Matiu 22:16 - Tataroha Diana

¹⁶ Oto kire ere tararuru peꞌie pulitaa a Herod Inemauri, na kire ko uusungeꞌinie taꞌau mo pwaarongoisuli ikire i saana a Jisas peꞌie ngaeta mo mwane aana poꞌo ni mwane a Herod. Oto mo mwaena kire ko unue hunie a Jisas uuri, “Haꞌa-uusuli, melu saie uri walaimolinge ni oto o ko unu-unuena, aana o ko haꞌa-uusuli i sulie hari-huninge a God hunie mo iinoni. Oto o kaꞌa aapwasu ike aana nga taa mwala ko loꞌo-loꞌongaꞌinie, aena aana o kaꞌa lio ike hunie maana mo iinoni.

Matiu 22:16 ပူးပေါင်းရင်းမြစ်များ

Matiu 22:24

Oto kire ko teꞌuri hunie, “Haꞌa-uusuli, a Mosis e uusue haꞌatolanga ie hunikie. Mala uri nga mwane ko mae na e kaꞌa toꞌo kalena, nge aasine mwane ke toꞌo aana loꞌu mola nao keni iihana, hunie ke haꞌahute mwela oolisie aasine nge e mae ngeena. Diutronomi 25:5-6

Matiu 22:26

Ruana nga mwane ngeena ko heꞌi mae loꞌu urine. Oolune nga mwane ko heꞌi urine loꞌu, na lae-lae ahutana hiu mwaasine ngeena kire mani mae mango oto urine.

Matiu 26:18

Oto a Jisas ko teꞌuri hunire, “Omu ke lae wai huilume paine i Jerusalem i saana iini nge nou lio hilisie oto, na omu ke unue hunie uri a Haꞌa-uusuli e unue uuri, ‘Maholoi sato ineu ko karaꞌini oto. Ne kei hele aana ngaunge aana Liumwaanie peꞌie mo pwaarongoisuli ineu i nume iꞌoe.’ ”

Matiu 26:49

Oto a Jiudas ko oodohie oto a Jisas, na ko unue hunie uuri, “Saulehi diana, Haꞌa-uusuli.” Na ko nono oto peꞌie.

Tataroha Diana I Sulie A Jisas Kraes Nge A Mak E Uusue 10:17

Maholo a Jisas ko aehota oto hunie kei lae loꞌu, na ngaeta mwane e huru mei i saana, ko pouruuru oto i naꞌona, na ko dolosi aana uuri, “?Haꞌa-uusuli diana, nga taa ne kei esuie kaꞌu hunie ne ke hele aana maurihe huu?”

Tataroha Diana I Sulie A Jisas Kraes Nge A Mak E Uusue 12:13

Oto mo naꞌohai mwane aana mo Jiu kire ko uusungeꞌinie ngaeta mo Parise na ngaeta mo iini aana pulitaa a Herod huni lai pweloa a Jisas aani dolosinge.

Tataroha Diana I Sulie A Jisas Kraes Nge A Mak E Uusue 12:14

Kire lae mai saana a Jisas, oto kire ko teꞌuri, “Haꞌa-uusuli melu saie uri walaimolinge ni oto o ko unu-unuena. Oto o kaꞌa aapwasu ike aana nga taa mwala aaopa ko loꞌo-loꞌongaꞌinie aena aana o kaꞌa lio ike hunie maana mo iinoni, taꞌe o ko haꞌa-uusuli mola i sulie hari-huninge a God hunie mo iinoni. Oto o ke unue oodoiꞌemeelu. ?Uri e adona taane huni niie takis hunie aalahanga ni Rom wa haꞌike?”

Tataroha Diana I Sulie A Jisas Kraes Nge A Mak E Uusue 3:6

Oto lau-leu mo Parise kire iisitaa, na kire lae oto i meni wala peꞌie ngaeta mwala aana pulitaa a Herod huni horo maesie a Jisas.

Tataroha Diana I Sulie A Jisas Kraes Nge A Mak E Uusue 8:15

Na a Jisas ko haꞌapasulire uuri, “Omu ke lio talamiu mwaanie iis mo Parise, na iis a Herod Inemauri.”

Tataroha Diana I Sulie A Jisas Kraes Nge A Luk E Uusue 20:21

Oto mo mwaena ko teꞌuri hunie a Jisas, “Haꞌa-uusuli, melu saie uri nga taa o ko unu-unue na o ko haꞌa-haꞌa-uusuli aana e toꞌohuu. Na iꞌoe, o kaꞌa aapwasu ike aana loꞌongaꞌinge nga iini, taꞌe o ko haꞌa-haꞌa-uusuli mola aana walaimolinge i sulie tolahana God.

