Matiu 18:15 - Tataroha Diana

¹⁵ Oto a Jisas ko heꞌi teꞌuri loꞌu, “Mala nga aasimu i laona Kraes ko deu aaelasie nga mei ola aamu, o ke lae mola i saana maraamu hunie more ke haꞌa-oodohie i matolamoreꞌi mola maraamoreꞌi. Mala uri aasimu ko rongo hunie nga taa o kei unue, e urihana o tola aalihoꞌi loꞌu aana aasimu eena hunie more ke iiꞌo diana loꞌu.

Matiu 18:15 ပူးပေါင်းရင်းမြစ်များ

Matiu 18:14

E urine loꞌu aana Aamaku i Lengi, e kaꞌa saetoꞌo aana ike uri nga taꞌa-taꞌa kele iini aana mo iini e hiiwalaimoli eeku ke takalo.”

Matiu 18:21

Oto a Pita e lae mai saana a Jisas ko si dolosi aana uuri, “?Aalaha ineu, mala uri aasiku kei lae mola peꞌi deu huꞌisieu tarau, ne kei saeꞌaasi hunie haꞌanite? ?Uri ne kei saeꞌaasi hunie e hiu maholo, na e kohi oto?”

Matiu 18:35

Oto a Jisas ko si haꞌamangoa ere-erenga ingeie na ko unue uuri, “Aitana nga taa nge Aamaku i Lengi kei da huniꞌomu eena, aana uri omu kaꞌa saeꞌaasi toꞌohuu hunie mo eesimiu.”

Uusu-uusu A Pol Hurula'aa Hunie Mo Rom 12:21

Mwaanie omu toitoliꞌaasie aaelanga ke aꞌailaꞌasiꞌomu, taꞌe iꞌomu ni omu ke aꞌailaꞌa taraꞌasi aani esuilana mo tolahai ola diana hunie omu ke aꞌailaꞌasie aaelanga.

1 Korinit 8:12

Taꞌena nga maholo o ko deu huꞌisie aasimu maaꞌi, aana o ko haꞌa-olaa hunie ke lae aaopa mwaanie nga taa manatana e loꞌongaꞌinie e oodo, nge o ko deu huꞌisie oto a Kraes ni ngeena.

2 Korinit 7:12

Oto maꞌalana nou uusue kaꞌu uusu-uusu ngeena, taꞌe nou kaꞌa uusue ike mola aena aana nou loꞌongaꞌinie iini nge e dau roroꞌanga ngeena. Na e kaꞌa ike mola aena aana nou loꞌongaꞌinie iini nge mei roroꞌanga e hite aana. Taꞌe nou uusue huniꞌomu hunie uri omu ke aamasitoꞌo aana manata-diananga iꞌomu hunieu, na aena aana nou unue uri leune ke da omu ke lio saie i maana a God uri omu ko neꞌisae paine aameelu toꞌohuu.

Kalesia 6:1

Maeni eesiku maaꞌi, mala uri nga iini eemiu ko deu huꞌisie nga mei oorahaꞌaa, nge mo iini omu ko lulu i sulie tolahana Liꞌoa Maaꞌi, omu ke haꞌa-oodohie aani saemamae. Na omu ke lio talamiu noꞌone mwaanie uri iꞌomu maraamiu omu deu huꞌisie loꞌu mola mei olana.

Kolosi 3:13

Omu ke iiꞌo diana peꞌiꞌomu heiliu, na maholo nga iini ko deu huꞌisie nga mei ola aamu, nge e diana oto liutaa uri o ke suꞌuri saewasu, taꞌe o ke saeꞌaasi mola hunie. A Aalaha e saeꞌaasie mo roroꞌanga iꞌoe, na iꞌoe noꞌone o ke saeꞌaasie urine mo roroꞌanga mo iini ko deu aaela huniꞌo.

1 Tesalonaeka 4:6

Na mwaanie nga iini eemiu e wae-waelie auhenue ingeie aani aeni-olanga peꞌie keni ingeie. Melu haꞌapasuliꞌomu keꞌu oto aana mei ola ienini, aana a Aalaha kei haꞌaloie mo iini ko deu urine.

2 Tesalonaeka 3:15

Taꞌe omu ke suꞌuri talei deu aada mala uri mo maelonga iꞌomu. Kei lae oto i diana hunie uri omu ke haꞌapasulire mola, aana ikire mo eesimiu maaꞌi taane ni ngeena.

Taetas 3:10

Mala nga iini ko da oopanga hunie mwala, nge o ke haꞌa-oodohie mola. Taꞌe mala uri o ko haꞌa-oodohie oto haꞌarue na e kaꞌa sare rongo huniꞌo, nge o ke aatopuri mola aana.

1 Pita 3:1

Na iꞌomu mo huꞌe noꞌone, omu ke tola i sulie mo poro iꞌomu. Urine, maꞌalana poro iꞌoe e kaꞌa hiiwalaimoli ike aana God, taꞌe ohe tolahamu kei haꞌa-aaliꞌue mai takoie hiiwalaimolinge. E kaꞌa ilisie ike uri o ke haro unue loꞌu nga mei ola hunie, taꞌe poro iꞌoe kei hiiwalaimoli mola