Matiu 25:16 - Tataroha Diana

¹⁶ Mwane auꞌesu nge e hele aana e lime mwaꞌii toꞌoha, e lae oto ko lai deu esunge aana mo toꞌoha ngeena, na ko terie loꞌu ngaeta lime mwaꞌii toꞌoha loꞌu haahie.

Matiu 25:16 ပူးပေါင်းရင်းမြစ်များ

Matiu 18:24

Oto maholo ko aehota dau i suliꞌi, kire ko toolea mai mwane e tekelaꞌinie molani-ola aani toꞌoha aana mo toꞌoha aalaha ingeie.

Matiu 25:17

Iini e hele aana e ro mwaꞌii toꞌoha, na e urine loꞌu. E lai deu esunge noꞌone, oto ko terie loꞌu ngaeta ro mwaꞌi loꞌu haahie e ro iini e hele aani.

Tataroha Diana I Sulie A Jisas Kraes Nge A Luk E Uusue 19:13

Oto i naꞌona a mwaena e lae, e soie mai aawalai mwane auꞌesu ingeie, na ko haꞌa-adora aani mweꞌii toꞌoha na ko teꞌuri hunire, ‘Omu ke asu aana mo toꞌoha ngeena, na omu ke tarie loꞌu nga mo iini peꞌiꞌi aana maholo no ko lae mwaaniꞌomu.’

Palonga 13:36

Na kolu meni saie oto uri mei wala ienini e kaꞌa ere ike i sulie a Deved Inemauri. Aana kolu saie maholo a Deved e mauri ue, e dau i sulie nga taa a God e unue hunie ke asuie. Taꞌe maholo e mae, kire haitolingeꞌinie i saana mo weuwana na sapena e kasu oto.

1 Korinit 15:10

Taꞌe aana niinge ni hahuꞌana manata-diananga a God e lae hunieu mone, no ko oꞌoꞌo urine ue ie. Na manata-diananga a God hunieu e kaꞌa waetaꞌi ike taane mola mwaakule, aana nou lae peꞌi esu oto hiitoꞌo loꞌu liutaa aada mo hurulaꞌaa. Taꞌe nou kaꞌa asuie ike taane tohuku, aana niinge a God mone ko peꞌieu huni esuie leune urine.

2 Timoti 2:6

Na asunge iꞌoe ke urihana noꞌone iinoni nge ko esu waaꞌiniꞌini aana hohola ingeie. Iinonine e malisine oto uri ingeie ni kei holaꞌi ngeue mo ngeulaa aana hohola ngeena.