Matiu 20:23 - Tataroha Diana

²³ Oto a Jisas ko unue loꞌu hunirerue uuri, “Toꞌohuu more kei hotelaꞌinie taane iiola ne kei hotelaꞌinie, taꞌe uri hunie iiꞌonga i pwalo-pwaloku na i meu-meuliku, e kaꞌa leu ike i sapeku huni niie hunie nga iini, aana e ro iiꞌo-iiꞌoha ngeena kire iiꞌo oto loosie mo iini Aamaku e lio hilisire.”

Matiu 20:23 ပူးပေါင်းရင်းမြစ်များ

Matiu 13:11

A Jisas e aalamire ko teꞌuri, “No ko teꞌurine aena aana a God e lio hilisiꞌomu hunie omu ke saenanau aana walaimolinge mumuni aana Aalahanga ingeie, taꞌe ke iiꞌo mumuni ue mwaanire.

Matiu 20:24

Maholo ngaeta aawalai pwaarongoisuli loꞌu kire rongoa sukanga ro mwaasine, oto kire ko si saewasulie e ro mwaasinena.

Matiu 25:34

“Oto ineu, a Inemauri, ne ke si unue hunie mo iini oodotaꞌi nge ikire i pwalo-pwaloku uuri, ‘Omu ke lae mai mo iini nge a Mamaꞌa e niie haꞌadianaꞌanga ingeie oto huniꞌomu. Omu ke hele huu oto namiu aana aalahanga nge a Mamaꞌa e dau aakau aana loosiꞌomu, uure oto aana haꞌaholalana walumalau.

Tataroha Diana I Sulie A Jisas Kraes Nge A Mak E Uusue 10:40

Taꞌe uri hunie iiꞌonga i pwalo-pwaloku na i meu-meuliku, e kaꞌa leu ike i sapeku huni niie hunie nga iini, aana e ro iiꞌo-iiꞌoha ngeena kire iiꞌo oto loosie mo iini a God e lio hilisire.”

Palonga 12:2

E unue kire ke horo maesie a Jemes Hurulaꞌaa (aasine a Jon) aana naihi.

Uusu-uusu A Pol Hurula'aa Hunie Mo Rom 8:17

Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

1 Korinit 2:9

Taꞌe leune ko haataꞌinie oto uri Uusu-uusu Maaꞌi ko ere toꞌohuu aana e unue uuri, A God e dau aakau aana mei ola nge e diana liutaa hunie mo iini nge a God maraana e manata diana hunire. Na mei ola diana ngeena nga iini e kaꞌa leesie ue, wa nga iini ke rongoa, wa ke loꞌo-loꞌongaꞌinie uri kei reu. Aesaea 64:4

2 Korinit 1:7

Oto melu hiiwalaimoli toꞌohuu uri omu sai uure maꞌutaꞌa taane, aena aana melu saie mola uri omu ko sapesalu noꞌone mola aana taꞌa-taꞌa taungei ola nge melu ko sapesalu aana, na a God ko haꞌadodoa loꞌu saemiu noꞌone mala ko haꞌadodoa saemeelu ie.

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

Hibru 11:16

Taꞌe nga taa kire saetoꞌo aana oto liutaa, uri kire ke iiꞌo aana nga tohungei henue diana, na i Lengi oto tohungei henue ikire. Aena urine nge a God e kaꞌa masa ike hunie mwala urine kire ke haaraꞌinie uuri, “God iꞌemi.” Na ingeie oto e dau aakau aana huilume paine talada.

Haataꞌinge 1:9

Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.