Matiu 22:13 - Tataroha Diana

¹³ “Oto inemauri ngeena ko unue hunie mwala auꞌesu ingeie uuri, ‘Omu ke pwasue e ro nimana na e ro aeꞌaena, oto omu ko aasie i laona rodohono poꞌoi sinaha, leu nge mwala kei iiꞌo ni ngaranga peꞌi saehuunge oto hiitoꞌo aana.’ ”

Matiu 22:13 ပူးပေါင်းရင်းမြစ်များ

Matiu 12:29

Oto a Jisas ko heꞌi ere ni aalahuunge loꞌu i sulie nanamanga ingeie e saka liutaa aana Satan, na ko teꞌuri, “Nga mwane saꞌa sili ike i laona nume ngaeta ramo hunie ke pelie toꞌo-toꞌolana, taꞌe kei holaꞌi tapolie na kei pwesue, nge purine ke si toolea ahutana mo ola ingeie.”

Matiu 13:30

Toliꞌaasie kaꞌu mo kooni na mo rea ke mani pwito tararuru hule aana soꞌokoninge. Oto ne ke si unue hunie mo iini ko soꞌokoni uri kire ke holaꞌi ware aasie mo rea, kire ke loko i hoꞌo huni uunu aasiꞌi. Oto kire ke si haro soꞌokonie loꞌu mo kooni huni neꞌiꞌi lengine haa ineu.’ ”

Matiu 13:42

Oto kire kei aasire i laona dunge ni haꞌamotaahinge, leu ngaranga na saehuunge e paine aana.

Matiu 13:50

Na kire kei aasire i laona dunge ni haꞌamotaahinge, leu ngaranga na saehuunge e paine aana.”

Matiu 24:51

Oto aalaha ngeena kei tohungei haꞌaloi letehie koni-konihe ingeie ngeena, na kei uusungeꞌi aasie oto peꞌie mwala ko lupweꞌi deu-deu. I leune kire kei iiꞌo mola peꞌie ngaranga na saehuunge paine.”

Matiu 25:30

Oto aana ko urine, omu ke aasie mwane auꞌesu aaela ngeena taꞌi sinaha i laona rodohono, leu ngaranga na saehuunge e paine aana.’ ”

Matiu 8:12

Taꞌe mo Jiu nge a God e lio hilisire kaꞌu oto i naꞌo hunie aalahanga ingeie, aasilada kei lae mola sinaha i laona rodohono. Na kire kei iiꞌo ni saehuunge mola peꞌie ngaranga.”

Tataroha Diana I Sulie A Jisas Kraes Nge A Luk E Uusue 13:28

“I leune omu kei iiꞌo ni saehuunge mola peꞌie ngaranga. Aana omu kei leesie a Ebraham, na a Aesak, na a Jekob peꞌie mo propet oto i naꞌo ikire i laona Aalahanga a God, na iꞌomu, aasilemiu kei lae mola poꞌoi sinaha mwaanie leune.

Tataroha Diana I Sulie A Jisas Kraes Nge A Jon E Uusue 21:18

No ko unue oto huniꞌo uri maholo o oꞌoꞌo saanau o hoꞌo-hoꞌo toꞌoni mola maraamu na o talei lae-lae oto mola i sulie saemu. Taꞌe aana maholo o kei repo oto, nga mo iini aaopa oto kei hoꞌo haahiꞌo hunie o ke hii aaela, na kire kei tooleꞌo aana leu o kaꞌa sare lae ike aana, na kire kei da o kei tahangaa e ro kiꞌimu.”

Palonga 21:11

E lae mai saameelu oto e hele aana rorotoꞌoni a Pol na ko pwesue oto aeꞌaena na nimana maraana oto ko teꞌuri, “Liꞌoa Maaꞌi e unue uri mwala ni Jiu i Jerusalem kire kei pwesue iini nge e toꞌo aana rorotoꞌoni ienini uurini, na kire kei niie i nimana mo Aapoloa Aaopa.”

Palonga 7:54

Oto maholo mwala aana pulitaa ni lei-lei kire rongoa a Stivin ko ere urine, saeda ko si tohungei mela oto mala dunge aana kire ko saewasu.

2 Tesalonaeka 1:9

Na mei haꞌaloinge nge kei hite aada ngeena nge e tohungei aaela oto liutaa, na e saꞌa mango oto ooꞌoo. Na kire kei iiꞌo oto haꞌataulie a Aalaha na manikuluhaꞌana aana nanamanga ingeie taꞌau i Lengi.

2 Pita 2:17

Mo haꞌa-uusuli eero-eero ngeena, ikire mo ola mwaakule mola. Kire ko heiholotaꞌinie mo ola diana, taꞌe mo wala mwaakule mola ni ngeena. Oto kire urihana mola mo huulaa e mwaꞌa. Na kire urihana mola mei rorodo e aꞌate nge e kaꞌa sai niie nemo hunie hohola ke aahu. Na a God e hele aakau oto aana leu ni haꞌamotaahinge talada, nge rodohono e paine aana.

2 Pita 2:4

Na kie mani saie oto uri maholo mo ensel kire oorahaꞌaa kaꞌu waite, a God e haꞌaloire aana e pwasure aani iieliheu, na e oohe aasire i laona leu ni haꞌamotaahinge nge e tohungei rodohono oto hiitoꞌo. Na kire kei iiꞌo i leune lae-lae hule aana Dinge Ni Leinge aana maholo ooreta.

Jiud 1:13

Mwala urine kire kaꞌa sai masa ike haahie mo tataꞌalanga ikire, na kie sai leesiꞌi mola mala rama-rama nge aahe ko aasiꞌi i oone. Kire urihana mola mo tatahorade, aana haꞌamangolani oto i laona rodohono pupulu, na e urine noꞌone hunie mwala ngeena aana a God e koni aakau oto aana nga leu loosire i laona rodohono pupulu oto di.

Jiud 1:6

Na omu ke aamasitoꞌo noꞌone aana mo ensel nge kire toli puri mola aana mo lio i sulinge ikire, na kire lae mola mwaanie mo iiꞌo-iiꞌoha ikire. A God e hoꞌosie mo ensel ngeena aani iieliheu oto huu, na e aasire i laona rodohono oto loosie hai dinge ni lei mae aada.

Haataꞌinge 21:27

Taꞌe nga mei ola tataꞌala saꞌa roroꞌa lae ike loꞌu mei laona hanuena. Mo iini nge ko deu-deu oorahaꞌaa aaela, wa ko talei eero-eero, kire saꞌa roroꞌa ni lae ike i laona. Taꞌe mo iini nge uusulana satada e lae i laona uusu-uusu ni meurihe a Kalei Sipu, ikire haꞌalaa kire sai lae i laona hanuena.