Tataroha Diana I Sulie A Jisas Kraes Nge A Luk E Uusue 7:40

Oto a Jisas ko teꞌuri hunie, “Saemon, nou toꞌo aana nga mei ola huni unue huniꞌo.” Oto a Saemon ko aalamie uuri, “!Iau, Haꞌa-uusuli! O ke unue kaꞌu.”

Tataroha Diana I Sulie A Jisas Kraes Nge A Jon E Uusue 14:6

A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.

Tataroha Diana I Sulie A Jisas Kraes Nge A Jon E Uusue 18:37

Oto a Paelat ko si teꞌuri hunie, “!Oto iꞌoe ngaeta inemauri taane!” A Jisas e aalamie, oto ko teꞌuri, “Nge kaꞌu oto o ko unuena, uri ineu inemauri. Na aena aana aalahanga ineu ngeena mone nou hute. Na nou lae mai uri hunie ne ke toolea walaimolinge mai i laona walumalau. Taꞌena nga iini ko mwaꞌe-mwaꞌe huni lulu i sulie walaimolinge, nge e sai rongo hunie walaku.”

Tataroha Diana I Sulie A Jisas Kraes Nge A Jon E Uusue 7:18

Aana iinoni nge ko ere mola tohune, ingeie ngeena ko loꞌohie mola haꞌapainaꞌalana maraana ni ngeena. Taꞌe a tei nge ko sare haꞌapainaꞌaa iini e uusungeꞌinieu mei, nge iini urine ko ere toꞌohuu na nga mei eeronga haꞌike loꞌu aana.

2 Korinit 2:17

Mo iini oto hunge ko lupweꞌi tarohaꞌinie walana God, taꞌe kire kaꞌa asu toꞌohuu ike, aena aana saeda mola hunie kire ke tari toꞌoha aana. Taꞌe iꞌemeelu, melu aaopa oto mwaanire aana melu ko tarohaꞌinie walana God aani sae manola peꞌie nanamanga a Kraes. Na melu saie uri a God nge e uusungeꞌiniꞌemeelu mala mo koni-konihe ingeie, na ko toꞌo-toꞌomaaie taane nga taa melu ko euꞌesuie.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

2 Korinit 5:16

Oto maholo ienini neꞌisaenga ikie i sulie mwala e hai-oolisi oto, na kie kaꞌa loꞌongaꞌi ike i sulie nga iini i sulie tolahai iinoni ni welumalau. E toꞌohuu taane uri kie lio toli keꞌu aana a Kraes i sulie tolaha ni iinoni urine holaꞌinaꞌo, taꞌe maholo ienini kie kaꞌa sai teꞌurine ike loꞌu.

Kalesia 1:10

?Uri no ko ere urine aana no ko sare da mola mwala ke saetoꞌo aaku? ?Wa ohe omu loꞌongaꞌinie uri no ko sare haꞌasaedianaꞌaa mola mo iinoni? !Haꞌike oto ooꞌoo! Mala uri no ko sare haꞌasaedianaꞌaa mola mo iinoni, nge e tohungei aasa hunie ne kei neꞌi mwane auꞌesu nana a Kraes. Taꞌe ineu, no ko sare haꞌasaedianaꞌaa mola a God.

Kalesia 2:6

Oto mo naꞌohai mwane aana soihaadaꞌinge ngeena kire kaꞌa unue ike uri nga mei ola aana laeliwalanga ineu ke aaopa. (Na e kaꞌa roroꞌaieu ike mala uri kire ke neꞌi mwane paine loꞌu uri taa, taꞌe walaimolinge nge e roroꞌa hunieu aana a God ko lee-leesikie mo iinoni uri kie mani sada mola i maana.)

1 Tesalonaeka 2:4

!Haꞌike! A God e lio hilisiꞌemeelu oto na e norutoꞌo oto aameelu uri melu melisine oto tarohaꞌinilana Tataroha Diana. Oto maholo melu ko ere, melu kaꞌa ere ike mola i sulie saena mwala, taꞌe oto i sulie saena God, iini e saenanau uri melu ke asu toꞌohuu nana, na e lio hilisiꞌemeelu huni esu nana.

Jemes 3:17

Taꞌe saenanaunge nge e lae mai mwaanie a God e uuri. E rereꞌa, na e honu aana hanuelamanga, na e mamae, na e sai tola i suli, na e sai hei-aamasi, na ko peꞌi. Saenanaunge urine e kaꞌa sai lupweꞌi deu-deu na e kaꞌa sai rara ike haahie nga iini.

1 Jon 5:20

Na kie manataꞌinie oto noꞌone uri a Kalena God e lae mai na e niie oto saenanaunge naka, uri hunie kie ke manataꞌinie Iini Toꞌohuu. Na maurihaꞌaka oto i lalo aana Iini Toꞌohuu, aana ikie i lalo aana Kalena, a Jisas Kraes. Taꞌe ingeie mola tohungei God, na ingeie oto aahuꞌine maurihe huu.