Matiu 25:41 - Tataroha Diana

⁴¹ “Oto ne ke si unue loꞌu hunie mo iini i meu-meuliku uuri, ‘Omu ke tahi mwaanieu, mo iini nge omu iiꞌo oto loosie haꞌamotaahinge a God. Omu ke tahi i laona dunge nge ko weru tarau mola, na e saꞌa mwaꞌa loꞌu. Dunge ngeena dau aakaulana e lae oto hunie a Satan na mo liꞌoa aaela ingeie.

Matiu 25:41 ပူးပေါင်းရင်းမြစ်များ

Matiu 13:40

Mala soꞌokonilana mo rea na uunu-aasileni e lae kaꞌu laloi dunge, nga taa kei reu aana haꞌamangolana walumalau eena.

Matiu 13:42

Oto kire kei aasire i laona dunge ni haꞌamotaahinge, leu ngaranga na saehuunge e paine aana.

Matiu 13:50

Na kire kei aasire i laona dunge ni haꞌamotaahinge, leu ngaranga na saehuunge e paine aana.”

Matiu 18:8

Mala uri nimemu wa aeꞌaemu ko haꞌatataroꞌo huni oorahaꞌaa, o ke lama mousie na o ke aasie mwaaniꞌo. Aana e diana oto liutaa huniꞌo huni sili i laona maurihe huu peꞌie taꞌa-taꞌa ninime wa taꞌa-taꞌa aeꞌae, mwaanie kire aasiꞌo peꞌie ahutana ro nimemu wa ro aeꞌaemu i laona dunge nge kaꞌa sai mwaꞌa loꞌu.

Matiu 25:42

Aena aana maholo nou hiolo, omu kaꞌa haꞌangaueu ike. Nou maarou na omu kaꞌa nii wei ike akue. Maholo nou kaꞌa toꞌo aana ike nga leu ni iiꞌo ineu, omu kaꞌa tola konieu ike aana mo nume iꞌomu.

Matiu 25:46

Oto a Jisas ko si ere ooreta uuri, “Mwala ngeena haꞌamotaahilada kei lae taraꞌasi oto. Taꞌe mo iini e oodotaꞌi kire kei lae oto i laona maurihe huu.”

Matiu 3:12

Ingeie ni e toꞌo aana nanamanga huni leie ahutana iinoni. Aana e urihana iinoni nge ko taꞌaasie mo hule-hulei kooni mwaanie mo tohungei ola. Oto ko si neꞌi konie mo tohungei ola i lengine haa i laona nume ni duru ingeie. Taꞌe mo hule-hulei ola aaela ngeena, nge kei uunuꞌi aana dunge nge e saꞌa mwaꞌa loꞌu.”

Matiu 4:10

Oto a Jisas ko aalamie loꞌu uuri, “Tahi mwaanieu Satan aana mo Uusu-uusu Maaꞌi e unue uuri, Omu ke palo-paloa mola taꞌe a God Aalaha iꞌomu, na omu ke asu mola nana taꞌe ingeie haliꞌite.” Diutronomi 6:13

Matiu 5:22

Taꞌe ineu, no ko unue huniꞌomu uri mala nga iini ko saewasulie aasine, e malisine uri ke lae noꞌone mola i laona leinge. Na nga iini ko ere aaelasie aasine, nge e adona tolalana i naꞌona pulitaa ni naꞌohai pris hunie leilana. Na nga iini ko haaraꞌi ‘Pweu’ aana aasine, nge kei lae i laona dunge ni haꞌamotaahinge.

Matiu 7:23

Oto aana maholona ne ke si unue mola hunire uuri, ‘Nou kaꞌa manataꞌiniꞌomu ike. !Tahi mwaanieu, iꞌomu mo iinoni ni oorahaꞌaa!’ ” Sam 6:8

Tataroha Diana I Sulie A Jisas Kraes Nge A Luk E Uusue 13:27

Taꞌe a mwaena ke si heꞌi teꞌuri loꞌu mola huniꞌomu, ‘Nou kaꞌa tohungei saiꞌomu ike wa ne ke saie mo henue iꞌomu. Omu ke tahi mwaanieu, iꞌomu mo iinoni aaela.’

Tataroha Diana I Sulie A Jisas Kraes Nge A Luk E Uusue 16:24

“Oto ko soi weu hunie a Ebraham na ko teꞌuri, ‘Mamaꞌa Ebraham, o ke aamasieu, na o ke uusungeꞌinie mai a Lasaros hunie ke toongaꞌinie mola ngongoꞌana riꞌi-riꞌine i laona mei wei huni haꞌawawaie meaku. Aana ko tohungei rako aaela aaku oto hiitoꞌo i laona dunge ni haꞌamotaahinge ie.’

Tataroha Diana I Sulie A Jisas Kraes Nge A Jon E Uusue 8:44

Iꞌomu oto mo kalena a Pwelu Eero-eero, na saemiu uri omu ke lae mola i sulie mo neꞌisaenga ingeie. Oto tarau, ingeie iini e talei horo mola, na e leledie walaimolinge, aena aana walaimolinge haꞌike noꞌone aana. Maholo ko ere aani eeronga, nge ko ere-ere oto aana tohungana erenga ni henue ingeie eena, aena aana ingeie iinoni eero-eero, na ingeie aamana oto mo eeronga.

2 Tesalonaeka 1:7

Na a God kei haꞌamangoa taane mo weonga mo iini nge taungeꞌinilada ko lae i tehulaꞌana. Oto maꞌalana kolu ko meni sapesalu oto ie, taꞌe aana nga maholo ue mai, kolu saꞌa heꞌi sapesalu loꞌu. Na leune ke si reu taane aana maholo nge Aalaha ikie a Jisas kei uure taꞌau i Lengi na kei siho mai peꞌie mo ensel ingeie nge kire toꞌo aana nanamanga paine.

2 Tesalonaeka 1:9

Na mei haꞌaloinge nge kei hite aada ngeena nge e tohungei aaela oto liutaa, na e saꞌa mango oto ooꞌoo. Na kire kei iiꞌo oto haꞌataulie a Aalaha na manikuluhaꞌana aana nanamanga ingeie taꞌau i Lengi.

Hibru 6:8

Taꞌe mala uri walo kau-keu mola haliꞌite ko aango i lengine mei mwakano ngeena, nge e haataꞌinie oto uri mei mwakano ngeena e aaela mola, na mwane e toꞌo aana mwakano ngeena ke si uunu aasie mola hohola ngeena aana dunge. Urine loꞌu aana iinoni nge a kaꞌa tola i sulie ike walana God, nge a God kei leie, na kei aasie i laona dunge nge ko weru oto huu.

2 Pita 2:4

Na kie mani saie oto uri maholo mo ensel kire oorahaꞌaa kaꞌu waite, a God e haꞌaloire aana e pwasure aani iieliheu, na e oohe aasire i laona leu ni haꞌamotaahinge nge e tohungei rodohono oto hiitoꞌo. Na kire kei iiꞌo i leune lae-lae hule aana Dinge Ni Leinge aana maholo ooreta.

1 Jon 3:10

Oto i leune kie sai lio saie uri a tei nge e neꞌi kalena God, na a tei e neꞌi kalena a Pwelu Eero-eero. Aana taꞌena nga iini nge helelana e kaꞌa oodotaꞌi, wa ke manata diana hunie aasine, ingeie nga kalena God haꞌike.