Matiu 24:39 - Tataroha Diana

³⁹ Kire kaꞌa loꞌo-loꞌongaꞌinie ike loꞌu uri nga mei ola kei hite aada, oto kire auꞌesuie walu olana lae hule aana lue-lue e hane haahire, na kire mani eiꞌaa mango oto. Kei urine noꞌone loꞌu aana maholo ineu a Kale Ni Iinoni ne kei ooli mei.

Matiu 24:39 ပူးပေါင်းရင်းမြစ်များ

Matiu 16:27

Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

Matiu 24:3

Na maholo a Jisas e iiꞌo i aano i lengine Uuwo Ni Ei Olif, mo pwaarongoisuli kire lae mai saana, oto kire ko dolosi aana uuri, “?O ke unue oodoiꞌemeelu uri maholo uri taa ni walu ola ienini kei oa, na nga taa ni kei reu huni haataꞌinie uri e hule oto aana maholo o kei ooli loꞌu mei, na haꞌamangolana walumalau?”

Matiu 24:30

Oto aana maholo urine nga tolimaa leesilana kei lae i laona salo huni haataꞌinie uri ineu a Kale Ni Iinoni no ko lae oto mai. Ahutana mo komu ni iinoni aana walumalau kei ngara aana kire kei leesieu a Kale Ni Iinoni no ko lae mai i laona mei uuru mwaanie salo. Ne kei lae mai peꞌie nanamanga na manikuluꞌanga oto paine.

Matiu 24:37

Na nga taa kei reu aana maholo ineu a Kale Ni Iinoni ne kei ooli mei, kei urihana noꞌone nga taa e rau aana pongine a Noa.

Matiu 24:40

Aana maholona nga ro iinoni kei euꞌesu i laona hohola, na nga iini a God kei toolea, na ngaeta iini kei oore mola.

Tataroha Diana I Sulie A Jisas Kraes Nge A Luk E Uusue 19:44

Kire kei oho aasiꞌo oto peꞌie ahutana mo mwela iꞌoe. Na nga taꞌa-taꞌa ho heu e saꞌa oore ike loꞌu i huline, aena aana o kaꞌa lio saie ike maholo nge a God e lae mai huni haꞌa-uuriꞌo.”

Tataroha Diana I Sulie A Jisas Kraes Nge A Jon E Uusue 3:20

Mo iini helelada e tataꞌala kire tohungei leledie raa-raa, aena aana kire sereꞌinie uri haataꞌinilana mo tataꞌalanga ikire ke lae haadaꞌi.

Palonga 13:41

!Lio kaꞌu, iꞌomu mo iini nge omu ko haꞌamwasi eeku a God! Maholo ienini no ko esuie mei ola ni pangataꞌinge, na maꞌalana kire ke lado luhesie huniꞌomu, taꞌe omu saꞌa hiiwalaimoli ike aana. !Oto omu kei haro pangataꞌinie, nge omu ke si mae!” Habakuk 1:5

Uusu-uusu A Pol Hurula'aa Hunie Mo Rom 1:28

Oto aena aana mwala ngeena kaꞌa sare loꞌongaꞌinie ike loꞌu saenanaunge toꞌohuu aana God, a God e toliꞌaasire mola hunie kire ke dau mola mala saeda, maꞌalana kire ko da mola walu ola e kaꞌa malisine ike uri kire ke dauꞌi.

2 Pita 3:5

Taꞌe mwala nge kire ko ere urine ngeena, nga taꞌa-taꞌa mei ola kire kaꞌa sare aamasitoꞌo aana. Kire sare pulongosie mola uri wau i naꞌo, a God e unue mola mei wala, na salo na aano huu e maau oto. A God e haꞌaholaa aano huu hunie ke maau i matolana mo wei, na mo wei kire ke iiꞌo mola ahuie aano huu.