Matiu 24:34 - Tataroha Diana

³⁴ No ko unue oto huniꞌomu uri walu ola ienini kei saro oa mango mola ue oodoie mwala aana pwaunge siꞌiri ie na kire kaꞌa mae ue.

Matiu 24:34 ပူးပေါင်းရင်းမြစ်များ

Matiu 10:23

Maholo mwala ko teungeꞌiniꞌomu aana nga hanue, omu ke tahi takoie ngaeta hanue. Aana toꞌohuu no ko unue huniꞌomu uri omu saꞌa roroꞌa haꞌamangoa ike asunge iꞌomu aana ahutana mo henue i Israel na ineu a Kale Ni Iinoni no ko hule oto mai peꞌie manikuluhaꞌana a God.

Matiu 12:45

Oto ko si lae loꞌu huni toolea mai ngaeta hiu liꞌoa ni oorahaꞌaa aaela loꞌu liutaa aana ingeie. Oto kire lae, kire ko si lae oto iiꞌo huu i laona iinonine. Oto aana haꞌamangolana, tolahana iinonine loꞌu mei puri ko si tohungei aaela oto hiitoꞌo liutaa aana tolahana holaꞌinaꞌo.”

Matiu 16:28

Toꞌohuu no ko unue oto huniꞌomu uri ngaeta mo iini hikemiu mwala nge omu uure ngeena, omu kei saronai leesieu, a Kale Ni Iinoni, ne kei lae mai mala aalaha, omu ke si mae.”

Matiu 23:36

No ko unue oto huniꞌomu pwaunge siꞌiri ie, nge leinge haahie horoꞌilana mwala oodotaꞌi ngeena ke si lae huniꞌomu.”

Tataroha Diana I Sulie A Jisas Kraes Nge A Luk E Uusue 11:50

Oto haꞌaloilemiu pwaunge siꞌiri kei lae haahie maelana mo propet nge horoꞌilada e lae kaꞌu uure oto i aehotalana walumalau.