Matiu 23:29 - Tataroha Diana

²⁹ “Aama-aamasilemiu mo Parise na mo haꞌa-uusuli aana mo Haꞌatolanga. !Iꞌomu oto mwala eero-eero! Omu ko esu diana aana mo kilipweꞌu mo propet, na omu ko haꞌalaunie mo kilipweꞌu mo iini e oodotaꞌi hunie kire ke lio diana.

Matiu 23:29 ပူးပေါင်းရင်းမြစ်များ

Palonga 2:29

“Maeni eesiku, no ko sare unu oodo-oodo aana mola huniꞌomu i sulie a weuwaka a Deved Inemauri. E mae na kire haitolingeꞌinie oto, na kilipweꞌu aana mola i saakaelu i leu hule siꞌiri.

Matiu 23:27

“Aama-aamasilemiu mo Parise na mo haꞌa-uusuli aana mo Haꞌatolanga. !Iꞌomu oto mwala eero-eero! Omu urihana mola mo kilipweꞌu kire mole rereꞌa aani. Leesileni poꞌoi sinaha kire tohungei lai lio diana, taꞌe wai laloni, kire honu mola aani suisuli haliꞌite na kasuhaꞌana mo rae.

Matiu 23:28

Iꞌomu, omu urine noꞌone. Aana leesilemiu poꞌoi sinaha uri iꞌomu ni oto mo iinoni diana, taꞌe wai lalo aamiu, e honu oto mola aana lupweꞌi-deunge na oorahaꞌaa.

Matiu 23:30

Na omu ko unue uuri, ‘!Saehuu oto hiitoꞌo! Mala emi ke iiꞌo aana pongine mo aamamami, haꞌalaa emi saꞌa dau ike mala ikire huni horoꞌie mo propet.’