Matiu 18:16 - Tataroha Diana

¹⁶ Taꞌe mala uri e kaꞌa rongo oto huniꞌo, nge o ke dau mala Uusu-uusu Maaꞌi e unue, na o ke toolea nga iini wa e rue loꞌu peꞌiꞌo, hunie e ro iinoni ngeena kire ke haꞌa-ahue walamu. Diutronomi 19:15

Matiu 18:16 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 8:17

Mo Haꞌatolanga iꞌomu maraamiu e unue uri mala nga ro iini ko meni unue taꞌa-taꞌa mei ola, nge haꞌalaa omu sai hiiwalaimoli aana nga taa kire ko unuena.

2 Korinit 13:1

Oolune nga mai laenga ineu loꞌu mei huni maatoliꞌomu oto ienini. Oto omu ke lio talamiu, aana kolu saie oto uri mo Uusu-uusu Maaꞌi e unue uuri, Maholo nga iini ko haꞌasusungeꞌinie ngaeta iinoni i naꞌona mo mwane lei-lei, nga ro iinoni wa e oolu ke haro ere haꞌa-oaie nga taa ko unue ngeena, haꞌalaa kire ke si haꞌaloie. Diutronomi 19:15

1 Timoti 5:19

O ke suꞌuri rongo hunie nga iini nge ko unue uri nga naꞌohai mwane haahie soihaadaꞌinge e dau huꞌisie nga haꞌatolanga, mala uri taꞌe ingeie mola ko ere urine na nga ro iini wa e oolu kire kaꞌa lae ike mai ere urine noꞌone.

Hibru 10:28

Mala nga iini e haitohea mo Haꞌatolanga a Mosis, na nga ro iinoni wa e oolu ko unu tahangaꞌinie nga taa e dau aaelasie, nge mo mwane lei-lei saꞌa aamasie ike, taꞌe kire kei horo maesie oto.

Haataꞌinge 11:3

Na ne kei uusungeꞌinie poi e ro mwane ineu nge kire sai haꞌawalaimoliꞌaa walaku. Kirerue kei toꞌoni aani toꞌoni aaela ni haataꞌinie uri kirerue ko saehuu, na ne kei niie nanamanga hunirerue hunie kirerue ke unu tahangaꞌinie walaku hunie sinola peꞌie e ro tangalau na e oono aawalai hei dinge ngeena.”