Matiu 19:22 - Tataroha Diana

²² A mwaena e rongo urine, oto ko si lae mwaanie peꞌie saehuunge paine aena aana e tohungei toꞌo-toꞌo oto liutaa.

Matiu 19:22 ပူးပေါင်းရင်းမြစ်များ

Matiu 13:22

Nga mo iini loꞌu manatada e urihana mei mwakano e honu aana walo kau-keu ngeena, kire rongoa noꞌone walana God, taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

Matiu 14:9

Oto a Herod Antipas Inemauri ko tohungei saehuu. Taꞌe aena aana e haiholotaꞌi na mwala kire rongoa oto nga taa e unue, oto ko si uusungeꞌinie ngaeta ramo ingeie huni deu i sulie nga taa a pulena e sukaa.

Matiu 16:26

?Haꞌalaa nga mei taa diana nge iinoni kei terie aana kei toꞌo aana oto ahutana mo toꞌo-toꞌonga aana walumalau ie, na ko deu tekelaꞌinie mola maurihaꞌana oto i tehulaꞌani? ?Oto uri toꞌo-toꞌolana kei peꞌie aana maholona? !Haꞌike oto ooꞌoo! Nga mei ola hunie ke niie huni tola aalihoꞌi aana maurihaꞌana, haꞌike loꞌu.

Matiu 19:21

A Jisas ko si unue hunie uuri, “Mala uri o ko sare iiꞌo oodotaꞌi oto, o ke lae, na o ke haꞌaholingeꞌinie toꞌo-toꞌolamu. Oto o ko niie mo toꞌoha aani nana mo iinoni meitale, aana ko urine nge o ke si toꞌo-toꞌo loꞌu aana mo ola diana i Lengi. Mango urine, o ke si lae mai lulu i sulieu.”

Matiu 19:23

Oto a Jisas ko si unue hunie mo pwaarongoisuli ingeie uuri, “No ko unue oto huniꞌomu uri kei tohungei aasa hunie mwala e toꞌo-toꞌo ke toliꞌaasie a God hunie ke aalaha haahire.

Matiu 6:24

“Na e urine loꞌu aana nga taꞌa-taꞌa koni-konihe e saꞌa roroꞌa asu susuleꞌi ike nana nga ro poro paine hai aaopaꞌi. Aana kei manata diana mola hunie eetana nga iini, na kei ngiduupu hunie ruana nga iini, wa kei haꞌamaꞌu mola aana ruana nga iini, na kei maaleledie eetana nga iini. Oto e tohungei aasa hunie omu kei neꞌisae haꞌamaꞌu aana a God na toꞌo-toꞌonga aana walumalau ie mala uri e ro poro paine iꞌomu.”

Tataroha Diana I Sulie A Jisas Kraes Nge A Mak E Uusue 10:22

Oto maholo a mwaena e rongo urine, ko si lae mwaanie peꞌi saehuunge paine aena aana e tohungei toꞌo-toꞌo oto liutaa.

Tataroha Diana I Sulie A Jisas Kraes Nge A Mak E Uusue 6:26

A inemauri ko tohungei saehuu oto hiitoꞌo. Taꞌe aana e haiholotaꞌi i naꞌona mo mwane paine nge ko ngeu peꞌie, oto e kaꞌa sare unue haꞌike aana nga taa a keine e sukaa.

Tataroha Diana I Sulie A Jisas Kraes Nge A Luk E Uusue 18:23

Taꞌe maholo a mwaena e rongo urine, ko si saehuu oto hiitoꞌo aena aana e tohungei toꞌo-toꞌo oto liutaa.

Tataroha Diana I Sulie A Jisas Kraes Nge A Jon E Uusue 16:20

No ko unue oto huniꞌomu uri omu kei ngara-ngara peꞌi saehuunge, taꞌe walumalau kei ile-ilenimwaꞌe mola. Omu kei sae-saehuu taane, taꞌe saehuunge iꞌomu kei neꞌi ilenimwaꞌenga loꞌu mola.

Epesas 5:5

Iꞌomu, omu saie oto maraamiu uri mwala nge kire ko talei deu taꞌewau mola peꞌie taꞌena nga iinoni, na kire ko lae peꞌi esuie mola taꞌena nga ola aaela urine, kire kaꞌa toꞌo aana ike nga leu talada i laona mauringe nge a Kraes na a God kirerue ko aalaha haahie. Na e urine noꞌone hunie mo iini nge kire ko talei sae-saehanalie mola toꞌo-toꞌolana ngaeta mwala, aana mo iini urine kire ko paloa mola mo god eero-eero ni ngeena.

Kolosi 3:5

Aena urine, omu ke horo aasie oto ahutana mo neꞌisaenga aaela mwaanie maurihaꞌamiu mala masinge, na dau-olanga taꞌe wau peꞌie nga iini, na hari-huninge ni sape, na saehanalilana mo ola aaela. Na omu ke suꞌuri saehanalie toꞌolana ngaeta mwala, aena aana palolana mo god eero-eero ni ngeena.