie e hai maai dengi aana walumalau, uure aana ngaeta ngongoꞌai welumalau lai hule aana ngaeta ngongoꞌai welumalau.”

Matiu 24:44

Oto iꞌomu noꞌone, omu ke iiꞌo aakau, aana ineu a Kale Ni Iinoni ne kei ooli mei aana maholoi sato nge omu kaꞌa loꞌongaꞌi ike huni maaꞌoohieu.”

Matiu 25:1

Oto a Jisas ko heꞌi unue loꞌu uuri, “Aana maholona aalahanga a God kei urihana aawalai keni haalu nge kire lae huni maaꞌoohie poro haalu aana ko lae mai hunie aaharota ingeie. Kire toolea mo laite ikire peꞌire.

Matiu 25:31

Oto a Jisas ko heꞌi unue loꞌu uuri, “Ineu, a Kale Ni Iinoni, ne kei ooli loꞌu mei peꞌie manikuluhaꞌaku na ahutana mo ensel ineu noꞌone peꞌieu, na ne kei iiꞌo i lengine naunekume ineu e manikuluꞌe.

Matiu 25:5

A poro haalu e kaꞌa hule lau-leu, oto ahutana mo keni kire ko meni mamauruꞌe, kire ko lae otoi maꞌahu.

Matiu 25:7

“Oto ahutana mo keni kire ko meni lio oto, na kire ko deu aakau oto aana mo laite ikire.

Tataroha Diana I Sulie A Jisas Kraes Nge A Luk E Uusue 12:20

Taꞌe a God e teꞌuri hunie a mwaena, ‘!O tohungei pweu! Siꞌiri rodo, oto o kei mae. ?Haꞌalaa, a tei nge kei toꞌo aana ahutana walu ola nge o ko duduruꞌi mola namue maraamune eena?’ ”

Tataroha Diana I Sulie A Jisas Kraes Nge A Luk E Uusue 12:46

oto aalaha ingeie kei hule mola, na e kaꞌa dau aakau ike. Na ko hule noꞌone mola aana maholo koni-konihe ngeena e kaꞌa loꞌongaꞌinie huni maaꞌoohie. Oto aalaha ngeena kei tohungei haꞌaloi letehie koni-konihe ingeie ngeena, na kei uusungeꞌi aasie oto peꞌie mwala hai-heitohe.

1 Tesalonaeka 4:16

Taꞌe a Aalaha maraana kei siho mai uure taꞌau i Lengi peꞌie mawataa paine mwaanie naꞌohai ensel na aawatai eehuri a God. Oto kira hiiwalaimoli nge kire mae oto, kire kei holaꞌi taꞌelaꞌi oto hunie maurihe.

2 Pita 3:10

Taꞌe hai dinge Aalaha ikie kei ooli loꞌu mei, hai dinge ngeena kei lae mai mola mala iinoni peli-peli aana kie saꞌa manataꞌinie ike maholo kei lae mai wa kie ke loꞌongaꞌinie. Na aana hai dingena, painehaꞌana kou-kouhaꞌa oto paine kei reu uure mai taꞌau i Lengi na salo kei eiꞌaa oto. Na dunge oto paine kei ngaa oto ahutana walu ola taꞌau i salo hule aana kire kei meni aaela mango oto. Na walumalau ngeena oto peꞌie walu ola aana, kire kei meni eiꞌaa oto.

Haataꞌinge 16:15

Oto e oolu liꞌoa aaela ngeena kire lokoa oto mo inemauri aana leu kire haaraꞌinie aana erenga mo Jiu uuri, “Amakedon.” Oto a Kraes e si unue uuri, “!Omu ke pwaarongo kaꞌu! Ne kei lae mai mala iinoni peli-peli aana maholo omu saꞌa lio saie ike. Deidehie mo iini nge kire ko iiꞌo aakau loosie oolinge ineu mei. Mo iini urine kire urihana mo iini kire kaꞌa maꞌahu na kire hoꞌo aakau mola aana mo toꞌoni ikire mwaanie kire iiꞌo mwaakule na kire masa maholo ne kei hule.”