Matiu 24:7 - Tataroha Diana

⁷ Haiseuninge kei lae i matolana mo henue hai aaopaꞌi, na i matolana mo aalahanga hailiu. Hiolonga kei toolea mo iini hunge i laona walumalau, na nunu kei tola ahusie mo henue hunge.

Matiu 24:7 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 21:11

Na mo nunu peine kei tola. Hiolonga paine na liunge ni maelaa kei tola aana mo poꞌo ni henue hunge. Mo ola ni meꞌu i suliꞌi na mo tolimaa paine kei siho mai uure i lengi.

Palonga 11:28

Oto ngaeta iini aada satana a Agabas, e uure i lengi ko si ere aana nanamanga a Liꞌoa Maaꞌi uri hiolonga kei tola aana ahutana mo leu aana aalahanga ni Rom. Oto mai puri, nge mei ola ienini ko si oa aana maholo a Klodias e neꞌi inemauri ni Rom.

Palonga 2:19

Na ne kei esuie mo huꞌi-huꞌite taꞌau i laona salo i lengi, na ne kei esuie mo tolimaa mai aano i leu. Dunge na pwaꞌulana dunge kei hane, na apu kei aahe.

Hibru 12:27

Mo wala ie, “loꞌu hautaꞌai aana nga maholo” kire haataꞌinie uri a God kei nunuie walu ola e haꞌaholaꞌi, na kei taꞌaasiꞌi oto. Na walu ola nge kire kaꞌa sai eenuleꞌi ike nge mola kire kei iiꞌo huu.

Haataꞌinge 6:12

Oto a Kalei Sipu ngeena e tahanie loꞌu oonona nga hui edi, na nunu peine ko tolana hite oto, na sato ko pulu-puluꞌe oto mala loilohi, na waro-waro ko nonoroꞌa oto mala apu.

Haataꞌinge 6:5

Oto a Kalei Sipu ngeena e tahanie loꞌu oolune nga hui edi, na nou rongoa oolune nga ola mauri e unue uuri, “O ke lae mai.” Oto nou lio na hoos pulu-puluꞌe ko maau oto. Na iini nge ko huru taꞌau aana hoos ngeena, e hele aana nga ola huni totohoa hiꞌanga.

Haataꞌinge 6:6

Oto nou rongoa ola mala mei wala e uure mai i matolana e hai ola mauri ngeena, na ko unue uuri, “O ke waelie mo ngeulaa hunie holiteni ke tohungei peine, hule aana mwala ke asu uana taꞌa-taꞌa ho uuhi wa e oolu ho kumara hunie dinge laku. Taꞌe o ke suꞌuri waelie mo ei hungu-hungu.”

Haataꞌinge 6:8

Oto nou lio na hoos pala-pala ko maau loꞌu. Na iini nge ko huru taꞌau aana hoos ngeena, satana a Maenga. Nga iini loꞌu e lae mai i puri, satana a Haitolinge. Na niilana nanamanga e lae hunirerue huni horo maesie haine nga poꞌo ni iinoni i laona walumalau aani oohotaa, na aani iihiꞌure, na aani maelaa aaela, na aani ola loo-looꞌa ni meꞌesu.