Matiu 21:19 - Tataroha Diana

¹⁹ Oto e leesie ai fik i reune tala, na ko lae oto i saana. Taꞌe maholo e lae wai hule aana, na ko leesie uri nga taꞌa-taꞌa hue-huei ei haꞌike aana, taꞌe apa-apana mola haliꞌite. Oto ko unue hunie ai ngeena uuri, “O saꞌa roroꞌa ni hungu loꞌu.” Na ai ngeena ko tolana nunulu oto molo aana maholona.

Matiu 21:19 ပူးပေါင်းရင်းမြစ်များ

Matiu 21:20

Na maholo mo pwaarongoisuli kire leesie urine kire ko si pangataꞌi na kire ko unue uuri, “!Haꞌike eena! ?Ai ngeena e tolana nunulu oto mola lau-leu uri taa?”

Tataroha Diana I Sulie A Jisas Kraes Nge A Mak E Uusue 11:14

Oto a Jisas ko teꞌuri hunie ai ngeena, “Nga iini saꞌa roroꞌa ni ngaue loꞌu nga hue-huei ei loꞌu eemu uure siꞌiri pwau weu.” Na mo pwaarongoisuli ingeie kire rongoa oto nga taa e unue.

Tataroha Diana I Sulie A Jisas Kraes Nge A Mak E Uusue 11:20

Oto i maahuꞌo-huꞌo aana hai dinge loꞌu i puri, kire ko eelihoꞌi loꞌu mei sulie tala, na kire ko leesie ai nge a Jisas e uesie, e mae uure i toꞌelena lai hule oto aana imi-imine.

Tataroha Diana I Sulie A Jisas Kraes Nge A Luk E Uusue 3:9

Aana a God e urihana mwane e neꞌi aakau oto aana hau tou-tohu i aeꞌaena mo ei, na mo ei nge kire kaꞌa hungu ike aani hue-huei ei diana, kei tohu aasiꞌi na aasileni kei lae i laona dunge.”

Tataroha Diana I Sulie A Jisas Kraes Nge A Jon E Uusue 15:2

Ingeie oto ko taꞌaasie taꞌena nga sasarai ola aaku nge e kaꞌa hungu ike aani hue-huei ola. Na aana ko lio i suli diana aana hohola ingeie, nge mo sasarai ola kire ko hungu eeni hue-huei ola diana, ingeie ko si olo aasie taꞌena nga aaelanga mwaaniꞌi hunie kire ke rereꞌa na ke hungu oto loꞌu hiitoꞌo.

Tataroha Diana I Sulie A Jisas Kraes Nge A Jon E Uusue 15:6

Aana nga iini e kaꞌa iiꞌo susu eeku, aasilana kei lae mola mala sasarai ola aaela, oto ko nunulu mola. Na mo sasarai ola urine, kire ke soꞌokoniꞌi na aasileni ke lae mola i laona dunge hunie ke waru tetehu.

2 Timoti 3:5

Kire kei lupweꞌi esu taane huni haataꞌinie uri ikire mo iinoni maaꞌi, taꞌe e kaꞌa toꞌohuu ike, na hule aana kire kaꞌa kele saetoꞌo aana ike nanamanga a God ke lio i sulie maurihaꞌada. Mwala urine, o ke suꞌuri lae i sulire, taꞌe o ke iiꞌo haꞌataulire mola.

Taetas 1:16

Maꞌalana kire ko unu-unue uri kire saie a God, taꞌe tolahada ko si haataꞌinie mola uri kire kaꞌa saie ike a God. Oto mo iini urine kire tohungei lio mamaꞌela i maana God aana kire ko heitohe mola na kire kaꞌa sai esuie ike nga mei ola diana.

Jiud 1:12

Maholo omu ko esuie mo ngeuhe iꞌomu huni haataꞌinie manata-diananga iꞌomu huniꞌomu heiliu, nge mwala ngeena kire ko ngeu-ngeu taane peꞌiꞌomu aana ngau-maaꞌinge iꞌomu ngeena. Taꞌe kire urihana mola mo usu ko hiolo. Kire saꞌa maꞌuteꞌinie ike nga iini, aana kire ko rarara oto mola hunire maraada. Kire ko heiholotaꞌinie mo ola diana, taꞌe mo wala mwaakule mola ni ngeena, aana kire urihana mola mei rorodo e aꞌate nge e kaꞌa sai niie nemo hunie hohola ke aahu. Kire urihana noꞌone mo ei nge kaꞌa sai hungu ike maꞌalana maholo huni hungunge aana halisi. Oto waꞌi-mousilana imi-imini e lae mwaanie mwakano na kire tohungei mae oto taꞌingelu.

Haataꞌinge 22:11

Maholo e oꞌoruꞌe mola, oto mo iini nge kire ko euꞌesuie aaelanga na tolahada e tataꞌala, e aasa hunie kire kei eeliꞌu taꞌe kire kei talei iiꞌo mola peꞌie tataꞌalanga na tolahada kei heꞌi tataꞌala loꞌu liutaa. Na mo iini nge kire ko esu aana diananga na tolahada e maaꞌi, kire kei lae peꞌi esu oto mola aana diananga na tolahada kei maaꞌi oto tarau.”