Matiu 21:41 - Tataroha Diana

⁴¹ Oto kire ko aalamie uuri, “Kei tohungei horo suuheꞌinie oto mwala aaela ngeena, na kei haꞌahaulaa loꞌu hohola ngeena aana mo iini nge kire sai niie aapa ingeie hunie aana maholo ni soꞌokoninge.”

Matiu 21:41 ပူးပေါင်းရင်းမြစ်များ

Matiu 21:34

Oto e hule aana maholo ni soꞌokoninge, poro paine ngeena ko uusungeꞌinie taꞌau mo koni-konihe ingeie i saana mo mwane ko lio i sulie hohola ngeena, uri huni toolea mai nga taa kire kei niie hunie.

Matiu 21:40

Oto a Jisas ko dolosi loꞌu aana mo pris na mo rato ni mwane uuri, “?Haꞌalaa nga taa nge poro paine haahie hohola ngeena kei esuie aana mwala ngeena?”

Matiu 21:43

Aena ngeena no ko unue huniꞌomu uri, taꞌaasilana aalahanga a God kei lae mwaaniꞌomu, na niilana kei lae oto hunie mo iini ko deu i sulie mo ola a God e saetoꞌo aani.

Matiu 3:12

Ingeie ni e toꞌo aana nanamanga huni leie ahutana iinoni. Aana e urihana iinoni nge ko taꞌaasie mo hule-hulei kooni mwaanie mo tohungei ola. Oto ko si neꞌi konie mo tohungei ola i lengine haa i laona nume ni duru ingeie. Taꞌe mo hule-hulei ola aaela ngeena, nge kei uunuꞌi aana dunge nge e saꞌa mwaꞌa loꞌu.”

Tataroha Diana I Sulie A Jisas Kraes Nge A Luk E Uusue 20:16

Maholo kei lae mai, nge kei tohungei horo suuheꞌinie oto mwala aaela ngeena, na kei haꞌahaulaa loꞌu hohola ngeena aana ngaeta mwala aaopa.” Maholo mwala e rongo urine, kire si meni teꞌuri, “!Haꞌike, ke suꞌuri urine!”

Palonga 15:7

Na purine kire ere hiitoꞌo oto i sulie, a Pita e uure i lengi, oto ko teꞌuri, “Maeni eesiku maaꞌi, omu meni saie oto uri a God e lio hilisieu oto wau i naꞌo mwaanie pulitaa ikolu hunie ineu ne ke holaꞌi laengaꞌinie Tataroha Diana hunie mo Aapoloa Aaopa hunie ikire noꞌone kire ke hiiwalaimoli aana Jisas.

Palonga 18:6

Taꞌe maholo mwala ni Jiu kire ko leledie na kire ko ere aaelasie, a Pol e si tataaꞌinie mola mo wasa-wasa aana toꞌoni ingeie mala nga tolimaa uri tolahada e tohungei aaela liutaa. Oto ko haꞌapasulire ko teꞌuri, “Mala uri a God ko haꞌaloiꞌomu, na roroꞌanga iꞌomu oto maraamiu eena. Nga roroꞌanga ineu haꞌike aana leune. Uure siꞌiri pwau weu ne kei lai tarohaꞌinie Tataroha Diana oto hunie mo Aapoloa Aaopa.”

Palonga 28:28

Na a Pol e teꞌuri loꞌu, “Oto aena mei olana, nge saeku hunie omu ke sai diana aana uri a God ko sare haꞌa-uurie noꞌone mo Aapoloa Aaopa, na kire kei rongo taane hunie.”

Palonga 28:8

Taꞌe aana maholona aamana a Pablias ko tohungei mataꞌi peꞌie iielae, na e eno mola i lengine tahe ingeie. A Pol e sili i saana hai duru ingeie, oto e hele wau i sapena peꞌie aarengaꞌinge hunie ke awaa loꞌu, na e rau oto urine hunie.

1 Tesalonaeka 2:16

aana kire sare uure honosiꞌemeelu mwaanie haꞌa-uusulilana mo Aapoloa Aaopa i sulie haꞌa-uuringe a God. Oto aena kire dau urine, mo oorahaꞌaanga ikire ko pei-peine loꞌu mola hiitoꞌo, na saewasunge a God e hule oto aada.

Hibru 12:25

Oto omu ke lio talamiu, mwaanie omu sereꞌi rongo hunie a God ko ere-ere mai huniꞌomu ngeena. Mwala holaꞌinaꞌo nge kire kaꞌa sare rongo ike hunie a Mosis aana maholo e haꞌapasulire mai aana walumalau ie, kire kaꞌa sai tehisie ike loꞌu mo haꞌamotaahinge. Taꞌe ie a God e ere mai uure taꞌau i Lengi huni haꞌapasulikie. ?Oto kie ke si tehisie kaꞌu mo haꞌamotaahinge uri taa, mala uri kie ko tolipuri aana walana? !Kei aasa mwae!

Hibru 2:3

Taꞌe mei wala ni haꞌa-uuringe nge a God e niie mai naka siꞌiri ie, e paine loꞌu liutaa aana iini i naꞌo ngeena. ?Oto mala uri kie kaꞌa sare rongo ike hunie tataroha ngeena, nge kie kei tehisie kaꞌu haꞌaloinge uri taa? !Kei aasa mwae! Aalaha ikie a Jisas maraana oto e holaꞌi unu tahangaꞌinie tataroha ngeena, na mo iini kire rongo hunie, kire unu tahangaꞌinie oto oodoikie uri mei wala ngeena e tohungei toꞌohuu oto.